Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 51:1-23

51  “Imdengandak, dakayo a sumursurot iti kinalinteg,+ dakayo a mangikagkagumaan a mangsarak ken Jehova.+ Kumitakayo iti bato+ a nakatagaanyo, ken iti lungog ti abut a nakakalianyo.  Kumitakayo ken Abraham+ nga amayo+ ken ni Sara+ a nagin-inut a nangipasngay kadakayo buyogen kadagiti panagpasikal. Ta maymaysana idi inayabak,+ ket binendisionak ken pinaaduk.+  Ta pudno unay a liwliwaento ni Jehova ti Sion.+ Sigurado a liwliwaennanto amin a walangwalang a dissona,+ ket ti let-angna pagbalinennanto a kas iti Eden+ ken ti desiertona a tanap kas iti minuyongan ni Jehova.+ Ti met laeng panagragsak ken panagrag-o masarakanto kenkuana, panagyaman ken ti timek ti samiweng.+  “Ipangagnak, O ilik; ken sika a nasional a bunggoyko,+ umimdengka kaniak. Ta manipud kaniak rummuarto ti maysa a linteg,+ ket ti hudisial a pangngeddengko paginanaekto kas maysa a silaw a mismo kadagiti ili.+  Ti kinalintegko asideg.+ Ti panangisalakanko+ pudno unay a rummuarto, ket dagiti bukodko a takiag ukomendanto uray dagiti ili.+ Dagiti met laeng isla manginanamadanto kaniak,+ ket maipaay iti takiagko aguraydanto.+  “Itangadyo dagiti matayo iti langlangit a mismo,+ ken kumitakayo iti daga ditoy baba. Ta ti mismo a langlangit mawara a mapirpirsay a kas iti asuk,+ ket kas iti kawes marunotto ti daga a mismo,+ ket dagiti met laeng agnanaed iti dayta mataydanto a kas iti sepsep laeng. Ngem no maipapan iti panangisalakanko, agingganto a mismo dayta iti tiempo a di nakedngan,+ ket ti bukodko a kinalinteg saanto a maburak.+  “Imdengandak, dakayo a makaammo iti kinalinteg, dagiti tattao nga iti pusoda adda ti lintegko.+ Dikay pagbutngan ti panangumsi dagiti mortal a tattao, ket dikay agaligaget gapu laeng iti nabassawang a sasaoda.+  Ta ti sanga ibusennanto ida a kasla maysa a kawes, ket ti sanga ti luplupot kanennanto ida a kasla delana.+ Ngem no maipapan iti kinalintegko, dayta a mismo agingganto iti tiempo a di nakedngan, ket ti panangisalakanko agingga iti di mabilang a kapkaputotan.”+  Agriingka, agriingka, kawesam ta bagim iti pigsa,+ O takiag ni Jehova!+ Agriingka a kas iti al-aldaw ti nabayagen a tiempo, kas iti kabayatan ti kapkaputotan dagiti tiempo iti nabayagen a napalabas.+ Saan aya a sika daydiay a nangrangrangkay iti Rahab,+ a nangsalput iti ulimaw ti baybay?+ 10  Saan aya a sika daydiay nangpamaga iti baybay, ti dandanum ti nakalawlawa a kaadalman?+ Daydiay namagbalin kadagiti kaadalman ti baybay a maysa a dalan a pagballasiwan dagidiay nasaka?+ 11  Iti kasta agsublinto dagidiay met laeng nasubbot ni Jehova ket masapul nga umayda iti Sion buyogen ti narag-o a panagikkis,+ ket ti panagrag-o agingga iti tiempo a di nakedngan addanto iti rabaw ti uloda.+ Magtengandanto ti panagragsak ken panagrag-o.+ Sigurado nga agtalawto ti ladingit ken panagsennaay.+ 12  “Siak—siak Daydiay mangliwliwa kadakayo.+ “Siasinoka tapno mabutengka iti mortal a tao a matayto,+ ken iti anak ti sangatauan a maaramidto a kas iti berde a ruot laeng?+ 13  Ken tapno lipatem ni Jehova a Nangaramid kenka,+ Daydiay nangyunnat iti langlangit+ ken nangisaad iti pamuon ti daga,+ iti kasta nagalinggagetka a patinayon iti intero nga agmalem maigapu iti pungtot daydiay mangal-alikubkob kenka,+ a kasla isu nakasaganan a mangdadael kenka?+ Ket sadino ti ayan ti pungtot daydiay mangal-alikubkob kenka?+ 14  “Daydiay agrukrukob a sikakawar sigurado a mawarwaranto a sipapardas,+ tapno isu saan koma nga agturong ken patay idiay abut+ ken tapno ti tinapayna saan koma nga agkurang.+ 15  “Ngem siak, ni Jehova, ti Diosmo, Daydiay mangkibkibur iti baybay tapno agbalin a naariwawa dagiti dalluyonna.+ Jehova ti buybuyot ti naganna.+ 16  Ket ikabilkonto ti sasaok iti ngiwatmo,+ ket babaen iti salinong ti imak pudno unay nga abbongankanto,+ tapno imulak ti langlangit+ ken isaadko ti pamuon ti daga+ ket kunaek iti Sion, ‘Sika ti ilik.’+ 17  “Bumangonka, bumangonka, tumakderka, O Jerusalem,+ sika nga iti ima ni Jehova ininummo ti kopa ti pungtotna.+ Ti kopita, ti kopa a mamagibar-ibar, ininumam, pinaatianam.+ 18  Awan kadagiti amin nga annak+ nga inyanakna ti nangiturong kenkuana, ket awan kadagiti amin nga annak a pinadakkelna ti nangiggem iti imana.+ 19  Napagteng kenka dagidiay dua a banag.+ Siasino ti makipagriknanto kenka?+ Panangagaw ken pannakarba, ken bisin ken kampilan!+ Siasino ti mangliwliwanto kenka?+ 20  Natalimudaw dagiti bukodmo nga annak.+ Nagiddada iti pamunganayan dagiti amin a kalsada kas iti atap a karnero iti iket,+ kas kadagidiay napno iti pungtot ni Jehova,+ ti pammabalaw ti Diosmo.”+ 21  Gapuna imdengam daytoy, pangngaasim, O babai+ a naparigatan ken nabartek, ngem saan nga iti arak.+ 22  Daytoy ti kinuna ti Apom, ni Jehova, a mismo a Diosmo, a makisupiat+ maipaay iti ilina: “Adtoy! Ikkatekto ita imam ti kopa a mamagibar-ibar.+ Ti kopita, ti kopa ti pungtotko—saanmonto a pulos ulitenen ti iyiinum iti dayta.+ 23  Ket ikabilkonto iti ima dagidiay mangrurrurod kenka,+ a nagkuna iti kararuam, ‘Agrukobka tapno makaballasiwkami,’ iti kasta pagbalbalinem idi ti bukotmo kas iti daga, ken kas iti kalsada maipaay kadagidiay bumalballasiw.”+

Footnotes