Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 15:1-21

15  Ket kinuna kaniak ni Jehova: “No sitatakder koma da Moises+ ken Samuel+ iti sanguanak, ti kararuak saan nga agturong iti daytoy nga ili.+ Mapagtalawda iti sanguanan ti rupak, tapno rummuarda koma.+  Ket mapasamakto a no kunaenda kenka, ‘Sadino ti pagturonganminto?’ kunaemto met kadakuada, ‘Daytoy ti kinuna ni Jehova: “Siasinoman nga agpaay iti makapapatay a saplit, mapan iti makapapatay a saplit! Ket siasinoman nga agpaay iti kampilan, mapan iti kampilan! Ket siasinoman nga agpaay iti nakaro a bisin, mapan iti nakaro a bisin!+ Ket siasinoman nga agpaay iti pannakakautibo, mapan iti pannakakautibo!”’+  “‘Ket mangiparebbengakto kadakuada iti uppat a pamilia,’+ kuna ni Jehova, ‘ti kampilan a mangpapatay, ken dagiti aso a mangiguyodguyod, ken dagiti agtaytayab a parsua iti langlangit+ ken dagiti animal iti daga a mangan ken mangdadael.  Ket itedkonto ida kadagiti amin a pagarian ti daga+ maipaay iti panagkintayeg maigapu ken Manases nga anak ni Ezekias, ti ari ti Juda, gapu iti inaramidna idiay Jerusalem.+  Ta siasino ti mangngaasinto kenka, O Jerusalem, ken siasino ti makipagriknanto kenka,+ ket siasino ti dumagas tapno agimtuod maipapan iti kasasaadmo?’  “‘Sika binaybay-annak,’+ kuna ni Jehova. ‘Pasanud ti wagas nga agtultuloy a pannagnam.+ Ket iyunnatkonto ti imak maibusor kenka ket dadaelenka.+ Nabannogakon nga agladladingit.+  Ket itaepkonto ida iti maysa a tinidor+ kadagiti ruangan ti daga. Pudno unay nga ulilaekto ida iti annak.+ Dadaelekto ti ilik, yantangay saanda a timmallikud iti bukodda a daldalan.+  Dagiti baloda nagbalin kaniak nga ad-adu ngem kadagiti binukel ti darat dagiti baybay. Iyegkonto maipaay kadakuada, iti ina, agtutubo a lalaki, ti manangagaw iti tengnga ti aldaw.+ Pagtinnagekto a giddato kadakuada ti panagdanag ken dagiti riribuk.+  Ti babai nga agpaspasngay iti pito naglumen; ti kararuana nagparigat nga umanges.+ Ti initna limnek bayat nga aldaw pay laeng;+ nabainan ken nakarikna iti pannakaab-abi.’ ‘Ket iti kampilan iyawatkonto ti natda laeng kadakuada iti sanguanan dagiti kabusorda,’+ kuna ni Jehova.” 10  Asiak pay,+ O inak, agsipud ta impasngaynak, maysa a lalaki a riririen ken maysa a lalaki a riringgoren iti intero a daga.+ Saanak a nagpautang, ket saandak a pinautangan. Isuda amin idawdawatda ti pakadaksak.+ 11  Kinuna ni Jehova: “Sigurado nga agserbiakto kenka maipaay iti pagimbagan.+ Sigurado nga ibabaetkanto iti tiempo ti didigra+ ken iti tiempo ti rigat, maibusor iti kabusor.+ 12  Ti maysa matukkotukkolna kadi ti landok, landok a naggapu iti amianan, ken ti gambang? 13  Dagiti sanikuam ken gamgamengmo itedkonto a maipaay a samsam laeng,+ saan a maipaay iti maysa a gatad, no di ket maipaay kadagiti amin a basolmo, mismo a kadagiti amin a teritoriam.+ 14  Ket palasatekto ida a maikuyog kadagiti kabusormo nga agturong iti maysa a daga a saanmo a naammuan.+ Ta iti ungetko napasgedan ti apuy.+ Maibusor kadakayo simged dayta.” 15  Sika naammuam.+ O Jehova, lagipennak+ ket iturongmo ti asikasom kaniak ket ibalesannak kadagiti mangidaddadanes kaniak.+ Iti kinabannayatmo nga agunget saannak nga ipanaw.+ Imutektekam ti panagsagabak iti umsi maigapu kenka a mismo.+ 16  Ti sasaom nasarakan, ket kinnanko ida;+ ket ti saom agbalin kaniak a panagragsak+ ken panagrag-o ti pusok;+ ta ti naganmo naipanagan kaniak,+ O Jehova a Dios ti buybuyot.+ 17  Saanak a nagtugaw iti nasinged a bunggoy dagidiay agaangaw+ ket nangrugi a nagrag-o.+ Gapu iti imam nagtugawak a sisiak,+ ta pinunnonak iti panangkondenar.+ 18  Apay a ti ut-otko nagbalin a napaut+ ket ti saplitko di maagasan?+ Nagkedked a mapaimbag. Pudno nga agbalinka kaniak kas maysa a manangallilaw,+ kas dandanum a di mapagpiaran.+ 19  Gapuna daytoy ti kinuna ni Jehova: “No agsublikanto, iti kasta isublika.+ Iti sanguanak agtakderkanto.+ Ket no iruarmonto ti napateg manipud kadagiti awanan pateg a banag, agbalinkanto a kas iti bukodko a ngiwat. Isuda agsublidanto kenka, ngem sika saankanto nga agsubli kadakuada.” 20  “Ket iti daytoy nga ili pinagbalinka a maysa a nasarikedkedan a pader a gambang;+ ket pudno unay a makirupakdanto kenka, ngem saandanto nga agballigi kenka.+ Ta addaak kenka, tapno isalakanka ken tapno ispalenka,”+ kuna ni Jehova. 21  “Ket ispalenkanto iti ima dagidiay dakes,+ ket subbotenkanto iti dakulap dagidiay manangikuspil.”

Footnotes