Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 14:1-22

14  Daytoy ti dimteng kas ti sao ni Jehova ken Jeremias maipapan iti bambanag a mainaig kadagiti tikag:+  Ti Juda nagleddaang,+ ket dagiti mismo a ruanganna naglumen.+ Naglidayda agingga iti daga,+ ket uray ti ikkis ti Jerusalem nagpangato.+  Ket dagidiay met laeng nadaeg kadakuada imbaonda dagidiay nanumo kadakuada maipaay iti danum.+ Immayda kadagiti banawang. Awan nasarakanda a danum.+ Nagsublida nga awan nagyan dagiti pagkargaanda. Naibabainda+ ken naupayda, ket inabbonganda ti uloda.+  Maigapu iti daga a nagrengngarengngat agsipud ta awan dimteng a bayakabak iti rabaw ti daga,+ nabainan dagiti mannalon; inabbonganda ti uloda.+  Ta uray ti kabaian nga ugsa iti tay-ak nagpasngay, ngem pinanawanna dayta, agsipud ta awan idi ti naganus a ruot.  Ket dagiti met laeng sebra+ nagtakderda a siiintek iti rabaw dagiti kalbo a turod; sinay-upda ti angin a kas kadagiti chacal; kimmapuy dagiti matada agsipud ta awan mulmula.+  Uray no dagiti bukodmi a biddut mangpaneknekda maibusor kadakami, O Jehova, agtignayka gapu iti naganmo;+ ta dagiti aramidmi a di kinamatalek immaduda;+ maikaniwas kenka a nagbasolkami.+  O sika a namnama ti Israel,+ ti Manangisalakanna+ iti tiempo ti rigat,+ apay nga agbalinka a kas iti ganggannaet nga agnanaed iti daga, ken kas iti managdaliasat a simiasi tapno busbosenna ti rabii?+  Apay nga agbalinka a kas iti maysa a lalaki a naklaat, kas iti maysa a nabileg a lalaki a saanna a kabaelan ti mangaramid iti aniaman a panangisalakan?+ Kaskasdi sika addaka iti tengngami,+ O Jehova, ket kadakami a nayawag ti bukodmo a nagan.+ Saannakami a baybay-an. 10  Daytoy ti kinuna ni Jehova maipapan iti daytoy nga ili: “Kasta ti panangayatda iti panagallaalla;+ dagiti sakada saanda a namedmedan.+ Gapuna ni met laeng Jehova saan a naragsakan kadakuada.+ Ita lagipennanto ti biddutda ket asikasuennanto dagiti basolda.”+ 11  Ket kinuna kaniak ni Jehova: “Dika agkararag maigapu itoy nga ili maipaay iti aniaman a pagimbagan.+ 12  No agayunarda, saanko nga im-imdengan ti agpakpakaasi nga ikkisda;+ ket no idatonda ti sibubukel a daton a mapuoran ken ti daton a bukbukel, saanak a maragsakan kadakuada;+ ta babaen ti kampilan ken babaen ti nakaro a bisin ken babaen ti angol pagpatinggaek ida.”+ 13  Gapu itoy kinunak: “Ay, O Soberano nga Apo Jehova! Adtoy dagiti mammadto kunkunada kadakuada: ‘Saankayto a makakita iti kampilan, ket awanto ti nakaro a bisin a dumteng kadakayo, no di ket pudno a talna ti itdekto kadakayo iti daytoy a lugar.’”+ 14  Ket kinuna kaniak ni Jehova: “Kinaulbod ti ipadpadto dagiti mammadto iti naganko.+ Saanko nga imbaon ida, saanak met a nagbilin kadakuada wenno nagsao kadakuada.+ Maysa nga ulbod a sirmata ken panagpadles ken maysa nga awan pategna a banag+ ken ti kinaallilaw ti pusoda sasawenda a naimpadtuan kadakayo.+ 15  Gapuna daytoy ti kinuna ni Jehova maipapan kadagiti mammadto nga agipadpadto iti naganko ken saanko a mismo nga imbaon ken agkunkuna nga awanto ti kampilan wenno nakaro a bisin a dumteng iti daytoy a daga, ‘Babaen ti kampilan ken babaen ti nakaro a bisin agpatingganto dagidiay a mammadto.+ 16  Ket dagiti mismo nga umili a pagpadpadtuanda agbalinto nga umili a naipalladaw kadagiti kalsada ti Jerusalem gapu iti nakaro a bisin ken iti kampilan, nga awan asinoman nga agitabon kadakuada—isuda, ti assawada a babbai ken ti annakda a lallaki ken ti annakda a babbai.+ Ket ibuyatkonto kadakuada ti didigrada.’+ 17  “Ket masapul a sawem kadakuada daytoy a sao, ‘Dagiti matak mangyayus koma iti lulua iti rabii ken aldaw ket saanda koma nga agtalna,+ ta iti maysa a dakkel a pannakarpuog nadunor ti birhen nga anak a babai ti ilik,+ iti naut-ot unay a saplit.+ 18  No pudno a rummuarak a mapan iti tay-ak, adtoy, ita, dagidiay napapatay iti kampilan!+ Ket no pudno a sumrekak iti siudad, adtoy, met, dagiti sakit manipud iti nakaro a bisin!+ Ta agpadpada a ti met laeng mammadto ken ti padi naglikmulikmutda iti daga a saanda a naammuan.’”+ 19  Linaksidmo kadi a naan-anay ti Juda,+ wenno ti kararuam kinarurodna kadi uray ti Sion?+ Apay a kinabilnakami, iti kasta awan pannakapaimbag kadakami?+ Adda panangnamnama iti talna, ngem awan naimbag a dimteng; ken iti tiempo ti pannakapaimbag, ket, adtoy! aligaget!+ 20  Bigbigenmi, O Jehova, ti kinadangkesmi, ti biddut dagidi ammami,+ ta nagbasolkami a maikaniwas kenka.+ 21  Saannakami a rabngisen maipagapu iti naganmo;+ dika umsien ti nadayag a tronom.+ Laglagipem; dika rakraken ti tulagmo kadakami.+ 22  Adda kadi asinoman kadagiti ubbaw nga idolo+ ti nasnasion a makapagpatudo, wenno uray ti mismo a langlangit makaitedda aya kadagiti naruay nga arbis?+ Saan kadi a sika Daydiay, O Jehova a Diosmi?+ Ket manginanamakami kenka, ta sika inaramidmo amin dagitoy a banag.+

Footnotes