Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 52:1-15

52  Agriingka, agriingka, ikapetmo ti pigsam,+ O Sion! Ikawesmo dagiti napintas a pagan-anaymo,+ O Jerusalem, ti nasantuan a siudad!+ Ta saanto a sumrek manen kenka ti di nakugit ken daydiay narugit.+  Aggulagolka a rumuk-at iti tapok,+ tumakderka, agtugawka, O Jerusalem. Warwarem kenka dagiti galut iti tengngedmo, O kautibo nga anak a babai ti Sion.+  Ta daytoy ti kinuna ni Jehova: “Maipaay iti awan kapapay-anna a nailakokayo,+ ket masakakayto nga awan kuarta.”+  Ta daytoy ti kinuna ti Soberano nga Apo Jehova: “Idiay Egipto a simmalog ti ilik iti umuna a gundaway tapno agtaengda sadiay kas ganggannaet;+ ket iti awan gapgapuna a ti Asiria, iti biangna, inrurumenna ida.”  “Ket ita, ania ti paginteresak ditoy?” kuna ni Jehova. “Ta ti ilik naala nga awan kapapay-anna.+ Dagidiay mismo nga agturturay kadakuada nagan-anug-ogda,”+ kuna ni Jehova, “ket patinayon, iti intero nga agmalem, ti naganko saan a mararaem.+  Gapu iti dayta a rason maammuanto ti ilik ti naganko,+ gapu a mismo iti dayta a rason iti dayta nga aldaw, agsipud ta siak Daydiay agsasao.+ Adtoy! Siak dayta.”  Anian a nagimnas iti rabaw dagiti bantay ti saksaka+ daydiay mangip-ipan iti naimbag a damag,+ daydiay mangipabpablaak iti talna,+ daydiay mangyeg iti naimbag a damag ti maysa a banag a nasaysayaat,+ daydiay mangipabpablaak iti pannakaisalakan,+ daydiay agkunkuna iti Sion: “Ti Diosmo nagbalinen nga ari!”+  Imdengam! Dagiti bukodmo a managwanawan+ impigsada ti timekda.+ Sangsangkatunos nga agik-ikkisda a sirarag-o; ta makitadanto iti matanmata+ inton ummongen nga isubli ni Jehova ti Sion.+  Agragsakkayo, agdir-ikayo a sirarag-o a sangsangkatunos, dakayo a walangwalang a disso ti Jerusalem,+ ta ni Jehova liniwliwana ti ilina;+ sinakana ti Jerusalem.+ 10  Linislisan ni Jehova ti nasantuan a takiagna iti imatang ti amin a nasnasion;+ ket amin dagiti ungto ti daga makitadanto ti panangisalakan ti Diostayo.+ 11  Pumanawkayo, pumanawkayo, rummuarkayo dita,+ dikay sagiden ti aniaman a narugit;+ rummuarkayo iti tengngana,+ pagtalinaedenyo a nadalus ti bagbagiyo, dakayo nga agaw-awit kadagiti aruaten ni Jehova.+ 12  Ta saankayto a rummuar nga aglaglagaw, ket saankayto a mapan nga agtaltalaw.+ Ta ni Jehova mapanto iti mismo a sanguananyo,+ ket ti Dios ti Israel isunto ti guardiayo iti likudan.+ 13  Adtoy! Ti adipenko+ agtignayto buyogen ti pannakatarus.+ Addanto iti nangato a saad ket sigurado a maital-onto ken maitan-okto iti kasta unay.+ 14  No kasano nga isu minulagatan a sisisiddaaw ti adu+—kasta kakaro idi ti panangpalaad no maipapan iti langana+ nga ad-adda ngem iti langa ti asinoman a sabali a tao ken no maipapan iti nadaeg a pormana+ nga ad-adda ngem iti porma ti annak ti sangatauan— 15  kigtotennanto met ti adu a nasion.+ Ti ar-ari ikaemdanto ti ngiwatda kenkuana,+ agsipud ta ti saan pay a naisarita kadakuada pudno a makitadanto, ket iti saanda a nangngegan masapul nga iturongda ti panangutobda.+

Footnotes