Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 20:1-18

20  Ita, ni Pasur nga anak ni Immer,+ ti padi, nga isu met ti mangidadaulo a komisionado iti balay ni Jehova,+ nagim-imdeng ken Jeremias bayat nga ipadpadtona dagitoy a sasao.  Idin ni Pasur kinabilna ni Jeremias a mammadto+ ket inkabilna kadagiti tul-ong+ nga adda idi iti Makinngato a Ruangan ti Benjamin, nga adda iti balay ni Jehova.  Ngem naaramid iti sumaruno nga aldaw a ni Pasur rinuk-atanna ni Jeremias kadagiti tul-ong,+ ket kinuna ita kenkuana ni Jeremias: “Ni Jehova pinanaganannaka+ iti, saan a Pasur, no di ket Aliaw iti intero nga aglikmut.+  Ta daytoy ti kinuna ni Jehova, ‘Adtoy pagbalinenka a maysa nga aliaw kenka ken kadagiti amin a managayat kenka, ket sigurado a mapasagdanto babaen ti kampilan dagiti kabusorda+ bayat a sikikitanto dagita matam;+ ket ti intero a Juda iyawatkonto iti ima ti ari ti Babilonia, ket pudno nga idestieronanto ida idiay Babilonia ken kabilenna ida iti kampilan.+  Ket itedkonto amin dagiti naipempen a banag daytoy a siudad ken isuamin a bungana ken amin a napapateg a bambanagna; ket amin dagiti gameng ti ar-ari ti Juda iyawatko iti ima dagiti kabusorda.+ Ket pudno unay a samsamendanto ida ken alaenda ida ket ipanda ida idiay Babilonia.+  Ket no maipapan kenka, O Pasur, ken amin dagiti agnanaed iti balaymo, mapankayto iti pannakakautibo;+ ket iti Babilonia umaykanto ket sadiay mataykanto ket sadiay sika maitabonkanto agraman dagiti amin a managayat kenka,+ agsipud ta nagipadtoka kadakuada iti kinaulbod.’”+  Sinikapannak, O Jehova, iti kasta nasikapanak. Inusarmo ti pigsam maibusor kaniak, iti kasta nagballigika.+ Nagbalinak a katkatawaan iti intero nga agmalem; tunggal maysa aramidennak a mauy-uyaw.+  Ta tunggal agsaoak, umkisak. Kinaranggas ken panangagaw ti ipukkawko.+ Ta ti sao ni Jehova nagbalin kaniak a pakaigapuan ti pannakaumsi ken pananglais iti intero nga agmalem.+  Ket kinunak: “Isu saanko a dakamaten, ket saanakton nga agsao iti naganna.”+ Ket iti pusok nagbalin dayta a kas sumsumged nga apuy a napupok kadagiti tulangko; ket nabannogak a nangmedmed, ket saanko a nabaelan nga ibturan.+ 10  Ta nangngegko ti dakes a damag ti adu.+ Adda aliaw iti intero nga aglikmut. “Agisaritakayo, tapno makaisaritakami iti maipapan kenkuana.”+ Tunggal mortal a tao a mangkabkablaaw kaniak iti “Talna!”—padpadaananda ti panagsagkisagkingko:+ “Nalabit isu masikapanto,+ iti kasta makapagballigitayto maibusor kenkuana ket makaibalestayo kenkuana.” 11  Ngem ni Jehova adda idi kaniak+ kas maysa a nakaam-ames a mannakabalin.+ Dayta ti makagapu a maitibkolto dagidiay mismo a mangidaddadanes kaniak ket saanda nga agballigi.+ Sigurado a maibabaindanto unay, agsipud ta saanda a rimmang-ay. Ti di nakedngan ti kapautna a pannakaipababada maysanto a saan a malipatan.+ 12  Ngem sika, O Jehova ti buybuyot, suksukimatem daydiay nalinteg;+ kitkitaem dagiti bekkel ken ti puso.+ Sapay koma ta makitak ti pammalesmo kadakuada,+ ta impalgakko kenka ti kasok iti linteg.+ 13  Kantaanyo ni Jehova! Idaydayawyo ni Jehova! Ta inispalna ti kararua daydiay napanglaw manipud ima dagiti managaramid iti dakes.+ 14  Mailunod koma ti aldaw a pannakayanakko! Ti aldaw a panangipasngay kaniak ni inak saan koma a mabendisionan!+ 15  Mailunod koma ti lalaki a nangyeg iti naimbag a damag iti amak, a kunkunana: “Adda nayanak kenka a maysa nga anak, maysa a lalaki!” Sigurado nga isu pinagrag-ona.+ 16  Ket dayta a mismo a lalaki agbalinto a kas kadagiti siudad a dinuprak ni Jehova bayat a saanna a nagladingitan.+ Ket isu masapul a makangngeg iti maysa nga ikkis iti bigat ken maysa nga alarma a pagilasinan iti tiempo ti tengnga ti aldaw.+ 17  Apay a saannak a pinapatay a di bumurong manipud iti aanakan, tapno ni inak agbalin koma kaniak a lugar a pakaitabonak ket ti aanakanna masikog agingga iti tiempo a di nakedngan?+ 18  Apay a rimmuarak manipud iti mismo nga aanakan+ tapno makitak ti napinget a panagtrabaho ken ladingit+ ket dagiti aldawko rebbeng nga agngudoda iti pannakaibabain laeng?+

Footnotes