Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 32:1-20

32  Adtoy! Maysa nga ari+ ti agturayto maipaay iti mismo a kinalinteg;+ ket no maipapan iti piprinsipe,+ agturaydanto kas piprinsipe maipaay iti mismo a kinahustisia.  Ket tunggal maysa agbalinto a kas paglemmengan a lugar manipud iti angin ken lugar a pakaitalimengan manipud iti natutudo a bagyo,+ kas barbaresbes ti danum iti awanan danum a pagilian,+ kas salinong ti maysa a nadagsen a napasdok a bato iti napaksuyan a daga.+  Ket ti matmata dagidiay makakita saanto a mapagkeppet, ket ti mismo a laplapayag dagidiay makangngeg mangipangagdanto.+  Ket ti met laeng puso dagiday darasudos unay utobennanto ti pannakaammo,+ ken uray ti dila dagiti beddal nakaal-alistonto nga agsao iti nalawag a bambanag.+  Daydiay nakuneng saanton a maawagan iti naparabur; ket no maipapan iti tao nga awanan prinsipio, saanto a makuna a natan-ok;+  agsipud ta daydiay met laeng nakuneng agsaonto iti kinakuneng laeng,+ ket ti mismo a pusona agaramidto iti makapasakit,+ tapno agaramid iti apostasia+ ken tapno agsao iti kinakaniwas maibusor ken Jehova, tapno ti kararua daydiay mabisin papanenna nga ongaong,+ ket uray daydiay mawaw papanenna nga awanan mainum.  No maipapan iti tao nga awanan prinsipio, dakes dagiti gamigamna;+ isu nangipaay iti pammatigmaan maipaay kadagiti aramid ti nalulok a kababalin,+ tapno marebba dagidiay naparigatan babaen kadagiti ulbod a sasao,+ uray no ti maysa a napanglaw sawenna ti umiso.  No maipapan iti daydiay naparabur, maipaay iti naparabur a bambanag nga isu nangipaay iti pammatigmaan; ket maikanunong ti naparabur a bambanag isu tumakderto.+  “Dakayo a babbai a nanam-ay, tumakderkayo, imdenganyo ti timekko!+ Dakayo a naliway a babbai, umimdengkayo iti saok! 10  Iti las-ud ti makatawen ken sumagmamano nga aldaw dakayo a naliway aglagawkayto,+ agsipud ta ti panagburas iti ubas nagngudonton ngem awanto ti dumteng a panagburas iti bunga.+ 11  Agpigergerkayo, dakayo a babbai a nanam-ay! Aglagawkayo, dakayo a naliway! Aguksobkayo ket aglamolamokayo, ket mangibarikeskayo iti tinakpil kadagiti lomo.+ 12  Danogenyo dagiti barukongyo iti panagun-unnoy+ gapu kadagiti matarigagayan a talon,+ gapu iti manangpataud-bunga a puon ti ubas. 13  Iti rabaw ti daga ti ilik tumpuar ti sisiit laeng, nasiit a babassit a kayo,+ ta addada kadagiti amin a balay ti panagrag-o, wen, ti kasta unay ti kinaragsakna nga ili.+ 14  Ta ti met laeng pagnaedan a torre nabaybay-an,+ ti mismo nga anabaab ti siudad napanawan; ti Ofel+ ken ti pagwanawanan nagbalinda a langalang a tay-ak, nga iti tiempo a di nakedngan pagragrag-oan dagiti sebra, ti pagaraban dagiti pangen; 15  agingga a maiparukpok kadatayo ti espiritu manipud iti ngato,+ ket ti let-ang agbalinton a minuyongan, ket ti met laeng minuyongan maibilang a kas pudpudno a bakir.+ 16  “Ket iti let-ang sigurado nga agtaengto ti hustisia, ket iti minuyongan agtaengto ti mismo a kinalinteg.+ 17  Ket ti aramid ti pudno a kinalinteg agbalinto a talna;+ ket ti panagserbi ti pudno a kinalinteg, kinaulimek ken kinatalged agingga iti tiempo a di nakedngan.+ 18  Ket ti ilik agnaedto iti natalna a disso a pagyanan ken kadagiti pagtaengan ti naan-anay a panagtalek ken kadagiti di masingsinga a lugar a paginanaan.+ 19  Ket sigurado nga aguraronto inton ti bakir marpuog+ ket ti siudad maipababa iti nababa unay a kasasaad.+ 20  “Naragsakkayo nga agimulmula iti bin-i iti igid ti amin a dandanum,+ a mangpappapagna iti saksaka ti toro ken ti asno.”+

Footnotes