Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 2:1-37

2  Ket ti sao ni Jehova dimteng kaniak,+ a kunkunana:  “Mapanka, ket masapul nga agpukkawka kadagiti lapayag ti Jerusalem, a kunaem, ‘Daytoy ti kinuna ni Jehova:+ “Malagipko unay, iti biangmo, ti naayat a kinamanangngaasi ti kinaagtutubom,+ ti ayat bayat ti pannakaitulagmo a mayasawa,+ ti isusurotmo kaniak idiay let-ang, iti maysa a daga a saan a namulaan iti bin-i.+  Ti Israel maysa idi a nasantuan ken Jehova,+ ti umuna a bunga Kenkuana.”’+ ‘Asinoman a tattao a mangalun-on kenkuana pagbasolenda ti bagbagida.+ Ti met laeng didigra dumteng kadakuada,’ kuna ni Jehova.”+  Denggem ti sao ni Jehova, O balay ni Jacob,+ ken dakayo amin a pampamilia iti balay ti Israel.+  Daytoy ti kinuna ni Jehova: “Ania a di nainkalintegan ti nasarakan kaniak dagiti ammayo,+ iti kasta nagbalinda nga adayo kaniak,+ ket simmursurotda iti ubbaw nga idolo+ ket isuda nagbalinda nga ubbaw?+  Ket saanda a kinuna, ‘Sadino ti ayan ni Jehova, Daydiay nangaon kadatayo iti daga ti Egipto,+ Daydiay nangidalan kadatayo idiay let-ang, iti maysa a daga ti desierto a tanap+ ken abut, iti maysa a daga ti kinaawan danum+ ken ti napuskol a kinasipnget,+ iti maysa a daga a sadiay awan tao a limmasat ken awan naindagaan a tao a nagnaed?’  “Ket in-inut nga inyegkayo iti daga ti minuyongan, tapno kanenyo dagiti bungana ken ti naimbag a bambanagna.+ Ngem simrekkayo ket tinulawanyo ti dagak; ket ti bukodko a tawid pinagbalinyo a nakarimrimon.+  Ti met laeng papadi saanda a kinuna: ‘Sadino ti ayan ni Jehova?’+ Ket dagidiay mismo nga agig-iggem iti linteg saandak idi nga ammo;+ ket dagiti met laeng pastor nagsalungasingda a maikaniwas kaniak,+ ket uray dagiti mammadto nagipadtoda babaen ken Baal,+ ket simmurotda kadagidiay saan a makaiyeg iti pagimbagan.+  “‘Gapuna makisupiatakto pay kadakayo,’+ kuna ni Jehova, ‘ket iti annak ti annakyo makisupiatakto.’+ 10  “‘Ngem lumasatkayo nga agturong kadagiti daga iti igid ti baybay ti Kittim+ ket kitaenyo. Wen, agbaonkayo uray idiay Quedar+ ket naisangsangayan nga agutobkayo, ket kitaenyo no adda napasamak nga aniaman a banag a kas itoy.+ 11  Adda kadi nasion a nangisukat iti didios,+ uray maipaay kadagidiay saan a didios?+ Ngem ti bukodko nga ili insukatna ti dayagko iti saan a makaiyeg iti pagimbagan.+ 12  Agmulagatkayo a sisisiddaaw iti daytoy, O dakayo a langlangit; ket sumgarkayo iti dakkel unay a panagaligagaw,’ kuna ni Jehova,+ 13  ‘agsipud ta adda dua a dakes a banag nga inaramid ti ilik: Pinanawandak a mismo,+ ti ubbog ti sibibiag a danum,+ tapno agkutkotda maipaay iti bagbagida kadagiti pagurnongan ti danum, dagiti nagrengngat a pagurnongan ti danum, a saan a makalaon iti danum.’ 14  “‘Ni Israel maysa aya nga adipen,+ wenno maysa a tagabo a nayanak iti sangakabbalayan? Apay nga isu nagbalin a masamsam? 15  Isu ngerngeran dagiti burboran a bumaro a leon;+ inyesngawda ti timekda.+ Ket pinagbalinda ti dagana kas maysa a banag a pagmalangaan. Nauram dagiti bukodna a siudad, iti kasta awan ti agnanaed.+ 16  Uray dagiti mismo nga annak da Nof+ ken Tapanes+ nagtartaraonda kenka iti kuppokuppo.+ 17  Saan kadi a daytoy ti inaramidmo iti bagim babaen ti panangpanawmo ken Jehova a Diosmo+ bayat ti tiempo a panangpapagnana kenka iti dalan?+ 18  Ket ita ania koma ti bibiangmo iti dalan ti Egipto+ tapno uminumka kadagiti danum ti Sihor?+ Ket ania koma ti bibiangmo iti dalan ti Asiria+ tapno uminumka kadagiti danum ti Karayan? 19  Ti kinadakesmo rebbeng a lintegennaka,+ ket dagiti bukodmo nga aramid a di kinamatalek rebbeng a tubngarennaka.