Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 40:1-31

40  “Liwliwaenyo, liwliwaenyo ti ilik,” kuna ti Diosyo.+  “Agsaokayo iti puso ti Jerusalem+ ket ipukkawyo kenkuana a ti panagserbina iti militar natungpalen,+ a ti biddutna nabayadanen.+ Ta manipud iti ima ni Jehova isu immawat iti naan-anay a gatad maipaay iti amin a basbasolna.”+  Imdenganyo! Adda mangipukpukkaw idiay let-ang:+ “Wayaanyo ti dalan ni Jehova!+ Palintegenyo+ ti kangrunaan a kalsada a lumasat iti desierto a tanap maipaay iti Diostayo.  Tunggal ginget mapangato koma,+ ket tunggal bantay ken turod mapababa.+ Ket ti tibbatibbakol a daga masapul nga agbalin a nalantag a daga, ken ti likkalikkaong a daga maysa a ginget a tanap.+  Ket ti dayag ni Jehova sigurado a maipanayagto,+ ket masapul a sangsangkamaysa a makita ti isuamin a lasag,+ ta ti mismo a ngiwat ni Jehova sinaona dayta.”+  Imdengan! Adda agkunkuna: “Agpukkawka!”+ Ket kinuna ti maysa: “Ania ti ipukkawko?” “Isuamin a lasag berde a ruot, ket isuamin a naayat a kinamanangngaasida kasla sabong iti tay-ak.+  Ti berde a ruot nagango, ti sabong nalaylay,+ agsipud ta ti mismo nga espiritu ni Jehova nagpuyupoy iti dayta.+ Sigurado a dagiti tattao berdeda a ruot.+  Ti berde a ruot nagango, ti sabong nalaylay;+ ngem no maipapan iti sao ti Diostayo, agpautto agingga iti tiempo a di nakedngan.”+  Sumang-atka uray agingga iti rabaw ti nangato a bantay,+ sika a babai a mangyeg iti naimbag a damag a maipaay iti Sion.+ Ipigsam ti timekmo buyogen a mismo iti bileg, sika a babai a mangyeg iti naimbag a damag a maipaay iti Jerusalem.+ Ipigsam dayta. Dika agbuteng.+ Kunaem kadagiti siudad ti Juda: “Adtoy ti Diosyo.”+ 10  Adtoy! Ti met laeng Soberano nga Apo Jehova umayto a mismo kas maysa a napigsa, ket ti takiagna agturayto maipaay kenkuana.+ Adtoy! Ti panggunggonana naikuyog kenkuana,+ ket ti tangdan a pangsupapakna adda iti sanguananna.+ 11  Kas iti maysa a pastor ipastorannanto ti bukodna a pangen.+ Babaen ti takiagna ummongennanto a sangsangkamaysa dagiti kordero;+ ket iti barukongna awitennanto ida.+ Dagidiay agpaspasuso siaannad nga idalannanto ida.+ 12  Siasino ti nangsukat iti dandanum iti lukong laeng ti imana,+ ken nangrukod iti mismo a langlangit babaen iti maysa laeng a dangan+ ken nangiraman iti tapok ti daga iti maysa a pagsukatan,+ wenno nangbagting iti bambantay babaen ti maysa a paggantingan, ken iti turturod kadagiti timbangan? 13  Siasino ti nangrukod iti espiritu ni Jehova, ket siasino kas mamatigmaan a taona ti makaipakaammo kenkuana iti aniaman a banag?+ 14  Siasino ti nakiumananna tapno isu maikkan ti maysa iti pannakaawat, wenno siasino ti mangisuro kenkuana iti dana ti kinahustisia, wenno mangisuro kenkuana iti pannakaammo,+ wenno mangipakaammo kenkuana iti mismo a dalan ti pudpudno a pannakaawat?+ 15  Adtoy! Dagiti nasion kaslada maysa a tedted manipud iti timba; ket naibilangda a kas iti naingpis a tapok kadagiti timbangan.