Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 63:1-19

63  Siasino daytoy um-umay manipud Edom,+ daydiay addaan kadagiti kawes a narangrang dagiti marisna manipud Bozra,+ daytoy a madaydayaw iti pagan-anayna, nga agmarmartsa iti kinaruay ti pannakabalinna? “Siak, Daydiay agsasao iti kinalinteg,+ Daydiay aduan iti pannakabalin a mangisalakan.”+  Apay a nalabaga ti pagan-anaymo, ket dagiti kawesmo umaspingda kadagiti kawes daydiay agibadbaddek iti pagpespesan iti ubas?+  “Ti kalasugan ti arak imbaddekko a sisiak,+ bayat nga awan tao a naikuyog kaniak manipud kadagiti ili. Ket iti ungetko imbaddebaddekko ida,+ ken iti pungtotko impayatpayatko ida.+ Ket ti agpuspusitsit a darada nagparparsiak kadagiti kawesko,+ ket ti isuamin a pagan-anayko rinugitak.  Ta ti aldaw ti pammales adda iti pusok,+ ket dimtengen ti mismo a tawen dagidiay sinakak.  Ket kimmitkitaak, ngem awan idi ti katulongan; ket nangrugiak nga agmalanga, ngem awan ti nangitukon iti saranay.+ Gapuna ti takiagko impaayannak iti pannakaisalakan,+ ket ti pungtotko+ isu ti nangsaranay kaniak.  Ket imbaddebaddekko dagiti ili iti ungetko, ket binartekko ida iti pungtotko+ ken impababak iti daga ti agpuspusitsit a darada.”+  Dagiti naayat a kinamanangngaasi ni Jehova dakamatekto,+ dagiti pakaidaydayawan ni Jehova, maitunos iti amin nga inaramid kadatayo ni Jehova,+ uray ti naruay a kinaimbag iti balay ti Israel+ nga inaramidna kadakuada maitunos kadagiti asina+ ken maitunos iti kinaruay dagiti naayat a kinamanangngaasina.  Ket kinunana: “Sigurado nga isuda ti ilik,+ annak a saanto nga agulbod.”+ Gapuna kadakuada isu nagbalin a Manangisalakan.+  Bayat ti isuamin a pannakaparigatda isu naparigatan.+ Ket insalakan ida ti kabukbukodanna a mensahero.+ Iti ayatna ken iti pannakipagriknana sinakana ida,+ ket binagkatna ida ken inawitna ida iti amin nga al-aldaw ti nabayagen a tiempo.+ 10  Ngem isuda nagrebeldeda+ ket sinaktanda ti nasantuan nga espirituna.+ Isu nagbalin itan a kabusorda;+ isu nakigubat kadakuada.+ 11  Ket ti maysa rinugianna a lagipen dagiti aldaw ti nabayagen a tiempo, ni Moises nga adipenna: “Sadino ti ayan Daydiay nangisang-at kadakuada manipud iti baybay+ agraman dagiti pastor ti arbanna?+ Sadino ti ayan Daydiay nangikabil iti unegna ti mismo a nasantuan nga espirituna?+ 12  Daydiay nangipan iti nangayed a takiagna+ iti makannawan nga ima ni Moises; Daydiay nangbisngay iti dandanum manipud sanguananda+ tapno mangaramid iti di nakedngan ti kapautna a nagan maipaay iti bagina;+ 13  Daydiay nangpalasat kadakuada iti agdadarison a dandanum iti kasta, kas iti maysa a kabalio iti let-ang, saanda a naitibkol?+ 14  Kas no ti maysa nga animal sumalog iti ginget a tanap, ti mismo nga espiritu ni Jehova pinaginanana ida.”+ Iti kasta indalanmo ti ilim tapno mangaramidka iti nangayed a nagan maipaay iti bagim.+ 15  Tumannawagka manipud langit+ ket kumitaka manipud iti nasantuan ken napintas a nangato a pagyanam.+ Sadino ti ayan ti regtam+ ken ti naan-anay a pannakabalinmo, ti pannakariribuk ti makin-uneg a paspasetmo,+ ken dagiti asim?+ Minedmedanda kaniak ti bagbagida.+ 16  Ta sika ti Amami;+ nupay ni met laeng Abraham saannakami a naammuan ket ni met laeng Israel saannakami a bigbigen, sika, O Jehova, ti Amami. Ti Manangsakami iti nabayagen a tiempo isu ti naganmo.+ 17  Apay, O Jehova, a pagallaallaennakami manipud iti daldalanmo? Apay a patangkenem ti pusomi maibusor iti panagbuteng kenka?+ Agsublika maipagapu kadagiti adipenmo, dagiti tribu ti pagtatawidan a sanikuam.+ 18  Ta iti apagbiit nagtagikua ti nasantuan nga ilim.+ Dagiti bukodmi a kabusor imbaddebaddekda ti santuariom.+ 19  Iti nabayag a tiempo nagbalinkami a kas kadagidiay saanmo a nagturayan, kas kadagidiay saan a nakaawagan ti naganmo.+

Footnotes