Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Jeremias 11:1-23

11  Ti sao a dimteng ken Jeremias manipud ken Jehova, a kunkunana:  “Denggenyo ti sasao daytoy a tulag! “Ket masapul a sawem+ ida kadagiti tattao ti Juda ken kadagiti agnanaed iti Jerusalem,  ket masapul a kunaem kadakuada, ‘Daytoy ti kinuna ni Jehova a Dios ti Israel: “Mailunod ti tao a saan nga umimdeng iti sasao daytoy a tulag,+  nga imbilinko kadagidi ammayo idi aldaw a panangiruarko kadakuada manipud iti daga ti Egipto,+ manipud iti urno a landok,+ a kinunak, ‘Agtulnogkayo iti timekko, ket masapul nga aramidenyo ti bambanag maitunos iti isuamin nga ibilinko kadakayo;+ ket pudno unay nga agbalinkayto nga ilik ket siak agbalinakto a Diosyo,+  iti panggep a panangitungpal iti sapata nga insapatak kadagidi ammayo,+ nga itdek kadakuada ti daga a pagay-ayusan ti gatas ken diro,+ kas iti daytoy nga aldaw.’”’” Ket simmungbatak ken kinunak: “Amen, O Jehova.”  Ket kinuna kaniak ni Jehova: “Iwaragawagmo amin dagitoy a sasao kadagiti siudad ti Juda ken kadagiti kalsada ti Jerusalem,+ a kunaem, ‘Denggenyo ti sasao daytoy a tulag, ket masapul nga aramidenyo ida.+  Ta sipapasnek a binagbagaak dagidi ammayo idi aldaw a panangaonko kadakuada iti daga ti Egipto+ ken agingga itoy nga aldaw, a bimmangonak a nasapa ken nangbagbagaak, a kinunak: “Agtulnogkayo iti timekko.”+  Ngem saanda nga immimdeng wenno inyallingag ti lapayagda,+ no di ket intultuloyda ti nagna tunggal maysa iti kinasungit ti dakes a pusoda;+ ket iti kasta inyegko kadakuada ti amin a sasao daytoy a tulag nga imbilinko kadakuada nga aramiden, ngem saanda nga inaramid.’”  Mainayon pay, kinuna kaniak ni Jehova: “Ti kumplot nasarakan iti tengnga dagiti tattao ti Juda ken iti tengnga dagiti agnanaed iti Jerusalem.+ 10  Nagsublida kadagiti biddut dagidi ammada,+ dagidiay immuna, a nagkitakit nga agtulnog iti sasaok, ngem isuda simmurotda kadagiti sabali a didios tapno agserbida kadakuada.+ Ti balay ti Israel ken ti balay ti Juda rinakrakda ti tulagko a pinatalgedak kadagidi ammada.+ 11  Gapuna daytoy ti kinuna ni Jehova, ‘Adtoy mangipagtengak kadakuada iti didigra+ a saandanto a kabaelan a ruaran;+ ket sigurado nga umasugdanto kaniak maipaay iti tulong, ngem saanakto nga umimdeng kadakuada.+ 12  Ket dagiti siudad ti Juda ken dagiti agnanaed iti Jerusalem kasapulan a mapandanto ket umasugda maipaay iti tulong kadagiti didios nga agpaay kadagita mangpatpataudda iti asuk a sakripisio,+ ngem di bumurong a saanto a mangyeg kadakuada iti pannakaisalakan iti tiempo ti didigrada.+ 13  Ta ti didiosmo nagbalinda a kas iti kaadu dagiti siudadmo, O Juda;+ ket nangisaadkayo iti al-altar a kas iti kaadu dagiti kalsada ti Jerusalem maipaay iti nakababain a banag,+ al-altar a pangpataudan iti asuk a sakripisio ken Baal.’+ 14  “Ket no maipapan kenka, dika agkararag maigapu itoy nga ili, ket maigapu kadakuada dika mangipigsa iti maysa nga agpakpakaasi nga ikkis wenno maysa a kararag,+ ta saanakto nga umim-imdeng iti tiempo nga iyaawagda kaniak maipapan iti didigrada.+ 15  “Ania koma ti bibiang daydiay dungdungnguek iti balayko,+ iti kasta adu kadakuada ti mangaramid iti daytoy a banag,+ ti dakes a gandat?+ Ket babaen ti nasantuan a lasag maipalabasdanto aya dayta manipud idadatengna kenka,+ inton dumteng ti didigram? Iti dayta a tiempo agrag-okanto aya?+ 16  ‘Maysa a nabaludbod a kayo nga olibo, a nalibnos kadagiti bungana ken ti pormana,’ ti impanagan kenka ni Jehova.+ Babaen iti uni ti dakkel a daranudor, namaggil-ayab iti apuy maibusor kenkuana, ket tinukkolda dagiti sangana.+ 17  “Ket ni met laeng Jehova ti buybuyot, ti Nangimula kenka,+ nangisao maibusor kenka iti maysa a didigra maigapu iti kinadakes ti balay ti Israel+ ken ti balay ti Juda nga inaramidda iti biangda a mismo tapno pagrurodendak iti panangpataud iti asuk a sakripisio ken Baal.”+ 18  Ket ni met laeng Jehova pinakaammuannak tapno maammuak. Iti dayta a tiempo impakitam kaniak dagiti pannakilangenda.+ 19  Ket kaslaak idi iti kalakian a kordero, maysa a nasinged, a maiyeg a maparti,+ ket saanko nga ammo a maibusor kaniak a nagpanunotda kadagiti gandat:+ “Dadaelentayo ti kayo agraman ti taraonna, ket isu gessatentayo koma iti daga dagidiay sibibiag,+ tapno ti mismo a naganna saanen a malagip.” 20  Ngem ni Jehova ti buybuyot manguk-ukom a buyogen ti kinalinteg;+ suksukimatenna dagiti bekkel ken ti puso.+ O makitak koma ti pammalesmo kadakuada, ta sika ti nangipalgakak iti kasok iti linteg.+ 21  Gapuna daytoy ti kinuna ni Jehova maibusor kadagiti lallaki ti Anatot+ a mangsapsapul iti kararuam, a kunkunada: “Dika agipadto iti nagan ni Jehova,+ tapno saanka a matay iti imami”; 22  gapuna daytoy ti kinuna ni Jehova ti buybuyot: “Adtoy iturongko ti asikasok kadakuada. Dagiti met laeng agtutubo a lallaki mataydanto babaen ti kampilan.+ Ti met laeng annakda a lallaki ken annakda a babbai mataydanto iti nakaro a bisin.+ 23  Ket awan uray maysa a natda ti maaddanto kadakuada, agsipud ta mangipagtengakto iti didigra kadagiti lallaki ti Anatot,+ ti tawen a pannakaasikasoda.”+

Footnotes