Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 31:1-9

31  Asi pay dagidiay sumalsalog idiay Egipto maipaay iti tulong,+ dagidiay agkammatalek kadagiti kabalio laeng,+ ken agtalek kadagiti karuahe a pakigubat,+ agsipud ta nakaad-aduda, ken kadagiti kabalio a pakigubat, agsipud ta nabilegda unay, ngem saanda a kimmita iti Daydiay Santo ti Israel ken saanda a binirok ni Jehova a mismo.+  Ket isu masirib+ met ket iyegnanto ti makadidigra,+ ket saanna a binabawi ti bukodna a sasao;+ ket sigurado a tumakderto a bumusor iti balay dagiti managaramid iti dakes+ ken maibusor iti tulong kadagidiay agar-aramid iti makapasakit.+  Dagiti Egipcio, nupay kasta, naindagaanda a tattao,+ ket saanda a Dios; ket dagiti kabalioda lasag,+ ket saan nga espiritu. Ket ni met laeng Jehova iyunnatnanto ti imana, ket ti mangituktukon iti tulong maitibkolto, ket ti matultulongan mapasagto,+ ket aggigiddan nga agngudodanto amin.  Ta daytoy ti kinuna kaniak ni Jehova: “No kasano a ti leon aguga, uray ti burboran a bumaro a leon,+ iti rabaw ti inanupanna, no maayaban a maibusor iti dayta ti naan-anay a bilang dagiti pastor, ket agpapan pay iti timekda isu saanto a mapagkullayaw ken agpapan pay iti panagkakaribusoda isu saanto nga agrukob; iti isu met laeng a wagas sumalogto ni Jehova ti buybuyot tapno makigubat maigapu iti Bantay Sion ken maigapu iti turodna.+  Kas kadagiti tumatayab nga agtaytayab, ni Jehova ti buybuyot ikanawananto ti Jerusalem iti isu met laeng a wagas.+ Iti panangikanawa kenkuana, sigurado nga ispalennanto met.+ Iti panangiliklik kenkuana, paglibasennanto met.”  “Agsublikayo+ iti Daydiay immalsaan ti annak ti Israel iti napalalo.+  Ta iti dayta nga aldaw laksidendanto tunggal maysa dagiti awan kaes-eskanna a didiosna a pirak ken dagiti awanan pateg a didiosna a balitok,+ nga inaramid dagiti imayo maipaay kadakayo met laeng kas maysa a basol.+  Ket mapasagto ti Asirio babaen ti kampilan, saan nga iti kampilan ti maysa a tao; ket ti maysa a kampilan, saan a ti kampilan ti naindagaan a tao, ti mangalun-onto kenkuana.+ Ket isu agtalawto gapu iti kampilan, ket dagiti bukodna nga agtutubo a lallaki agpaaydanto iti mismo a pinuersa a panagtrabaho.  Ket ti bukodna a napasdok a bato aglabasto gapu iti bin-ig nga aliaw, ken gapu iti pagilasinan+ agkullayawto dagiti prinsipena,” kuna ni Jehova, a ti lawagna adda iti Sion ket ti urnona+ adda idiay Jerusalem.

Footnotes