Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 13:1-27

13  Daytoy ti kinuna kaniak ni Jehova: “Mapanka, ket masapul nga iyalaam ta bagim iti maysa a sinturon a lienso ket ikabilmo kadagiti padingpadingmo, ngem dika iyeg dayta iti aniaman a danum.”  Gapuna innalak ti sinturon maitunos iti sao ni Jehova ket inkabilko kadagiti padingpadingko.  Ket ti sao ni Jehova dimteng kaniak iti maikadua a daras, a kunkunana:  “Alaem ti sinturon nga innalam, nga adda kadagiti padingpadingmo, ket tumakderka, mapanka idiay Eufrates,+ ket ilemmengmo sadiay iti maysa a lengngan ti napasdok a bato.”  Gapuna napanak ket inlemmengko dayta iti igid ti Eufrates, kas iti imbilin kaniak ni Jehova.  Ngem naaramid iti pagnguduan dagiti adu nga aldaw a ni Jehova kinunana kaniak: “Tumakderka, mapanka idiay Eufrates ket alaem manipud sadiay ti sinturon nga imbilinko nga ilemmengmo sadiay.”  Gapuna napanak idiay Eufrates ket nagkaliak ket innalak ti sinturon manipud iti lugar a nangilemmengak iti dayta, ket, adtoy! ti sinturon nadadaelen; saanen a mayanatup maipaay iti aniaman a banag.  Idin ti sao ni Jehova dimteng kaniak, a kunkunana:  “Daytoy ti kinuna ni Jehova, ‘Iti isu met laeng a wagas dadaelekto ti pagpannakkel ti Juda+ ken ti naruay a pagpannakkel ti Jerusalem. 10  Daytoy dakes nga ili nga agkitkitakit nga agtulnog iti sasaok,+ isuda a magmagna iti kinasungit ti pusoda+ ken agtultuloy a sumurot kadagiti sabali a didios tapno agserbida kadakuada ken tapno agruknoyda kadakuada,+ agbalinto met a kas iti daytoy a sinturon nga awan pakayanatupanna.’ 11  ‘Ta no kasano a ti maysa a sinturon kumpet kadagiti padingpading ti maysa a lalaki, kasta ti panangipakapetko kaniak a mismo ti intero a balay ti Israel ken ti intero a balay ti Juda,’+ kuna ni Jehova, ‘tapno agbalin kaniak a maysa nga ili+ ken maysa a nagan+ ken maysa a pakaidaydayawan ken maysa a banag a naimnas; ngem saanda a nagtulnog.’+ 12  “Ket masapul a kunaem kadakuada daytoy a sao, ‘Daytoy ti kinuna ni Jehova a Dios ti Israel: “Tunggal dakkel a karamba ket maysa a banag a mapno iti arak.”’+ Ket sigurado a kunaendanto kenka, ‘Saan aya a pudno nga ammomi a tunggal dakkel a karamba ket maysa a banag a mapno iti arak?’ 13  Ket masapul a kunaem kadakuada, ‘Daytoy ti kinuna ni Jehova: “Adtoy dagiti amin nga agnanaed iti daytoy a daga ken ti ar-ari nga agtugtugaw maipaay ken David+ iti tronona ken ti papadi ken dagiti mammadto ken amin dagiti agnanaed iti Jerusalem punnuek iti panagbarbartek.+ 14  Ket iyablatkonto ida ti maysa iti sabali, agpadpada ti amma ken ti annak, nga aggigiddan,”+ kuna ni Jehova. “Saanakto a mangipakita iti panangngaasi, wenno uray makarikna iti aniaman a ladingit, ket saanakto a maasian tapno iliklik ida iti pannakadadael.”’+ 15  “Dumngegkayo, ket umimdengkayo. Dikay agtangsit,+ ta ni met laeng Jehova nagsao.+ 16  Idayawyo ni Jehova a Diosyo,+ sakbay a mangpasipnget+ ken sakbay a dagiti sakayo agdidinnungparda iti rabaw ti bambantay iti apagsipnget.+ Ket sigurado nga inanamaenyonto ti lawag,+ ket pudno nga aramidennanto dayta a napuskol a kinasipnget;+ pagbalinennanto dayta a napuskol a daguyemyem.+ 17  Ket no saankayto a dumngeg iti dayta,+ kadagiti lugar a paglemmengan agsangitto ti kararuak gapu iti panagpannakkel ket di bumurong a mangyarubosto iti lulua; ket ti matak mangyayusto iti lulua,+ agsipud ta ti pangen+ ni Jehova naipanawton a kautibo. 18  “Sawem iti ari ken iti ina a reyna,+ ‘Agtugawkayo iti nababbaba a lugar,+ ta ti korona ti kinapintasyo pudno unay a bumabanto manipud kadagiti uloyo.’+ 19  Dagiti met laeng siudad narikpan iti abagatan, iti kasta awan ti manglukat kadakuada. Ti intero a Juda naidestiero. Naan-anay a naidestiero.+ 20  “Itangwam dagita matam ket kitaem dagidiay um-umay manipud iti amianan.+ Sadino ti ayan ti pangen nga inted kenka ti maysa, ti napintas nga arbanmo?+ 21  Anianto ti kunaem no ti maysa iturongna kenka ti asikasona,+ idinto ta sika ti nangisuro kadakuada kas piaren a gagayyem iti mismo a sibaymo idi damo?+ Saandakanto aya a kemmegen dagiti mismo nga ut-ot iti panaganak, kas kadagiti ut-ot ti maysa nga asawa nga agpaspasngay?+ 22  Ket inton kunaem iti pusom,+ ‘Apay ngata a napagteng kaniak dagitoy a banag?’+ gapu iti kinaruay ti biddutmo naikkat dagiti pandilingmo kas maysa nga abbong;+ dagiti mukodmo natratoda a sidadawel. 23  “Ti maysa a Cusita+ mabaliwanna kadi ti kudilna? wenno ti maysa a leopardo dagiti labangna?+ Dakayo kabaelanyo met ti agaramid iti naimbag, tattao a nasursuruan nga agaramid iti dakes.+ 24  Gapuna iwarawarakto ida+ kas iti naggapasan a lumablabas a maikuyog iti angin manipud iti let-ang.+ 25  Daytoy ti pannaka-bunotmo, ti narukod a bingaymo manipud kaniak,”+ kuna ni Jehova, “agsipud ta linipatannak+ ket agtultuloy nga agtalekka iti kinaulbod.+ 26  Ket siak met ilukaiskonto dagiti pandilingmo ita rupam, ket pudno unay a makitanto ti pannakaibabainmo,+ 27  dagiti aramidmo a pannakikamalala+ ken dagiti panaggaraigim,+ ti nalulok a kababalinmo iti panagbalangkantis. Iti rabaw dagiti turod, iti tay-ak, nakitak ti makarimon a bambanagmo.+ Asika pay, O Jerusalem! Saanka a makapagbalin a nadalus+—kalpasan ti kasano pay kabayag?”+

Footnotes