Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 24:1-10

24  Ket impakita kaniak ni Jehova, ket, adtoy! dua a labba dagiti higos a naisaad iti sanguanan ti templo ni Jehova, kalpasan a ni Nabucodorosor nga ari ti Babilonia naipanna iti pannakaidestiero ni Jeconias+ nga anak ni Jehoiaquim,+ ti ari ti Juda, ken dagiti prinsipe ti Juda ken dagiti nasigo a trabahador+ ken dagiti managibangon kadagiti baluarte, manipud Jerusalem tapno maiyegna ida idiay Babilonia.+  No maipapan iti maysa a labba, nasayaat unay dagiti higos, kas kadagiti nasapa a higos;+ ket no maipapan iti sabali a labba, dakes unay idi dagiti higos, iti kasta saan ida a mabalin a kanen gapu iti kinadakesda.  Ket kinuna kaniak ni Jehova: “Ania ti makitkitam, Jeremias?” Gapuna kinunak: “Higos, dagiti nasayaat a higos a nasayaat unay, ken dagidiay dakes a dakes unay, iti kasta saan ida a mabalin a kanen gapu iti kinadakesda.”+  Idin dimteng kaniak ti sao ni Jehova, a kunkunana:  “Daytoy ti kinuna ni Jehova a Dios ti Israel, ‘Kas kadagitoy nasayaat a higos, kasta ti pangibilangakto kadagiti destiero ti Juda, isuda a papanawekto iti daytoy a disso nga agturong iti daga dagiti Caldeo,+ iti naimbag a pamay-an.+  Ket ikitakto ti matak kadakuada iti naimbag a pamay-an,+ ket pudno unay a pagsubliekto ida iti daytoy a daga.+ Ket bangonekto ida, ket saanko a rebbaen; ket imulakto ida, ket saanko a paruten.+  Ket ipaayakto ida iti maysa a puso tapno maammuandak,+ a siak ni Jehova; ket agbalindanto nga ilik,+ ket siak agbalinak a Diosda, ta agsublidanto kaniak buyogen ti isuamin a pusoda.+  “‘Ket kas kadagiti dakes a higos a saan a mabalin a kanen gapu iti kinadakesda,+ daytoy iti kinapudnona ti kinuna ni Jehova: “Kasta ti panangyawatkonto ken Zedekias+ nga ari ti Juda ken kadagiti prinsipena ken iti natda ti Jerusalem a nabati iti daytoy a daga+ ken kadagidiay agnanaed iti daga ti Egipto+  itedkonto met ida maipaay iti panagkintayeg, maipaay iti didigra, kadagiti amin a pagarian ti daga,+ maipaay nga umsi ken maipaay a pagkukuna a proverbio, maipaay a pangrurod+ ken maipaay a lunod,+ kadagiti amin a lugar a pangiwarawaraakto kadakuada.+ 10  Ket ibaonkonto a maibusor kadakuada ti kampilan,+ ti nakaro a bisin+ ken ti angol,+ agingga nga agpatinggada manipud iti daga nga intedko kadakuada ken kadagidi ammada.”’”+

Footnotes