Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 5:1-30

5  Bay-anyo a kantaak daydiay dungdungnguek, pangngaasiyo, iti maysa a kanta maipapan iti ay-ayatek mainaig iti kaubasanna.+ Daydiay dungdungnguek adda kaubasan a natagikuana iti nabunga a bakras ti turod.  Ket kinalina dayta ken inikkatanna iti batbato ken minulaanna iti napili a nalabaga nga ubas, ket nangibangon iti torre iti tengngana.+ Ket adda met pagpespesan iti ubas a kinutkotna iti dayta.+ Ket isu nangin-inanama a mangpataud dayta kadagiti ubas,+ ngem nagin-inut a nangpataud kadagiti atap nga ubas.+  “Ket ita, O dakayo nga agnanaed iti Jerusalem ken dakayo a tattao ti Juda, pangngaasiyo ta mangukomkayo iti nagbaetak ken ti kaubasak.+  Ania kadi pay ti maaramid maipaay iti kaubasak a saanko a naaramid iti dayta?+ Apay a nanginanamaak a mangpataud dayta kadagiti ubas, ngem nagin-inut a nangpataud kadagiti atap nga ubas?  Ket ita, pangngaasiyo, ipakaammok koma kadakayo no ania ti aramidek iti kaubasak: Addanto panangikkat iti aladna a mulmula,+ ket maikeddengto dayta iti pannakapuor.+ Addanto panangrebba iti paderna a bato, ket maikeddengto dayta a maipaay a lugar a pagipayatpayatan.+  Ket itudingkonto kas maysa a banag a nadadael.+ Saanto a maarbasan, wenno uray magabion.+ Ket tumpuarto dayta a kadua ti siitan a bassit a kayo ken dakes a ruruot;+ ket kadagiti ulep mangipasdekakto iti bilin tapno saan a mangitinnag iti aniaman a tudo iti rabawna.+  Ta ti kaubasan+ ni Jehova ti buybuyot isu ti balay ti Israel, ket dagiti tattao ti Juda isuda ti talon a pagay-ayatanna idi.+ Ket isu nangin-inanama iti panangukom,+ ngem, adtoy! ti panangsalungasing iti linteg; iti kinalinteg, ngem, adtoy! maysa nga ikkis.”+  Asi pay dagidiay mamagtitipon iti balbalay,+ ken dagidiay mamagsisilpo kadagiti talon agingga nga awanen ti lugar+ ket napagnaedkayo a dakdakayo laengen iti tengnga ti daga!  Kadagiti lapayagko ni Jehova ti buybuyot [insapatana nga] adu a balbalay, nupay no dadakkel ken nasasayaat, agbalindanto a naan-anay a banag a pagmalangaan, awan agnanaed.+ 10  Ta uray ti sangapulo nga acre+ ti kaubasan mangpataudto laeng iti maysa a bat a sukat,+ ket uray ti maysa a homer a sukat ti bin-i mangpataudto laeng iti maysa nga efa a sukat.+ 11  Asi pay dagidiay bumangbangon a nasapa iti bigat tapno makasapulda laeng iti makabartek nga inumen,+ isuda nga agmenmenmen agingga iti adalemen a kinasipnget ti rabii tapno paggil-ayaben ida ti mismo nga arak!+ 12  Ket addanto arpa ken pagtokar nga adda kuerdasna, pandereta ken plauta, ken arak kadagiti padayada;+ ngem ti aramid ni Jehova saanda nga imatangan, ket ti aramid dagiti imana saanda a nakita.+ 13  Gapuna ti ilik masapul a mapan iti pannakaidestiero gapu iti kinakurang ti pannakaammo;+ ket ti dayagda isunto dagiti nabisinan unay a tattao,+ ket ti bunggoyda mamagmaganto iti waw.+ 14  Gapuna pinalawa ti Sheol ti kararuana ket linuktanna a naimbag ti ngiwatna iti labes pay dagiti pagpatinggaan;+ ket ti nangayed kenkuana, kasta met ti bunggoyna ken ti ariwawana ken daydiay narag-o, sigurado nga umulogdanto iti dayta.+ 15  Ket ti naindagaan a tao agruknoyto, ket ti tao agbalinto a nababa, ket uray ti matmata dagidiay nangangato agbalindanto a nababa.