Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 26:1-24

26  Iti panangrugi ti naarian a panagturay ni Jehoiaquim+ nga anak ni Josias, ti ari ti Juda, daytoy a sao dimteng manipud ken Jehova, a kunkunana:  “Daytoy ti kinuna ni Jehova, ‘Agtakderka iti paraangan ti balay ni Jehova,+ ket masapul a sawem maipapan kadagiti amin a siudad ti Juda nga um-umay tapno agruknoy iti balay ni Jehova ti amin a sasao nga ibilinkonto kenka a sawem kadakuada.+ Dika mangkissay iti maysa a sao.+  Bareng umimdengdanto ket agsublida, tunggal maysa manipud iti dakes a dalanna,+ ket kasapulan nga agladingitakto iti didigra a pampanunotek nga ipakat kadakuada gapu iti kinadakes dagiti pannakilangenda.+  Ket masapul a kunaem kadakuada: “Daytoy ti kinuna ni Jehova, ‘No saankayto nga umimdeng kaniak babaen ti pannagna iti lintegko+ nga inkabilko iti sanguananyo,+  babaen ti panagimdeng iti sasao dagiti adipenko a mammadto, nga ibaonko kadakayo, a bimmangonak pay a nasapa ket imbaonko ida, isuda a saanyo nga inimdengan,+  pagbalinekto, met, daytoy a balay a kas iti adda idiay Silo,+ ket daytoy a siudad pagbalinekto a lunod kadagiti amin a nasion iti daga.’”’”+  Ket ti papadi ken dagiti mammadto ken amin dagiti umili nangrugi a mangngegda ni Jeremias a mangisasao kadagitoy a sasao iti balay ni Jehova.+  Gapuna naaramid nga idi nalpas a sinao ni Jeremias ti isuamin nga imbilin kenkuana ni Jehova a sawenna kadagiti amin nga umili, idin isu tinengngel ti papadi ken dagiti mammadto ken amin dagiti umili, a kunkunada: “Mataykanto a di bumurong.+  Apay a nagipadtoka iti nagan ni Jehova, a kinunam, ‘Kas iti adda idiay Silo+ ti pagbalinanto daytoy a balay, ket daytoy a mismo a siudad mapagwalangwalangto tapno maawanan iti agnanaed’?” Ket amin dagiti umili naguummongda iti aglikmut ni Jeremias iti balay ni Jehova. 10  Idi agangay nangngeg dagiti prinsipe ti Juda dagitoy a sasao, ket simmang-atda manipud iti balay ti ari nga agturong iti balay ni Jehova+ ket nagtugawda iti pagserkan ti baro a ruangan ni Jehova.+ 11  Ket ti papadi ken dagiti mammadto rinugianda a kunaen kadagiti prinsipe ken kadagiti amin nga umili: “Iti daytoy a lalaki agpaay ti pannakaukom nga ipapatay,+ agsipud ta nagipadto maipapan iti daytoy a siudad kas iti nangngegyo kadagiti bukodyo a lapayag.”+ 12  Iti kasta kinuna ni Jeremias kadagiti amin a prinsipe ken kadagiti amin nga umili: “Ni Jehova ti nangibaon kaniak a mangipadto maipapan iti daytoy a balay ken maipapan iti daytoy a siudad iti amin a sasao a nangngegyo.+ 13  Ket ita pasayaatenyo ti daldalanyo ken dagiti pannakilangenyo,+ ket agtulnogkayo iti timek ni Jehova a Diosyo, ket ni Jehova agladingitto iti didigra a sinaona a maibusor kadakayo.+ 14  Ket no maipapan kaniak, adtoy addaak iti imayo.+ Aramidenyo kaniak ti maitunos iti naimbag ken ti maitunos iti umiso kadagiti matayo.+ 15  Isuna laeng ta siguraduenyo koma nga ammuen a, no papatayendak, awanan basol a dara ti iparparabawyo iti bagbagiyo ken iti daytoy a siudad ken kadagiti agnanaed kenkuana,+ ta iti kinapudnona imbaonnak kadakayo ni Jehova tapno sawek kadagiti lapayagyo dagitoy amin a sasao.”+ 16  Idin dagiti prinsipe+ ken amin dagiti umili kinunada iti papadi ken kadagiti mammadto: “Awan pannakaukom nga ipapatay nga agpaay iti daytoy a lalaki,+ ta iti nagan ni Jehova a Diostayo nga isu nagsao kadatayo.”+ 17  Kanayonanna pay, timmakder ti sumagmamano kadagiti lallakay ti daga ket rinugianda a kinuna iti intero a kongregasion dagiti umili:+ 18  “Ni met laeng Mikias+ ti Moreset+ agipadpadto idi iti kaaldawan ni Ezekias nga ari ti Juda+ ket kinunana kadagiti amin nga umili ti Juda, ‘Daytoy ti kinuna ni Jehova ti buybuyot: “Ti mismo a Sion maaradonto kas iti maysa a talon laeng,+ ket ti mismo a Jerusalem agbalinto a bunton laeng dagiti rebba,+ ket ti bantay ti Balay agpaayto kadagiti nangato a disso ti maysa a bakir.”’+ 19  Isu impamuspusan aya a papatayen ni Ezekias nga ari ti Juda ken dagiti amin a kameng ti Juda? Saan aya a nagbuteng ken Jehova ket pinaluknengna ti rupa ni Jehova,+ iti kasta ni Jehova nagladingit iti didigra a sinaona maibusor kadakuada?+ Gapuna agar-aramidtayo iti dakkel a didigra maibusor kadagiti kararuatayo.+ 20  “Ket adda met idi maysa a lalaki nga agipadpadto iti nagan ni Jehova, ni Uria nga anak ni Semaias manipud Kiriat-jearim.+ Ket isu nagipadpadto maibusor iti daytoy a siudad ken maibusor iti daytoy a daga maitunos iti amin a sasao ni Jeremias. 21  Ket ni Ari Jehoiaquim+ ken amin dagiti nabileg a lallakina ken amin dagiti prinsipe nangngegda ti sasaona, ket rinugian ti ari nga inkagumaan ti panangpapatay kenkuana.+ Idi nangngegan dayta ni Uria dagus a nagbuteng+ ket nagtalaw ket dimteng iti Egipto. 22  Ngem ni Ari Jehoiaquim nangibaon kadagiti lallaki a mapan idiay Egipto, ni Elnatan nga anak ni Acbor+ ken dadduma a lallaki a naikuyog kenkuana nga agturong idiay Egipto. 23  Ket inruarda ni Uria manipud Egipto ket inyegda ken Ari Jehoiaquim, a nangkabil kenkuana kalpasanna babaen ti kampilan+ ket impuruakna ti natay a bagina iti pagitaneman ti annak dagiti umili.” 24  Mainayon pay, ti ima ni Ahicam+ nga anak ni Safan+ ti adda idi ken Jeremias, tapno isu saanda nga iyawat iti ima dagiti umili tapno papapatayda.+

Footnotes