Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Jeremias 1:1-19

1  Ti sasao ni Jeremias+ nga anak ni Hilkias, maysa kadagiti papadi nga adda idi idiay Anatot+ iti daga ti Benjamin;+  a kenkuana dimteng ti sao ni Jehova idi kaaldawan ni Josias+ nga anak ni Amon,+ ti ari ti Juda, iti maikasangapulo ket tallo a tawen ti panagturayna.+  Ket nagtultuloy a dimteng idi kaaldawan ni Jehoiaquim+ nga anak ni Josias, ti ari ti Juda, agingga iti pannakaturpos ti maikasangapulo ket maysa a tawen ni Zedekias+ nga anak ni Josias, ti ari ti Juda, agingga a ti Jerusalem napan iti pannakaidestiero iti maikalima a bulan.+  Ket ti sao ni Jehova nangrugi a dumteng kaniak, a kunkunana:  “Sakbay a binukelka iti tian+ ammokan,+ ket sakbay a rimmuarka manipud iti aanakan sinantipikarkan.+ Inaramidka a mammadto kadagiti nasion.”  Ngem kinunak: “Ay, O Soberano nga Apo Jehova! Adtoy pudno a saanko nga ammo ti agsao,+ ta maysaak laeng nga ubing.”+  Ket kinuna kaniak ni Jehova: “Dika sawen, ‘Maysaak laeng nga ubing.’ No di ket kadagidiay amin a pangibaonakto kenka, rebbeng a mapanka; ket ti isuamin nga ibilinkonto kenka, rebbeng a sawem.+  Dika agbuteng gapu kadagiti langada,+ ta ‘addaak kenka tapno ispalenka,’+ kuna ni Jehova.”  Iti kasta inyunnat ni Jehova ti imana ket insagidna iti ngiwatko.+ Kalpasanna kinuna kaniak ni Jehova: “Adtoy inkabilko dagiti saok ita ngiwatmo.+ 10  Kitaem, iti daytoy nga aldaw pinarebbenganka kadagiti nasion ken kadagiti pagarian,+ tapno mangparutka ken mangrugpo ken mangdadael ken mangrebba,+ mangbangon ken mangimula.”+ 11  Ket ti sao ni Jehova nagtultuloy a dumteng kaniak, a kunkunana: “Ania ti makitkitam, Jeremias?” Gapuna kinunak: “Maysa a santak ti kayo nga almendro ti makitkitak.” 12  Ket kinuna kaniak ni Jehova: “Nakitam a naimbag, ta agtalinaedak a siririing maipapan iti saok tapno itungpalko dayta.”+ 13  Ket ti sao ni Jehova dimteng kaniak iti maikadua a daras, a kunkunana: “Ania ti makitkitam?” Gapuna kinunak: “Makitkitak ti maysa a nalawa ti ngarabna a paglutuan a banga a marubrubroban ket ti ngarabna umadayo iti amianan.” 14  Gapu itoy kinuna kaniak ni Jehova: “Manipud iti amianan mapalusposanto ti didigra maibusor kadagiti amin nga agnanaed iti daga.+ 15  Ta ‘adtoy awagak ti amin a pampamilia dagiti pagarian ti amianan,’ kuna ni Jehova;+ ‘ket pudno unay nga umaydanto ket isaadda tunggal maysa ti tronona idiay pagserkan dagiti ruangan ti Jerusalem,+ ken maibusor kadagiti amin a paderna iti aglikmut ken maibusor kadagiti amin a siudad ti Juda.+ 16  Ket sawekto kadakuada dagiti panangukomko gapu iti isuamin a kinadakesda,+ ta pinanawandak+ ket agtultuloyda a mangpataud iti asuk a sakripisio kadagiti sabali a didios+ ken agruknoy iti ar-aramid dagiti bukodda nga ima.’+ 17  “Ket no maipapan kenka, rebbeng a bariksam dagiti padingpadingmo,+ ket masapul a tumakderka ket sawem kadakuada ti isuamin nga ibilinko kenka. Dika koma makarikna iti aniaman a panagaligaget gapu kadakuada,+ tapno saanka a pagaligageten iti sanguananda. 18  Ngem no maipapan kaniak, adtoy pinagbalinka ita nga aldaw a maysa a nasarikedkedan a siudad ken maysa nga adigi a landok ken padpader a gambang+ maibusor iti intero a daga,+ iti ar-ari ti Juda, kadagiti prinsipena, iti papadina ken kadagiti tattao iti daga.+ 19  Ket sigurado a makirupakdanto kenka, ngem saandanto nga agballigi maibusor kenka,+ ta ‘addaak kenka,’+ kuna ni Jehova, ‘tapno ispalenka.’”+

Footnotes