+ 16  Ket ni Jehova ti buybuyot agbalinto a nangato babaen ti panangukom,+ ket ti pudno a Dios, Daydiay Santo,+ sigurado a santipikarennanto ti bagina babaen ti kinalinteg.+ 17  Ket dagiti kalakian a kordero pudno nga agarabdanto a kas addada iti pagarabanda; ket dagiti langalang a disso ti napalukmeg nga an-animal ti pangananto dagiti ganggannaet nga agnanaed.+ 18  Asi pay dagidiay agguyguyod iti biddut babaen iti taltali ti di kinapudno, ken iti basol a kasla babaen kadagiti guyodan ti kareson;+ 19  dagidiay agkunkuna: “Agganat koma ti aramidna; umay koma dayta a sidadaras, tapno makitatayo; ket ti pammatigmaan Daydiay Santo ti Israel umasideg koma ken dumteng, tapno maammuantayo dayta!”+ 20  Asi pay dagidiay agkunkuna a ti naimbag ket dakes ken ti dakes ket naimbag,+ dagidiay mangikabkabil iti sipnget maipaay ti lawag ken lawag maipaay ti sipnget, dagidiay mangikabkabil iti napait maipaay ti nasam-it ken nasam-it maipaay ti napait!+ 21  Asi pay dagidiay masirib kadagiti bukodda a mata ken nasaririt iti mismo a sanguanan dagiti bukodda a rupa!+ 22  Asi pay dagidiay nabileg iti panaginum iti arak, ken dagiti lallaki a nakired a mamaglalaok iti makabartek nga inumen,+ 23  dagidiay mangibatbatad a daydiay nadangkes ket nalinteg maipagapu iti pasuksok,+ ken mangikkat uray ti kinalinteg daydiay nalinteg manipud kenkuana!+ 24  Gapuna no kasano a ti maysa a dila ti apuy ibusenna ti punget ti garami+ ket kadagiti gil-ayab agkaretket dagiti nagango a ruot laeng, ti mismo a ramutda agbalinto a kasla nalungsot nga angot,+ ket ti met laeng sabongda agpangatonto a kasla pulbos, agsipud ta linaksidda ti linteg ni Jehova ti buybuyot,+ ket ti sasao Daydiay Santo ti Israel saanda a rinaem.+ 25  Dayta ti makagapu a bimmara ti unget ni Jehova iti ilina, ket iyunnatnanto ti imana maibusor kadakuada ket kabilenna ida.+ Ket madayyegto ti bambantay,+ ket dagiti natay a bagida agbalinto a kasla ti dalupitpit iti tengnga dagiti kalsada.+ Maigapu iti isuamin daytoy saan a nagbaw-ing ti ungetna, no di ket ti imana siuunnat pay laeng. 26  Ket isu nangibayog iti pagilasinan iti maysa a dakkel a nasion iti adayo,+ ket sinultipanna dayta iti ungto ti daga;+ ket, adtoy! sigaganat nga umayto a sisisiglat.+ 27  Awan ti nabannog wenno uray asinoman a maitibkol kadakuada. Awan ti saguyepyepen ken awan ti maturog. Ket ti sinturon iti likmut dagiti lomoda pudno unay a saanto a maukas, saan met a mapugsat a magudua dagiti galut ti palpallokada; 28  agsipud ta dagiti panada napatirad ket amin dagiti baida sibaballok.+ Dagiti mismo a kuko ti kabkabalioda maibilangto a kas pamulinawen,+ ket dagiti pilidda kas maysa a bagyo nga angin.+ 29  Ti panagungorda ket kas iti panagungor ti leon, ket agungorda a kas kadagiti burboran a bumaro a leon.+ Ket agugadanto ken gammatanda ti aanupen ket ipanawda a sitatalged, ket awanto ti manangispal.+ 30  Ket iti dayta nga aldaw agugadanto iti dayta kas iti panagungor ti baybay.+ Ket ti maysa pudno a matmatannanto ti daga, ket, adtoy! adda mangparigat a sipnget;+ ket uray ti lawag simmipnget gapu kadagiti taredted nga agtintinnag iti dayta.

Footnotes