Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 46:1-13

46  Ni Bel+ nagruknoy,+ ni Nebo agrukrukob; dagiti idoloda+ nagpaayda kadagiti atap nga animal ken kadagiti naamo nga animal, dagiti awitda, pedapedaso a gargaret, maysa a dadagsen maipaay kadagiti nabannog nga animal.  Masapul nga agrukobda; tunggal maysa masapul nga agruknoyda nga agpapada; pudno a saanda a kabaelan ti mangipaay iti pannakailisi+ iti awit, no di ket iti pannakakautibo ti masapul a papanan ti bukodda a kararua.+  “Imdengandak, O balay ni Jacob, ken dakayo amin a nabatbati iti balay ni Israel,+ dakayo nga inawitko manipud iti tian, dagidiay naubba manipud iti aanakan.+  Uray iti kinalakay ti maysa siak met laeng Daydiay;+ ket iti kinaubanan ti maysa agtultuloyakto a mangimet.+ Sigurado nga agtignayakto,+ tapno mangawitak ken tapno mangimetak ken mangipaayak iti itatalaw.+  “Siasino ti pangyaspinganyonto kaniak+ wenno pangipadaanyo kaniak wenno pangipadisanyo kaniak tapno agarngikami?+  Adda dagidiay sibubuslon nga agiruruar iti balitok manipud iti supot, ket babaen ti kakatian bagtingenda ti pirak. Mangtangdanda iti managobra iti metal, ket pagbalinenna dayta a maysa a dios.+ Iruknoyda ti bagbagida, wen, agrukobda.+  Ibaklayda dayta iti abaga,+ awitenda ket ikabilda iti lugarna tapno makapagtakder a siiintek. Manipud iti disso a nakaisaadanna saan a pumanaw.+ Ti maysa umkis pay iti dayta, ngem saan a sumungbat; saanna a maisalakan ti asinoman manipud rigatna.+  “Laglagipenyo daytoy, tapno makaurnongkayo iti tured. Ipapusoyo dayta,+ dakayo a managsalungasing.+  Laglagipenyo ti immuna a bambanag iti nakabaybayagen a tiempo,+ a siak Daydiay Nadibinuan+ ket awanen ti sabali a Dios,+ wenno uray asinoman a kas kaniak;+ 10  Daydiay a manipud punganay ibagbagana ti pagnguduan,+ ken manipud iti nabayagen a tiempo ti bambanag a saan pay a naaramid;+ Daydiay agkunkuna: ‘Ti pammatigmaanko agtalinaedto,+ ket isuamin a pakaragsakak aramidekto’;+ 11  Daydiay mangay-ayab manipud leleggakan ti init iti maysa a tumatayab nga agsippayot,+ manipud adayo a daga iti lalaki a mangipakat iti pammatigmaanko.+ Sinaok a mismo dayta; iyegkonto met.+ Binukelko dayta, aramidekto met.+ 12  “Imdengandak, dakayo a nabileg ti pusona,+ dakayo nga adayo iti kinalinteg.+ 13  Inyasidegko ti kinalintegko.+ Saan nga adayo dayta,+ ket ti bukodko a panangisalakan saanto a maladaw.+ Ket itedkonto iti Sion ti pannakaisalakan, iti Israel ti pintasko.”+

Footnotes