Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 19:1-15

19  Daytoy ti kinuna ni Jehova: “Mapanka, ket masapul a mangalaka iti damili a gorgorita ti maysa nga agdamdamili+ ken iti sumagmamano kadagiti lallakay ti ili ken iti sumagmamano kadagiti lallakay ti papadi.  Ket masapul a rummuarka a mapan iti ginget ti anak ni Hinnom,+ nga adda iti pagserkan ti Ruangan dagiti Ribak. Ket sadiay masapul nga iwaragawagmo ti sasao a sawekto kenka.+  Ket masapul a kunaem, ‘Denggenyo ti sao ni Jehova, O dakayo nga ar-ari ti Juda ken dakayo nga agnanaed iti Jerusalem.+ Daytoy ti kinuna ni Jehova ti buybuyot,+ ti Dios ti Israel: “‘“Adtoy mangipagtengak iti didigra iti daytoy a disso, a no mangngeg dayta ti asinoman, agseggarto dagiti lapayagna;+  gapu ta pinanawandak+ ket pinagbalinda daytoy a disso a di mabigbig+ ken nangpataudda iti dayta iti asuk a sakripisio kadagiti sabali a didios a saanda a naammuan,+ isuda ken dagidi ammada ken ti ar-ari ti Juda; ket pinunnoda daytoy a disso iti dara dagidiay awanan basol.+  Ket binangonda dagiti nangato a disso ti Baal tapno puoranda ti annakda iti apuy kas mapuoran a sibubukel a datdaton iti Baal,+ banag a saanko nga imbilin wenno insao,+ ken saan a timpuar iti pusok.”’+  “‘“Gapuna, adtoy! adda um-umayen nga al-aldaw,” kuna ni Jehova, “inton daytoy a disso saanen a maawagan iti Tofet+ ken iti ginget ti anak ni Hinnom,+ no di ket iti ginget ti panangpapatay.  Ket pagbalinekto nga awan mamaayna ti panagem ti Juda ken ti Jerusalem iti daytoy a disso,+ ket pagpasagekto ida babaen ti kampilan iti sanguanan dagiti kabusorda ken babaen ti ima dagidiay mangsapsapul iti kararuada.+ Ket itedkonto dagiti natay a bagida kas taraon kadagiti agtaytayab a parsua iti langlangit ken kadagiti animal iti daga.+  Ket pagbalinekto daytoy a siudad a maysa a banag a pagmalangaan ken maysa a banag a pagsagawisiwan.+ Tunggal maudi a lumabas iti dayta agmulagatto a simamalanga ken agsagawisiw gapu kadagiti amin a saplitna.+  Ket pakanekto ida iti lasag ti annakda a lallaki ken iti lasag ti annakda a babbai; ket kanendanto tunggal maysa ti lasag ti padana a tao, gapu iti kinairteng ken gapu iti pakarigatan a pangalikubkobto kadakuada dagiti kabusorda ken dagidiay mangsapsapul iti kararuada.”’+ 10  “Ket masapul a burakem ti gorgorita iti imatang dagiti lallaki a maikuyog kenka. 11  Ket masapul a kunaem kadakuada, ‘Daytoy ti kinuna ni Jehova ti buybuyot: “Iti isu met laeng a wagas burakekto daytoy nga ili ken daytoy a siudad kas no ti maysa burakenna ti basehas ti agdamdamili iti kasta saanen a mabalin a tarimaanen;+ ket idiay Tofet+ agitabondanto agingga nga awanen ti disso a pagitabonan.”’+ 12  “‘Kasta ti aramidekto iti daytoy a lugar,’ kuna ni Jehova, ‘ken kadagiti agnanaed kenkuana, tapno pagbalinen a mismo daytoy a siudad kas iti Tofet.+ 13  Ket dagiti balay ti Jerusalem ken dagiti balay ti ar-ari ti Juda agbalindanto a kas iti disso ti Tofet,+ dagidiay narurugit, awan sabali, amin dagiti balay nga iti rabaw dagiti atepda nangpataudda iti asuk a sakripisio iti isuamin a buyot ti langlangit+ ket adda panangibuyat kadagiti daton nga inumen kadagiti sabali a didios.’”+ 14  Ket ni Jeremias immay manipud Tofet,+ a nangibaonan kenkuana ni Jehova tapno agipadto, ket nagtakder iti paraangan ti balay ni Jehova ket kinunana kadagiti amin nga umili:+ 15  “Daytoy ti kinuna ni Jehova ti buybuyot, ti Dios ti Israel, ‘Adtoy ipagtengko iti daytoy a siudad ken kadagiti amin a siudadna ti isuamin a didigra a sinaok maibusor iti dayta, agsipud ta pinatangkenda ti lengngesda tapno saanda nga agtulnog iti sasaok.’”+

Footnotes