+ Ammuem, ngarud, ket kitaem a ti panangpanawmo ken Jehova a Diosmo maysa a banag a dakes ken napait,+ ket awan imbungana kenka a panagalinggaget kaniak,’+ kuna ti Soberano+ nga Apo, ni Jehova ti buybuyot. 20  “‘Ta iti nabayagen a tiempo tinukkotukkolko ti sangolmo;+ pinugsatko dagiti galutmo. Ngem kinunam: “Saanak nga agserbi,” ta iti rabaw ti tunggal nangato a turod ken iti sirok ti tunggal nabaludbod a kayo+ nagid-iddaka a siuunnat,+ a pinagbalbalangkantismo ta bagim.+ 21  Ket no maipapan kaniak, immulaka a kas napili a nalabaga nga ubas,+ isuamin dayta maysa a pudno a bukel. Gapuna kasano a nagbalinka kaniak a nakapuy a sarsaringit ti ganggannaet nga ubas?’+ 22  “‘Ngem uray no agbuggoka koma iti alkali ken mangalaka iti nakaad-adu a turo,+ ti biddutmo pudno unay a maysanto a mansa iti sanguanak,’+ kuna ti Soberano nga Apo Jehova. 23  Kasano a maikunam, ‘Saanko a natulawan ti bagik.+ Saanak a simmurot kadagiti Baal’?+ Kitaem ti dalanmo iti ginget.+ Imutektekam ti inaramidmo. Maysa a nasiglat nga urbon a kabaian a kamelio nga awanan panggep nga agtartaray nga agsublisubli kadagiti dalanna; 24  maysa a sebra+ a nairuam iti let-ang, iti panaggartem ti kararuana, a saysay-upenna ti angin;+ iti tiempo ti pannakidennana, siasino ti makapagbaw-ing kenkuana? Amin dagidiay mangsapsapul kenkuana saandanto a bambannogen ti bagbagida. Iti bulanna isu masarakandanto. 25  Gawidam ta sakam manipud iti panagbalinna a sakasaka, ken ti karabukobmo manipud iti waw.+ Ngem kinunam, ‘Awan pangnamnamaan!+ Saan, no di ket nagayatak kadagiti ganggannaet,+ ket sumurotak kadakuada.’+ 26  “Kas iti bain ti mannanakaw no isu masukalan, kasta ti pannakapabain dagiti kameng ti balay ti Israel,+ isuda, ti ar-arida, dagiti prinsipeda ken ti papadida ken dagiti mammadtoda.+ 27  Sasawenda iti maysa a kayo, ‘Sika ti amak,’+ ket iti maysa a bato, ‘Sika inyanaknak.’ Ngem insangoda kaniak ti teltel ket saan a ti rupa.+ Ket iti tiempo ti didigrada kunaendanto, ‘Tumakderka ket isalakannakami!’+ 28  “Ngem sadino ti ayan ti didiosmo nga inaramidmo maipaay iti bagim?+ Tumakderda koma no maisalakandaka iti tiempo ti didigram.+ Ta ti didiosmo nagbalinda a kas iti bilang dagiti siudadmo, O Juda.+ 29  “‘Apay nga agtultuloykayo a makisupiat kaniak?+ Apay a nagsalungasingkayo, dakayo amin, maikaniwas kaniak?’+ kuna ni Jehova. 30  Awan imbungana ti panangkabilko iti annakyo.+ Awan disiplina nga inawatda.+ Ti kampilanyo inalun-onna dagiti mammadtoyo, kas iti leon a mangdaddadael.+ 31  O kaputotan, kitaenyo a mismo ti sao ni Jehova.+ “Iti Israel nagbalinak kadi a maysa laeng a let-ang+ wenno maysa a daga ti nakaro a kinasipnget? Apay a dagitoy, ti ilik, kinunada, ‘Nagdakiwaskami. Saankamton nga umay kenka’?+ 32  Ti maysa a birhen malipatanna aya dagiti arkosna, ti maysa a nobia malipatanna aya dagiti begkes ti barukongna? Ket kaskasdi a ti bukodko nga ili—nalipatandak kadagiti aldaw nga awanan bilang.+ 33  “Apay, O babai, a pasayaatem ti dalanmo tapno agsapulka iti ayat? Ngarud iti dakes met a bambanag nga insurom ti daldalanmo.+ 34  Kasta met, kadagiti pandilingmo nasarakan dagiti marka ti dara dagiti kararua+ dagidiay napanglaw nga awanan basol.+ Saan a bayat ti panangserrek a nasarakak ida, no di ket addada kadagitoy amin.+ 35  “Ngem kunaem, ‘Nagtalinaedak nga awanan basol. Sigurado a ti ungetna nagbaw-ing manipud kaniak.’+ “Adtoy sumrekak iti pannakisubang kenka maigapu iti panangikunam, ‘Saanak a nagbasol.’+ 36  Apay a tratuem a kas nanumo unay ti panagbalbaliw ti dalanmo?+ Gapu met iti Egipto mabainankanto,+ no kasano a nabainanka gapu iti Asiria.+ 37  Gapu met itoy rummuarkanto a dagita imam sipaparabaw ita ulom,+ agsipud ta ni Jehova linaksidna ti bambanag a pagtalkam, ket awanto ti panagballigim a maikuyog kadakuada.”

Footnotes