Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 33:1-24

33  Asika pay nga agag-agaw, a sika saanka a maag-agawan, ken sika a makilanglangen a sigugulib, nupay ti sabsabali saandaka a pinakilangenan a sigugulib!+ Apaman a naminggakan a kas maysa a manangagaw, maagawankanto.+ Apaman a naaramidmon ti pannakilangen a sigugulib, pakilangenandakanto a sigugulib.+  O Jehova, ipaayannakami iti parabur.+ Nanginanamakami kenka.+ Agbalinka a takiagmi+ tunggal bigat,+ wen, ti salakanmi iti tiempo ti rigat.+  Iti uni ti bellaak nagtalaw dagiti ili.+ Iti itatakdermo nawarawara dagiti nasion.+  Ket ti samsamyo+ pudno a maurnongto kas kadagiti ipes no panaguurnong, kas iti idadarundon dagiti pangen ti dudon a dumaruros maibusor iti maysa.+  Ni Jehova sigurado a maitan-okto,+ ta isu agtataeng iti kangatuan.+ Punnuennanto ti Sion iti kinahustisia ken kinalinteg.+  Ket ti kinamapagpiaran dagiti tiempom agbalinto a kinabaknang dagiti pannakaisalakan+—sirib ken pannakaammo,+ ti panagbuteng ken Jehova,+ nga isu ti gamengna.  Adtoy! Dagiti mismo a bannuarda imkisda iti kalsada; dagiti mismo a mensahero ti kappia+ agsangitdanto a sipapait.  Napaglangalang dagiti kangrunaan a kalsada;+ daydiay lumaslasat iti dana nagsardengen.+ Rinakrakna ti tulag;+ inab-abina dagiti siudad;+ saan a sipapanunot iti mortal a tao.+  Ti daga nagleddaang, naglaylay.+ Ti Libano naibabain;+ nagrunot dayta. Ti Saron+ nagbalin a kas iti desierto a tanap; ket ti Basan ken Carmelo iregregregda ti bulbulongda.+ 10  “Ita tumakderakto,”+ kuna ni Jehova, “ita itan-okkonto ti bagik;+ ita ipangatokto ti bagik.+ 11  Mangyinawkayo iti nagango a ruot;+ ipasngayyonto ti punget ti garami. Ti bukodyo nga espiritu, kas iti apuy,+ ibusennakayto.+ 12  Ket dagiti ili agbalindanto a kas kadagiti nagpuoran iti apug. Kas kadagiti sisiitan a napukan, mapagayebgebdanto babaen a mismo iti apuy.+ 13  Denggenyo, dakayo nga adda iti adayo, no ania ti masapul nga aramidek!+ Ket ammuenyo, dakayo nga adda iti asideg, ti kinamannakabalinko.+ 14  Idiay Sion nagalinggaget dagiti managbasol;+ ti panagtigerger ginammatanna dagiti apostata:+ ‘Siasino kadatayo ti makapagtaeng iti aniaman a tiempo iti mangalun-on nga apuy?+ Siasino kadatayo ti makapagtaeng iti aniaman a tiempo kadagiti napaut nga uram?’+ 15  “Adda maysa a magmagna iti agtultuloy a kinalinteg+ ken agsasao iti nalinteg,+ a pagkedkedanna ti nakillo a gunggona manipud kadagiti panagkusit,+ a mangiwagwagteng kadagiti imana tapno siwayawaya manipud panangpetpet iti pasuksok,+ a mangsulsullat iti lapayagna manipud panagimdeng iti panagibukbok iti dara, ken mangikidkidem kadagiti matana tapno saanna a makita ti dakes.+ 16  Isu daydiay agtaengto kadagiti mismo a kangatuan;+ ti natalged a kamangna isunto dagiti nabato a rangkis a lugar a narigat nga asitgan.+ Ti bukodna a tinapay sigurado a maitedto kenkuana;+ ti abastona a danum saanto nga agkurang.”+ 17  Ti maysa nga ari iti kinataerna isunto ti makita dagiti matam;+ makakitadanto iti daga iti adayo.+ 18  Ti bukodmo a puso agkomentonto iti nababa a timtimek+ maipapan iti nakaal-aliaw a banag: “Sadino ti ayan ti sekretario? Sadino ti ayan daydiay agbaybayad?+ Sadino ti ayan daydiay mangbilbilang kadagiti torre?”+ 19  Awanto ti makitam a nakuspag nga ili, maysa nga ili a nauneg unay ti pagsasaona tapno imdengan, nga addaan iti beddal a dila a dika maawatan.+ 20  Kitaem ti Sion,+ ti ili dagiti piestatayo!+ Dagiti bukodmo a mata makitadanto ti Jerusalem a di masingsinga a disso a pagyanan, maysa a tolda nga awanto ti asinoman a mangakas.+ Saanto a pulos mabag-ut dagiti pasokna, ket awanto kadagiti tali ti toldana ti mapugsat a magudua.+ 21  No di ket sadiay Daydiay Nadaeg,+ ni Jehova, maysanto a disso dagiti karayan+ maipaay kadatayo, dagiti nalawa a kanal. Iti dayta awanto ti mapan a bunggoy dagiti barko a magagaudan, ket awanto ti nadaeg a barko a lumasat iti dayta. 22  Ta ni Jehova isu ti Ukomtayo,+ ni Jehova isu ti Manangted-paglintegantayo,+ ni Jehova isu ti Aritayo;+ isu isalakannatayto.+ 23  Dagiti talim agbissayotdanto; ti paloda saandanto nga iggaman a nakatakder a sititibker; saanda a nangyukrad iti layag. Iti dayta a tiempo uray dagiti samsam a naruay masapul a mabingbingayto; dagidiay pilay mangaladanto iti dakkel a samsam.+ 24  Ket awanto ti agtataeng nga agkuna: “Masakitak.”+ Dagiti umili nga agnanaed iti daga isudanto dagidiay napakawan ti biddutda.+

Footnotes