Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 38:1-22

38  Kadagidi nga aldaw nagsakit ni Ezekias agingga a nganngani matayen.+ Iti kasta ni Isaias+ nga anak ni Amoz a mammadto simrek a napan kenkuana ket kinunana kenkuana: “Daytoy ti kinuna ni Jehova, ‘Mangtedka kadagiti bilin iti sangakabbalayam,+ ta sika pudno a mataykanto ket saankanto nga agbiag.’”+  Gapu iti dayta inturong ni Ezekias ti rupana iti diding+ ket nangrugi nga agkararag ken Jehova+  ket kinunana: “Agdawatak kenka, O Jehova, lagipem,+ pangngaasim, no kasano a nagnaak+ iti sanguanam iti kinapudno+ ken buyogen ti naan-anay a puso,+ ket no ania ti naimbag kadagita matam inaramidko.” Ket ni Ezekias nangrugi nga agsangit iti napalalo.+  Ket ti sao+ ni Jehova dimteng ita ken Isaias, a kunkunana:  “Mapanka, ket masapul a kunaem ken Ezekias, ‘Daytoy ti kinuna ni Jehova a Dios ni David nga amam:+ “Nangngegko ti kararagmo.+ Nakitak ti luluam.+ Adtoy manginayonak iti sangapulo ket lima a tawen iti al-aldawmo;+  ket iti dakulap ti ari ti Asiria ispalenkanto ken daytoy a siudad, ket ikanawakto daytoy a siudad.+  Ket daytoy ti pagilasinan a maipaay kenka manipud ken Jehova nga aramidento ni Jehova daytoy a sao a sinaona:+  Adtoy ti anniniwan dagiti tukad a bimmaba kadagiti tukad ti agdan ni Acaz babaen ti init+ pagsanudek iti sangapulo a tukad.”’”+ Ket ti init nagin-inut a nagsubli iti sangapulo a tukad kadagiti tukad ti agdan a bimmabaanna.+  Surat ni Ezekias nga ari ti Juda, idi isu nagsakit+ ken nakaungar iti sakitna.+ 10  Kinunak a mismo: “Iti katengngaan ti al-aldawko mapanakto kadagiti ruangan+ ti Sheol. Maipaidamto kaniak ti nabatbati+ kadagiti tawenko.” 11  Kinunak: “Saankonto a makita ni Jah, mismo a ni Jah, iti daga dagidiay sibibiag.+ Saanakto a kumitan iti sangatauan—agraman dagiti agnanaed iti daga ti panagressat. 12  Ti bukodko a pagnaedan nabag-ut+ ken naipanaw kaniak a kas iti tolda dagiti pastor. Linukotko ti biagko kas iti trabahador iti pagabelan; Ti maysa gessatennak+ kadagiti mismo a linabag ti gan-ay. Manipud panaglawag ti aldaw agingga iti rabii sika iyaw-awatnak.+ 13  Inep-epko ti bagik agingga iti bigat.+ Kas iti maysa a leon, kasta ti panangtukkotukkolna kadagiti amin a tulangko;+ Manipud panaglawag ti aldaw agingga iti rabii sika iyaw-awatnak.+ 14  Kas iti langaylangayan, iti bulbul, kasta ti panagan-anibaarko;+ Agtultuloyak nga agkukok a kas iti kalapati.+ Dagiti matak agkakapuyda a kimmita iti nangato;+ ‘O Jehova, addaak iti sidong ti pannakairurumen. Agtakderka a maipaay iti pagsayaatak.’+ 15  Anianto ti sawek, ket anianto ti pudno a sawenna kaniak?+ Isu nagtignay met.+ Magmagnaak a sidadaeg kadagiti amin a tawenko nga addaan kinapait ti kararuak.+ 16  ‘O Jehova, maigapu iti dayta agtultuloyda nga agbiag; ket kas iti tunggal maysa, isu dagita ti biag ti espirituk.+ Ket sika isublinakto iti kinasalun-at ken pudno unay a taginayonennak a sibibiag.+ 17  Adtoy! Maipaay iti talna naaddaanak iti napait, wen, napait;+ Ket sika naisinggalutka iti kararuak ket inyadayom dayta iti abut ti pannakawarawara.+ Ta impuruakmo iti likudam amin a basolko.+ 18  Ta saan a ti Sheol ti makaidayaw kenka;+ ni met laeng patay saannaka a maidaydayaw.+ Dagidiay bumabbaba iti abut saanda a mabalin ti kumita a siiinanama iti kinapudnom.+ 19  Ti sibibiag, ti sibibiag, isu ti makaidayaw kenka,+ Kas iti kabalinak iti daytoy nga aldaw.+ Ti met laeng ama makaipaay iti pannakaammo+ kadagiti bukodna nga annak maipapan iti kinapudnom. 20  O Jehova, agtignayka a mangisalakan kaniak,+ ket tokarenminto dagiti napili a kantak a matokar iti kuerdas+ Iti amin nga al-aldaw ti panagbiagmi iti balay ni Jehova.’”+ 21  Ket kinuna ni Isaias: “Mangalada koma iti sangkatipkel ti pinilpil a naipagango a higos ket iyapro-aprosda iti busali,+ tapno isu makaungar.”+ 22  Kabayatanna, kinuna ni Ezekias: “Ania ti pagilasinan nga umuliakto iti balay ni Jehova?”+

Footnotes