Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 8:1-22

8  Ket kinuna kaniak ni Jehova: “Iyalaam ta bagim iti dakkel a tapi+ ket isuratmo iti rabawna babaen ti pagyurit ti mortal a tao, ‘Maher-salal-has-baz.’  Ket maaddaanak koma iti pammatalged+ maipaay iti bagik babaen kadagiti matalek a saksi,+ ni Urias a padi+ ken ni Zacarias nga anak ni Jeberekias.”  Idin immasidegak iti mammadto a babai, ket isu nagsikog ket idi agangay nangipasngay iti anak a lalaki.+ Kinuna ita kaniak ni Jehova: “Panaganam iti Maher-salal-has-baz,  ta sakbay a ti ubing ammonanto nga ipukkaw,+ ‘Amak!’ ken ‘Inak!’ ti maysa ipanawnanto dagiti sanikua ti Damasco ken ti samsam ti Samaria iti sanguanan ti ari ti Asiria.”+  Ket ni Jehova nagsao kaniak iti kanayonan pay, a kunkunana:  “Gapu ta daytoy nga ili linaksidna+ ti dandanum ti Siloe+ nga agay-ayus a siaalumamay, ket adda panagrag-o+ gapu ken Rezin ken iti anak ni Remalias;+  iti kasta ngarud, adtoy! ni Jehova isang-atna a maibusor kadakuada+ ti nabileg ken ti adu a danum ti Karayan,+ ti ari ti Asiria+ ken ti isuamin a dayagna.+ Ket isu pudno unay a sumang-atto kadagiti amin a pagayusanna ken agayus kadagiti amin nga igidna  ken agtartarus a lumasat iti Juda. Isu pudno a manglayus ken bumallasiwto.+ Dumanonto agingga iti tengnged.+ Ket mapasamakto ti panangyukrad kadagiti payakna+ tapno saknapanna ti kaakaba ti dagam, O Emmanuel!”+  Agbalinkayo a makadangran, O dakayo nga il-ili, ket maburakburakkayo; ket umimdengkayo, dakayo amin nga adda iti adayo a paspaset ti daga!+ Bariksanyo ti bagbagiyo,+ ket maburakburakkayo!+ Bariksanyo ti bagbagiyo, ket maburakburakkayo! 10  Mangigakatkayo iti gandat, ket madadaelto!+ Sawenyo ti aniaman a sao, ket saanto nga agtalinaed, ta ti Dios adda kadakami!+ 11  Ta daytoy ti kinuna kaniak ni Jehova buyogen ti kinapigsa ti ima, tapno maisiasinak iti pannagna iti dalan daytoy nga ili, a kunkunana: 12  “Dikay kunaen, ‘Maysa a kumplot!’ kadagiti isuamin a maipapan kadagita daytoy nga ili kunkunaenna, ‘Maysa a kumplot!’+ ket ti pagbutnganda dikay kabuteng, dikay met agpigerger iti dayta.+ 13  Ni Jehova ti buybuyot—isu Daydiay rebbeng a tratuenyo kas nasantuan,+ ket isu ti rebbeng a pagbutnganyo,+ ket isu Daydiay rebbeng a mamagpigerger kadakayo.”+ 14  Ket isu agbalinto a kas sagrado a disso;+ ngem kas bato a pakaidungparan ken kas bato a pakaitibkolan+ ti dua a balay ti Israel, kas palab-og ken kas silo kadagiti agnanaed iti Jerusalem.+ 15  Ket adu kadakuada ti sigurado a maitibkol ken maitikleb ken mablo, ket masiluan ken matiliw.+ 16  Ilukotyo ti pammatalged,+ mangikabilkayo iti selio iti aglikmut ti linteg iti tengnga dagiti adalak!+ 17  Ket mangin-inanamaakto ken Jehova,+ a mangilinglinged iti rupana manipud iti balay ni Jacob,+ ket manginanamaakto kenkuana.+ 18  Adtoy! Siak ken dagiti ubbing nga inted kaniak ni Jehova+ ket kaslakami pagilasinan+ ken kaslakami milagro iti Israel manipud ken Jehova ti buybuyot, nga agtataeng idiay Bantay Sion.+ 19  Ket no kas pagarigan kunaenda kadakayo: “Umumankayo kadagiti espiritistiko a mannakiuman+ wenno kadagidiay addaan iti espiritu ti panagipadles isuda nga agan-anibaar+ ken agar-arasaas,” saan aya nga iti Diosna ti rebbeng nga umumanan ti aniaman nga ili?+ [Rebbeng aya ti umuman] kadagiti natay a tattao maigapu kadagiti sibibiag a tattao?+ 20  Iti linteg ken iti pammatalged!+ Sigurado a sasawendanto ti maitunos iti daytoy a sasao+ nga awananto iti lawag ti bannawag.+ 21  Ket ti tunggal maysa sigurado a marigrigatan ken sibibisinto+ a lumasat iti daga; ket mapasamakto a gapu ta isu mabisin ket pinagrurodna ti bagina, pudno a pagbassawangannanto ti arina ken ti Diosna+ ket sigurado a tumangadto. 22  Ket iti daga isu kumitanto, ket, adtoy! rigat ken sipnget,+ kinalidem, narigat a tiempo ken kinadaguyemyem nga awanan raniag.+

Footnotes