Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 26:1-21

26  Iti dayta nga aldaw+ makantanto daytoy a kanta+ iti daga ti Juda:+ “Addaantayo iti nabileg a siudad.+ Isaadna ti mismo a pannakaisalakan nga agpaay a padpader ken baluarte.+  Luktanyo dagiti ruangan+ tapno makastrek ti nalinteg a nasion a mangsalsalimetmet iti matalek a kababalin.+  Ti pagannayasan a nasaranay a naimbag saluadamto iti agtultuloy a talna,+ agsipud ta kenka a mapagtalek ti maysa.+  Agtalekkayo ken Jehova+ iti amin a tiempo, ta ken Jah Jehova adda ti Bato+ kadagiti tiempo a di nakedngan.  “Ta imbabana dagidiay agnanaed iti nangato,+ ti napangato nga ili.+ Ipababana dayta, ipababana agingga iti daga; idekketna iti tapok.+  Ipayatpayatto dayta ti saka, ti saksaka daydiay naparigatan, dagiti addang dagidiay nanumo.”+  Ti dana daydiay nalinteg ket kinapalungdo.+ Sika yantangay napalungdoka, palanasemto ti mismo a turongen daydiay nalinteg.+  Wen, maipaay iti dana dagiti panangukommo, O Jehova, nanginanamakami kenka.+ Ti naganmo ken ti pakalaglagipam+ isu ti tarigagay ti kararua.+  Buyogen ti kararuak tinarigagayanka iti rabii;+ wen, buyogen ti espirituk nga adda iti unegko sapsapulenka;+ agsipud ta, no adda dagiti panangukom manipud kenka maipaay iti daga,+ ti kinalinteg+ isu ti sigurado a masursuronto dagiti agnanaed iti nabunga a daga.+ 10  Uray no daydiay nadangkes maipakitaan koma iti pabor, saannanto latta a masursuro ti kinalinteg.+ Iti daga ti kinaumiso isu agtignayto a di nainkalintegan+ ket saannanto a makita ti kinatan-ok ni Jehova.+ 11  O Jehova, ti imam ngimmato,+ ngem saanda a makita dayta.+ Makitadanto ket mabainanda+ iti regta nga agpaay iti ilim. Wen, ti met laeng apuy+ nga agpaay kadagiti mismo a kabusormo ibusennanto ida. 12  O Jehova, ikeddengmonto ti talna kadakami,+ agsipud ta uray dagiti amin nga aramidmi inaramidmo a maipaay kadakami.+ 13  O Jehova a Diosmi, ti dadduma nga appo malaksid kenka nagakemda kas makinkukua kadakami.+ Babaen kenka laeng a dakamatenminto ti naganmo.+ 14  Natayda; saandanto nga agbiag.+ Inutil ken patay,+ saandanto a bumangon.+ Gapuna inturongmo ti asikasom tapno matalipuposmo ida ket dadaelem ti isuamin a pannakadakamat kadakuada.+ 15  Ninayonam ti nasion; O Jehova, ninayonam ti nasion;+ pinadayagmo ta bagim.+ Pinalawam amin dagiti ketegan ti daga.+ 16  O Jehova, bayat ti rigat inturongda ti asikasoda kenka;+ nangibukbokda iti arasaas a kararag idi disdisiplinaem ida.+ 17  No kasano a ti masikog a babai umasideg iti panagpasngayna, addaan kadagiti panagpasikal, umkis gapu iti ut-ot iti panaganakna, kasta ti nagbalinanmi gapu kenka, O Jehova.+ 18  Nagsikogkami, naaddaankami kadagiti panagpasikal;+ no ar-arigen, nagpasngaykami iti angin. Awan ti maibanagmi a pudpudno a panangisalakan no maipapan iti daga,+ ket awan dagiti agnanaed a maipaay iti nabunga a daga ti umapay iti pannakayanak.+ 19  “Dagidiay minataymo agbiagdanto.+ Ti bangkay a kukuak—bumangondanto.+ Agriingkayo ken agdir-ikayo a sirarag-o, dakayo nga agtataeng iti tapok!+ Ta ti linnaawyo+ kas iti linnaaw dagiti malba,+ ket ti met laeng daga bay-annanto a dumteng iti pannakayanak uray dagidiay inutil ken patay.+ 20  “Mapanka, ilik, sumrekka kadagiti makin-uneg a siledmo, ket irikepmo dagiti ruanganmo iti likudam.+ Aglemmengka iti apagkanito laeng agingga a lumabas ti panangkondenar.+ 21  Ta, adtoy! ni Jehova rumrummuar manipud iti lugarna tapno isingirna kenkuana ti biddut ti agnanaed iti daga,+ ket ti daga pudno unay nga ipanayagnanto ti panagibukbokna iti dara+ ket saannanton nga abbongan dagidiay napapatay a tattaona.”+

Footnotes