Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 12:1-17

12  Nalintegka,+ O Jehova, no agreklamoak kenka, kinapudnona no agsaoak kenka uray maipapan iti bambanag ti panangukom. Apay a ti dalan dagidiay nadangkes isu ti nagballigi,+ nga amin dagidiay agar-aramid iti kinagulib isuda dagidiay awan pagdandanaganna?  Immulam ida; nagramutda met. Agtultuloyda a dumakkel; nangpataudda met iti bunga. Asidegka iti ngiwatda, ngem adayo kadagiti bekkelda.+  Ket sika, O Jehova, am-ammonak unay;+ makitanak, ket sinukimatmo ti pusok a naikaykaysa kenka a mismo.+ Iputongmo ida kas karnero a maipaay iti pannakaparti,+ ket ilasinmo ida maipaay iti aldaw ti panangpapatay.  Kasano kabayag a ti daga agtultuloy nga agtikag,+ ket magango ti mismo a mulmula ti isuamin a talon?+ Gapu iti kinadakes dagidiay agnanaed iti dayta dagiti animal ken dagiti agtaytayab a parsua napunasda.+ Ta kinunada: “Saanna a makita ti masanguanantayo.”  Agsipud ta nagtarayka a kadua dagiti lallaki a magmagna, ket bannogendaka, kasano, ngarud, a makilumbaka kadagiti kabalio?+ Ket iti daga ti talna natalgedka kadi?+ Gapuna kasanonto ti panagtignaymo iti tengnga dagiti napannakkel a kasamekan iti igid ti Jordan?+  Ta uray dagiti bukodmo a kakabsat ken ti sangakabbalayan ti bukodmo nga ama, uray isuda nakilangenda a sigugulib kenka.+ Uray isuda nagpukkawda a sipipigsa iti likudam. Dika maaddaan iti aniaman a pammati kadakuada, gapu laeng ta agsaoda kenka iti naimbag a bambanag.+  “Pinanawak ti balayko;+ binaybay-ak ti tawidko;+ daydiay dungdungnguen ti kararuak intedko iti dakulap dagiti kabusorna.+  Ti tawidko nagbalin kaniak a kas iti maysa a leon iti bakir. Inyesngawna ti timekna maibusor a mismo kaniak. Dayta ti makagapu nga isu ginurak.+  Kaniak ti tawidko+ ket kas iti aduan-marisna a tumatayab nga agsippayot; dagiti tumatayab nga agsippayot addada iti aglikmutna.+ Umaykayo, aguummongkayo, dakayo amin nga atap nga animal iti tay-ak; iyegyo ida tapno manganda.+ 10  Adu a papastor+ dinadaelda a mismo ti kaubasak;+ imbaddekda ti binglayko.+ Ti matarigagayan+ a binglayko pinagbalinda a let-ang ti maysa a langalang a rebbek. 11  Ti maysa pinagbalinna dayta a langalang a rebbek;+ timmikag dayta; langalang kaniak dayta.+ Ti intero a daga napaglangalang, agsipud ta awan tao a nangipapuso iti dayta.+ 12  Kadagiti amin a naasak-asak a dana a lumasat iti let-ang immay dagiti manangagaw. Ta ti kampilan a kukua ni Jehova mangalun-on manipud iti maysa nga ungto ti daga agingga a mismo iti sabali nga ungto ti daga.+ Awan ti talna iti aniaman a lasag. 13  Nagmulada iti trigo, ngem sisiit ti naapitda.+ Nagtrabahoda agingga a nagsakitda; saandanto a makagunggona.+ Pudno unay a mabainandanto kadagiti bungayo gapu iti sumsumged nga unget ni Jehova.” 14  Daytoy ti kinuna ni Jehova maibusor kadagiti amin a dakes a kaarrubak,+ a mangsagsagid iti pagtatawidan a sanikua nga impatagikuak iti ilik, ti Israel a mismo:+ “Adtoy parutek ida iti dagada;+ ket ti balay ti Juda parutekto iti tengngada.+ 15  Ket mapasamakto a kalpasan ti panangparutko kadakuada pudno unay a maasianakto manen kadakuada+ ket isublikto ida, tunggal maysa iti pagtatawidan a sanikuana ken tunggal maysa iti dagana.”+ 16  “Ket mapasamakto a no di bumurong a sursuruendanto dagiti dalan ti ilik iti panagsapata babaen ti naganko,+ ‘Kas sibibiag ni Jehova!’ kas iti panangisuroda iti ilik nga agsapata babaen ken Baal,+ mabangondanto met iti tengnga ti ilik.+ 17  Ngem no saandanto nga agtulnog, parutekto met dayta a nasion, a parutek ken dadaelek dayta,”+ kuna ni Jehova.

Footnotes