Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 62:1-12

62  Maipagapu iti Sion saanakto nga agtalna,+ ket maipagapu iti Jerusalem+ saanakto nga agtalined a naulimek agingga a ti kinalintegna rummuar a kas iti kinaraniag,+ ken ti pannakaisalakanna kas iti aluten a sumged.+  “Ket dagiti nasion pudno unay a makitadanto ti kinalintegmo,+ O babai,+ ket amin nga ar-ari makitada ti dayagmo.+ Ket pudno a maawagankanto iti baro a nagan,+ nga itudingto ti mismo a ngiwat ni Jehova.  Ket agbalinkanto a korona ti kinapintas iti ima ni Jehova,+ ken naarian a turbante iti dakulap ti Diosmo.  Saankanton a makuna a maysa a babai a naan-anay a nabaybay-an;+ ket ti bukodmo a daga saanton a makuna a langalang;+ no di ket sika maawagankanto Ti Pagragsakak Adda Kenkuana,+ ken ti dagam Natagikua a kas Asawa. Ta ni Jehova naragsakanton kenka, ket ti bukodmo a daga matagikuanto a kas asawa.+  Ta no kasano ti panangtagikua ti agtutubo a lalaki iti maysa a birhen kas asawana, ti annakmo a lallaki tagikuaendakanto kas asawa.+ Ket buyogen ti panagrag-o ti nobio gapu iti nobia,+ ti Diosmo agrag-onto gapu a mismo kenka.+  Iti rabaw dagiti padermo, O Jerusalem, namarebbengak kadagiti managwanawan.+ Iti intero nga agmalem ken iti intero nga agpatnag, patinayon, saanda koma nga agintek.+ “Dakayo a mangdakdakamat ken Jehova,+ awan koma ti panagulimek iti biangyo,+  ket isu dikay ipaayan iti aniaman a kinaulimek agingga nga ipasdekna a sititibker, wen, agingga nga isaadna ti Jerusalem kas maysa a pakaidaydayawan iti daga.”+  Ni Jehova insapatana babaen ti makannawan nga imana+ ken babaen ti napigsa a takiagna:+ “Saankonton nga ited ti bukbukelmo a kas taraon kadagiti kabusormo,+ dagiti ganggannaet saandanto met nga inumen ti baro nga arakmo,+ a nagbannogam.  No di ket dagidiay mangur-urnong a mismo iti dayta kanendanto dayta, ket sigurado nga idaydayawdanto ni Jehova; ket dagidiay mangum-ummong a mismo iti dayta inumendanto dayta kadagiti nasantuan a paraangak.”+ 10  Rummuarkayo, rummuarkayo a lumasat kadagiti ruangan. Wayaanyo ti dalan dagiti umili.+ Gaburanyo, gaburanyo ti kangrunaan a kalsada. Ikkatanyo iti batbato.+ Mangibayogkayo iti pagilasinan maipaay kadagiti ili.+ 11  Adtoy! Ni met laeng Jehova impangngegna dayta iti kaadaywan a paset ti daga:+ “Kunaenyo iti anak a babai ti Sion,+ ‘Adtoy! Ti pannakaisalakanmo um-umayen.+ Adtoy! Ti gunggona nga itedna adda kenkuana,+ ket dagiti pangsupapakna adda iti sanguananna.’”+ 12  Ket dagiti tattao sigurado nga awagandanto ida a nasantuan nga ili,+ dagidiay sinaka ni Jehova;+ ket sika maawagankanto iti Nabirokan, maysa a Siudad a Saan a Naan-anay a Nabaybay-an.+

Footnotes