Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 43:1-28

43  Ket ita daytoy ti kinuna ni Jehova, ti Namarsua kenka,+ O Jacob, ken ti Nangporma kenka,+ O Israel: “Dika agbuteng, ta sinakaka.+ Inawaganka iti naganmo.+ Sika ket kukuak.+  No kas pagarigan lumasatkanto kadagiti danum,+ addaakto kenka;+ ket kadagiti karayan, saandakanto a lapunosen.+ No kas pagarigan magnakanto iti apuy, saankanto a masinit, saannakanto met a siraman ti mismo a gil-ayab.+  Ta siak ni Jehova a Diosmo, Daydiay Santo ti Israel a Manangisalakanmo.+ Intedko ti Egipto a pangsubbot kenka,+ ti Etiopia+ ken Seba a mangsandi kenka.  Maigapu iti kinapudno a napategka kadagiti matak,+ naibilangka a nadayaw, ket siak inayatka.+ Ket mangipaayakto kadagiti lallaki a mangsandi kenka, ken kadagiti nasional a bunggoy a mangsandi iti kararuam.+  “Dika agbuteng, ta addaak kenka.+ Manipud iti leleggakan ti init iyegkonto ti bin-im, ket manipud iti lelennekan ti init ummongenkanto a sangsangkamaysa.+  Kunaekto iti amianan,+ ‘Bay-am!’ ket iti abagatan, ‘Dika igawid. Iyegmo ti annakko a lallaki manipud iti adayo, ken ti annakko a babbai manipud iti ungto ti daga,+  tunggal maysa a naawagan iti naganko+ ken pinarsuak maipaay iti bukodko a dayag,+ a binukelko, wen, nga inaramidko.’+  “Mangyegka iti ili a bulsek nupay adda matmatada, ken dagidiay tuleng nupay addaanda kadagiti lapayag.+  Dagiti nasion maummongda koma amin a sangsangkamaysa iti maysa a lugar, ket dagiti nasional a bunggoy maurnongda koma a sangsangkamaysa.+ Siasino ti adda kadakuada a makaibaga iti daytoy?+ Wenno maipangngegda aya kadatayo uray ti immuna a bambanag?+ Iparangda koma dagiti saksida,+ tapno maideklara ida a nalinteg, wenno denggenda koma ken kunaenda, ‘Isu ti kinapudno!’”+ 10  “Dakayo dagiti saksik,”+ kuna ni Jehova, “ti mismo nga adipenko a pinilik,+ tapno maammuanyo+ ket maaddaankayo iti pammati kaniak,+ ken tapno maawatanyo a siak met laeng Daydiay.+ Iti kasakbayak awan ti nabukel a Dios,+ ket iti kalpasak agtultuloy nga awan.+ 11  Siak—siak ni Jehova,+ ket malaksid kaniak awan ti manangisalakan.”+ 12  “Siak insaritak ken insalakanko ken impangngegko dayta,+ idi nga iti tengngayo awan ganggannaet a dios.+ Gapuna dakayo dagiti saksik,”+ kuna ni Jehova, “ket siak ti Dios.+ 13  Kasta met, iti isuamin a tiempo siak met laeng Daydiay;+ ket awan asinoman a makaipaay iti pannakaispal manipud iti bukodko nga ima.+ Agaktiboakto,+ ket siasino ti makaibaw-ing iti dayta?”+ 14  Daytoy ti kinuna ni Jehova, ti Manangsakayo,+ Daydiay Santo ti Israel:+ “Maipagapu kadakayo agbaonakto idiay Babilonia ket ibabak ti balbalunet dagiti pagbaludan,+ ken dagiti Caldeo kadagiti barko buyogen dagiti agan-aneng-eng nga ikkis iti biangda.+ 15  Siak ni Jehova Daydiay Santoyo,+ ti Namarsua iti Israel,+ ti Ariyo.”+ 16  Daytoy ti kinuna ni Jehova, Daydiay mangar-aramid iti dalan a lumasat iti mismo a baybay ken iti dana a lumasat uray iti nabileg a dandanum,+ 17  Daydiay mangiruruar a sangsangkagiddan kadagiti karuahe a pakigubat ken ti kabalio, ti puersa militar ken dagidiay napipigsa:+ “Agiddadanto.+ Saandanto a bumangon.+ Sigurado a maiddepdanto.+ Kas iti pabilo a lino masapul a madepdepda.”+ 18  “Dikay lagipen ti nagkauna a bambanag, ket dikay iturong ti panangutobyo iti immuna a bambanag. 19  Adtoy! Mangar-aramidak iti banag a baro.+ Ita tumanorto. Maammuanyonto dayta, saan kadi?+ Pudno, mangipasdekakto iti dalan a lumasat iti let-ang,+ karkarayan a lumasat iti desierto.+ 20  Ti atap nga animal iti tay-ak idaydayawnakto,+ dagiti chacal ken dagiti abestrus;+ agsipud ta nangtedakton iti danum uray iti let-ang, karkarayan iti desierto,+ tapno painumek ti ilik, daydiay pinilik,+ 21  ti ili a binukelko maipaay kaniak, tapno isaritada koma ti pakaidaydayawak.+ 22  “Ngem saanka nga immawag uray kaniak, O Jacob,+ agsipud ta napakilka kaniak, O Israel.+ 23  Saanmo nga inyeg kaniak ti karnero dagiti sibubukel a datonmo a mapuoran, ket saannak nga indaydayaw babaen kadagiti sakripisiom.+ Saanka a pinilit nga agserbi kaniak buyogen ti maysa a sagut, saanka met a pinakil iti olibano.+ 24  Maipaay kaniak awan ginatangmo a nasam-it nga unas+ babaen ti aniaman a kuarta; ket iti taba dagiti sakripisiom saannak a pinennek.+ Iti kinapudnona pinilitnak nga agserbi gapu iti basbasolmo; pinakilnak kadagiti biddutmo.+ 25  “Siak—siak Daydiay mangpumpunas+ kadagiti salungasingmo+ maipagapu kaniak a mismo,+ ket ti basbasolmo saankonto a lagipen.+ 26  Palagipannak; isaadta koma nga agpadpada ti bagbagita iti pannakaukom;+ ibagam ti bukodmo a salaysay iti dayta tapno maaddaka iti umiso.+ 27  Ti bukodmo nga ama, daydiay immuna, nagbasol,+ ket dagiti bukodmo a pannakangiwat nagsalungasingda a maikaniwas kaniak.+ 28  Gapuna tabbaawakto dagiti prinsipe ti nasantuan a disso, ket itedkonto ni Jacob kas maysa a tao a naikeddeng iti pannakadadael ken ti Israel kadagiti sao a nabassawang.+

Footnotes