Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 50:1-11

50  Daytoy ti kinuna ni Jehova: “Sadino, ngarud, ti ayan ti kasuratan ti diborsio+ ti inayo, a pinagtalawko?+ Wenno siasino kadagiti nakautangak ti nangilakuak kadakayo?+ Adtoy! Gapu kadagiti bukodyo a biddut+ nailakokayo, ket gapu kadagiti bukodyo a salungasing napagtalaw ti inayo.+  Apay nga, idi immayak, awan ti asinoman?+ Idi immawagak, awan ti asinoman a simmungbat?+ Iti kinapudnona nagbalin kadi nga ababa unay ti imak a saanna a mabalin ti mangsubbot,+ wenno awan kadi kaniak ti pannakabalin a mangispal? Adtoy! Babaen ti pammabalawko+ pagmagaek ti baybay;+ dagiti karayan pagbalinek a let-ang.+ Dagiti ikanda bumangsit gapu iti kaawan ti danum, ket matayda gapu iti waw.+  Kawesak ti langlangit iti kinalidem,+ ket ti met laeng tinakpil aramidek nga abbongda.”+  Ti met laeng Soberano nga Apo Jehova intedna kaniak ti dila dagidiay nasursuruan,+ tapno maammuak no kasano a sungbatak iti maysa a sao daydiay nabannog.+ Mangriing iti binigat; riingenna ti lapayagko tapno dumngeg a kas kadagidiay nasursuruan.+  Ti met laeng Soberano nga Apo Jehova linuktanna ti lapayagko, ket siak, iti biangko, saanak a rebelioso.+ Saanak a bimmaw-ing iti sungani a turong.+  Ti bukotko impaayko kadagiti manangkabil, ken dagiti pingpingko+ kadagidiay agparparut iti buok. Ti rupak saanko nga inlinged manipud mangipababa a bambanag ken iti tupra.+  Ngem ti met laeng Soberano nga Apo Jehova tulongannakto.+ Dayta ti makagapu a saan a masapul a makariknaak iti pannakaipababa. Dayta ti makagapu nga insaadko ti rupak a kas iti pamulinawen, ket ammok a saanakto a mabainan.+  Daydiay mangidekdeklara kaniak a nalinteg ket asideg.+ Siasino ti makabalin a makisupiat kaniak? Tumakderkami koma a sangsangkamaysa.+ Siasino ti kabinnusorko iti pangukoman?+ Umasideg koma kaniak.+  Adtoy! Ti met laeng Soberano nga Apo Jehova tulongannakto. Siasino ti makaibatad a nadangkesak?+ Adtoy! Isuda amin, kas iti maysa a kawes, marunotdanto.+ Maysa laeng a sanga ti mangibusto kadakuada.+ 10  Siasino kadakayo ti agbuteng+ ken Jehova, nga umim-imdeng iti timek ti adipenna,+ a nagna iti agtultuloy a kinasipnget+ ket kenkuana awan ti kinaraniag? Isu agtalek koma iti nagan ni Jehova+ ket agsammaked iti Diosna.+ 11  “Adtoy! Dakayo amin a mangpaspasged iti apuy, a mamaglawag kadagiti rissik, magnakayo iti lawag ti apuyyo, ken iti tengnga dagiti rissik a pinagayebgebyo. Manipud iti imak sigurado a maaddaankayto iti daytoy: Iti bin-ig nga ut-ot siiiddakayto.+

Footnotes