+ Adtoy! Alsaenna dagiti mismo nga isla+ kas iti napino laeng a tapok. 16  Uray ti Libano saan nga umdas a pangtaginayon a sumsumged iti apuy, ket dagiti atap nga animalna+ saan nga umdas a maipaay iti daton a mapuoran.+ 17  Amin dagiti nasion kaslada maysa a banag nga awan iti sanguananna;+ kenkuana naibilangda kas awan kapapay-anna ken di agpaypayso.+ 18  Ket siasino ti mabalinyo a pangyaspingan iti Dios,+ ket ania a kaasping ti mabalinyo nga iyarpad kenkuana?+ 19  Ti nasigo a trabahador nangsukog iti sinukog a ladawan laeng,+ ket iti balitok kinalupkopan dayta ti managobra iti metal,+ ket mangpampanday kadagiti pirak a kawar.+ 20  Maysa a kayo kas kontribusion, maysa a kayo a saan a rinuker, ti pilienna.+ Maysa a nasigo a trabahador ti birokenna maipaay kenkuana, tapno mangisagana iti kinitikitan a ladawan+ a saan a mapagdiwengdiweng.+ 21  Saanyo kadi nga ammo? Saanyo kadi a mangngeg? Saan kadi a naibaga kadakayo nanipud idi rugi? Saanyo kadi nga impakat ti pannakaawat manipud kadagiti pamuon ti daga?+ 22  Adda Daydiay nga agnanaed iti ngatuen ti sirkulo ti daga,+ a dagiti agnanaed iti dayta ket kaslada kadagiti rumsa, Daydiay mangyun-unnat iti langlangit kas iti napino a barabad, a mangyukrad kadakuada kas iti tolda a pagnaedan,+ 23  Daydiay mangpapaawan kadagiti nangato nga opisial, a namagbalin kadagiti mismo nga ukom ti daga kas maysa laeng a di agpaypayso.+ 24  Saanda pay a pulos naitukit; saanda pay a pulos naimula; saan pay a pulos nagramut ti pungdolda iti daga.+ Ket ti maysa puyupoyanna laeng ida ket magangoda;+ ket kas iti punget ti garami ipanawto ida ti mismo nga allawig.+ 25  “Ngem siasino ti mabalinyo a pangyaspingan kaniak tapno maipadaak koma kenkuana?” kuna Daydiay Santo.+ 26  “Itangadyo dagiti matayo sadi ngato ket kitaenyo. Siasino ti namarsua kadagitoy a banag?+ Isu Daydiay mangiruruar iti buyotda sigun a mismo iti bilang, isuda amin awaganna sigun a mismo iti nagan.+ Gapu iti kinaruay iti dinamiko nga enerhia,+ kasta met a yantangay isu nakired iti pannakabalin, awan uray maysa kadakuada ti mapukpukaw. 27  “Iti ania a rason a kunaem, O Jacob, ken sawem, O Israel, ‘Ti dalanko nailinged manipud ken Jehova,+ ket ti hustisia nga agpaay kaniak mailiklik iti mismo a Diosko’?+ 28  Saanmo aya a naammuan wenno saanmo aya a nangngeg?+ Ni Jehova, ti Namarsua kadagiti ungto ti daga, ket Dios agingga iti tiempo a di nakedngan.+ Isu saan a mabannog wenno mapakil.+ Awan pannakasukimat ti pannakaawatna.+ 29  Isu mangted iti bileg iti daydiay nabannog;+ ket iti daydiay awanan dinamiko nga enerhia+ paaduenna ti naan-anay a pannakabalin. 30  Ti ubbing a lallaki agpadpada a mabannog ken mapakildanto, ket dagiti met leng agtutubo a lallaki di bumurong a maitibkoldanto, 31  ngem dagidiay mangin-inanama+ ken Jehova mapasublidanto ti bilegda.+ Agpangatodanto a sipapayak a kas kadagiti agila.+ Agtaraydanto ket saanda a mapakil; magnadanto ket saanda a mabannog.”+

Footnotes