Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 9:1-21

9  Nupay kasta, awanto ti kinalidem a kas idi naaddaan ti daga iti pakarigatan, kas iti immun-una a tiempo idi a ti maysa inumsina ti daga ti Zabulon ken ti daga ti Neftali+ ken idi nga iti naud-udi a tiempo pinagbalin ti maysa a maidayaw dayta+—ti dalan iti igid ti baybay, iti rehion ti Jordan, Galilea dagiti nasion.+  Dagiti umili a magmagna idi iti sipnget nakakitada iti dakkel a lawag.+ No maipapan kadagidiay agnanaed iti daga ti napuskol a kinasipnget,+ ti met laeng lawag nagsilnag kadakuada.+  Ti nasion pinagbalinmo nga aduan umili;+ maipaay iti dayta pinadakkelmo ti panagrag-o.+ Nagrag-oda iti sanguanam kas iti panagrag-o iti tiempo ti panagani,+ kas kadagidiay agrag-o no bingbingayenda ti samsam.+  Ta ti sangol ti awitda+ ken ti baston kadagiti abagada, ti sarukod daydiay mangdagdag kadakuada nga agtrabaho,+ binungtobungtolmo a kas idi aldaw ti Midian.+  Ta ti tunggal botas daydiay agbaddebaddek+ a nabuyogan kadagiti panagdayyeg ken ti kagay a naipatulid iti dara nagpaayda pay iti pannakapuor kas taraon iti apuy.+  Ta adda maysa nga ubing a nayanak kadatayo,+ adda maysa nga anak a lalaki a naited kadatayo;+ ket ti naprinsipean a panagturay maiparabawto iti abagana.+ Ket mapanagananto iti Nakaskasdaaw a Manangbalakad,+ Mannakabalin a Dios,+ Agnanayon nga Ama,+ Prinsipe ti Kappia.+  Ti kinaruay ti naprinsipean a panagturay+ ken ti kappia awanto ti ngudona,+ iti trono ni David+ ken iti pagarianna tapno ipasdek a sititibker+ dayta ken tapno taginayonen dayta babaen ti kinahustisia+ ken babaen ti kinalinteg,+ manipud itan ken agingga iti tiempo a di nakedngan. Ti mismo a regta ni Jehova ti buybuyot aramidennanto daytoy.+  Adda sao nga impatulod ni Jehova maibusor ken Jacob, ket nagdisso dayta iti Israel.+  Ket dagiti umili sigurado a maammuandanto dayta,+ isuda amin a mismo, ti Efraim ken ti agnanaed iti Samaria,+ gapu iti kinatangsitda ken gapu iti kinakuspag ti pusoda iti panangikunada:+ 10  “Ladladrilio ti narba, ngem tinikapan a bato+ ti pagibangonminto. Kaykayo a sikomoro+ ti napukan, ngem sandianminto kadagiti sedro.” 11  Ket ni Jehova ipangatonanto dagiti kalaban ni Rezin maibusor kenkuana, ket dagiti kabusor dayta sugsogannanto,+ 12  ti Siria manipud iti daya+ ken dagiti Filisteo manipud iti likudan,+ ket ibusendanto ti Israel babaen ti nakanganga a ngiwat.+ Maigapu iti isuamin daytoy saan a nagbaw-ing ti ungetna, no di ket ti imana siuunnat pay laeng.+ 13  Ket dagiti met laeng umili saanda a nagsubli iti Daydiay mangkabkabil kadakuada,+ ket ni Jehova ti buybuyot saanda a sinapul.+ 14  Ket ni Jehova geppasennanto manipud Israel ti ulo+ ken ipus,+ ti saringit ken tanutubo, iti maysa nga aldaw.+ 15  Daydiay lakayen ken mararaem unay isu ti ulo,+ ket ti mammadto a mangmangted iti ulbod a pammilin isu ti ipus.+ 16  Ket dagidiay mangiturturong iti daytoy nga ili isuda dagiti mamagallaalla kadakuada;+ ket dagidiay maiturturong a kameng kadakuada, isuda dagidiay marirriribukan.+ 17  Dayta ti makagapu a ni Jehova saanto nga agrag-o uray kadagiti agtutuboda a lallaki,+ ket kadagiti awan amana nga ubbingda ken kadagiti baloda a babbai isu saanto a maasian; agsipud ta isuda amin apostatada+ ken managaramid iti dakes ket ti tunggal ngiwat agsasao iti kinakuneng. Maigapu iti isuamin daytoy saan a nagbaw-ing ti ungetna, no di ket ti imana siuunnat pay laeng.+ 18  Ta ti kinadangkes gimmil-ayab a kas iti apuy;+ ti siitan a babassit a kayo ken dakes a ruruot ibusennanto.+ Ket sumgedto dayta kadagiti kasamekan ti bakir,+ ket maipangatodanto a kas iti panagasimbuyok ti asuk.+ 19  Iti rungsot ni Jehova ti buybuyot simged ti daga, ket dagiti umili agbalindanto a kas taraon iti apuy.+ Awanto ti mangipakita iti panangngaasi uray iti kabsatna.+ 20  Ket ti maysa manggeppasto iti makannawan ket sigurado a mabisinanto; ket ti maysa manganto iti makannigid, ket sigurado a saandanto a mapnek.+ Isuda tunggal maysa kanennanto ti lasag ti bukodna a takiag,+ 21  ti Manases kanenna ti Efraim, ket ti Efraim kanenna ti Manases. Sangsangkamaysa a bumusordanto iti Juda.+ Maigapu iti isuamin daytoy saan a nagbaw-ing ti ungetna, no di ket ti imana siuunnat pay laeng.+

Footnotes