Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 36:1-22

36  Ita naaramid iti maikasangapulo ket uppat a tawen ni Ari Ezekias a ni Senaquerib+ nga ari ti Asiria+ simmang-at a maibusor kadagiti amin a nasarikedkedan a siudad ti Juda ket innalana ida.+  Ket ti ari ti Asiria imbaonna iti kamaudiananna ni Rabsaque+ manipud Laquis+ nga agturong iti Jerusalem,+ a mapan ken Ari Ezekias, agraman napigsa a puersa militar, ket nagtakder a siiintek iti abay ti kalasugan+ ti makinngato a ban-aw+ iti kangrunaan a kalsada ti tay-ak ti managlaba.+  Idin rimmuar a napan kenkuana ni Eliakim+ nga anak ni Hilkias, nga agay-aywan iti sangakabbalayan, ken ni Sebna+ a sekretario ken ni Joa+ nga anak ni Asaf+ nga agilislista.+  Iti kasta kinuna kadakuada ni Rabsaque: “Pangngaasiyo, sawenyo ken Ezekias, ‘Daytoy ti kinuna ti naindaklan nga ari,+ ti ari ti Asiria:+ “Ania daytoy panagtalek a nagtalkam?+  Kinunam (ngem sao dayta dagiti bibig), ‘Adda pammatigmaan ken kinamannakabalin maipaay iti gubat.’+ Ita siasino ti nangikabilam ti panagtalekmo, iti kasta nagrebeldeka kaniak?+  Adtoy! Nagtalekka iti saranay daytoy naparpar a runo,+ iti Egipto,+ a no ti maysa a tao isadagna koma ti bagina iti dayta, sigurado a tumudok iti dakulapna ket salputenna dayta. Kasta ni Faraon+ nga ari ti Egipto kadagidiay amin a mangikabkabil ti panagtalekda kenkuana.+  Ket no kas pagarigan kunaem kaniak, ‘Ni Jehova a Diosmi ti nagtalkanmi,’ saan kadi nga isuna daydiay a dagiti nangato a dissona+ ken dagiti altarna inikkat ni Ezekias,+ idinto ta kunana iti Juda ken Jerusalem, ‘Iti sanguanan daytoy nga altar rebbeng nga agruknoykayo’?”’+  Ita, ngarud, makipinnustaka,+ pangngaasim, iti apok nga ari ti Asiria,+ ket bay-am a mangtedak kenka iti dua ribu a kabalio tapno kitaek no kabalinam, iti biangmo, ti mangikabil kadagiti sumasakay kadakuada.+  Kasano, ngarud, a mapagtallikudmo ti rupa ti maysa a gobernador dagiti kabassitan nga adipen ni apok,+ idinto ta sika, iti biangmo, ikabilmo ti panagtalekmo iti Egipto maipaay kadagiti karuahe ken maipaay kadagiti kumakabalio?+ 10  Ket ita awan aya ti pammalubos manipud ken Jehova a simmang-atak maibusor iti daytoy a daga tapno dadaelek? Kinuna kaniak ni Jehova a mismo,+ ‘Sumang-atka a maibusor iti daytoy a daga, ket masapul a dadaelem.’”+ 11  Gapu itoy da Eliakim+ ken Sebna+ ken Joa+ kinunada ken Rabsaque:+ “Agsaoka, pangngaasim, kadagiti adipenmo iti pagsasao ti Siria,+ ta maawatanmi; ket dika agsao kadakami iti pagsasao dagiti Judio+ kadagiti lapayag dagiti umili nga adda iti pader.”+ 12  Ngem kinuna ni Rabsaque: “Ni aya apom ken sika ti nangibaonan kaniak ni apok tapno sawek dagitoy a sasao? Saan aya a kadagiti lallaki a situtugaw iti rabaw ti pader, tapno kanenda ti bukodda nga ibleng ken inumenda ti bukodda nga isbo a kaduadakayo?”+ 13  Ket intuloy ni Rabsaque ti agtakder+ ken agpukkaw iti natbag a timek iti pagsasao dagiti Judio,+ ket kinunana: “Denggenyo ti sasao ti naindaklan nga ari, ti ari ti Asiria.+ 14  Daytoy ti kinuna ti ari, ‘Dikay bay-an nga allilawennakayo ni Ezekias,+ ta saannakayo a kabaelan nga ispalen.+ 15  Ket dikay bay-an ni Ezekias a pagtalekennakayo ken Jehova,+ a kunkunana: “Di bumurong nga ispalennatayto ni Jehova.+ Daytoy a siudad saanto a maited iti ima ti ari ti Asiria.”+ 16  Dikay imdengan ni Ezekias, ta daytoy ti kinuna ti ari ti Asiria: “Sumukokayo kaniak+ ket rummuarkayo nga agturong kaniak ket mangankayo tunggal maysa manipud bukodna a puon ti ubas ken tunggal maysa manipud bukodna a kayo a higos+ ket uminumkayo tunggal maysa iti danum ti bukodna a pagurnongan ti danum,+ 17  agingga nga umayak ket pudno nga ipankayo iti maysa a daga a kas iti bukodyo a daga,+ maysa a daga ti bukbukel ken baro nga arak, maysa a daga ti tinapay ken dagiti kaubasan; 18  tapno saannakayo a maguyugoy ni Ezekias,+ a kunkunana, ‘Ni met laeng Jehova ispalennatayto.’ Ti kadi didios dagiti nasion naispalda tunggal maysa ti bukodna a daga manipud iti ima ti ari ti Asiria?+ 19  Sadino ti ayan ti didios ti Hamat+ ken ti Arpad?+ Sadino ti ayan ti didios ti Sefarvaim?+ Ket naispalda kadi ti Samaria manipud iti imak?+ 20  Siasino kadagiti amin a didios dagitoy a daga ti nakaispal iti dagada manipud iti imak+ tapno ispalento ni Jehova ti Jerusalem manipud iti imak?”’”+ 21  Ket nagtultuloyda nga agulimek ket saanda a sinungbatan iti maysa a sao,+ ta ti bilin idi ti ari ket, kunana: “Dikay sungbatan.”+ 22  Ngem ni Eliakim+ nga anak ni Hilkias, nga agay-aywan iti sangakabbalayan,+ ken ni Sebna+ a sekretario ken ni Joa+ nga anak ni Asaf nga agilislista immayda ken Ezekias a dagiti kawesda naray-ab,+ ket imbagada kenkuana dagiti sao ni Rabsaque.+

Footnotes