Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 23:1-18

23  Ti pammakdaar iti Tiro:+ Aganug-ogkayo, dakayo a barko ti Tarsis!+ ta naagawan dayta manipud panagbalin a maysa a sasangladan, manipud panagbalin a disso a serkan.+ Manipud iti daga ti Kittim+ naipanayag dayta kadakuada.  Agulimekkayo, dakayo nga agnanaed iti daga iti igid ti baybay. Dagiti komersiante a naggapu iti Sidon,+ dagidiay bumalballasiw iti baybay—pinunnodaka.  Ket iti adu a danum adda idi ti bin-i ti Sihor,+ ti ani ti Nilo, ti sapulna; ket nagbalin a ganansia dagiti nasion.+  Mabainanka, O Sidon;+ agsipud ta ti baybay, O sika a salindeg ti baybay, kinunana: “Saanak a naaddaan kadagiti panagpasikal, ket saanak a nakapagpasngay, saanak met a nangpatanor kadagiti agtutubo a lallaki, nangpadakkel kadagiti birhen.”+  Kas iti napasamak gapu iti damag maipapan iti Egipto,+ dagiti tattao agrigatdanto met iti nakaro gapu iti damag ti Tiro.+  Bumallasiwkayo nga agturong iti Tarsis; aganug-ogkayo, dakayo nga agnanaed iti daga iti igid ti baybay.  Daytoy kadi ti siudadyo a narag-o manipud iti al-aldaw ti nabayagen a tiempo, manipud kadagiti immuna a tiempona? Isu iturturong idi dagiti sakana iti adayo tapno agtaeng kas ganggannaet.  Siasino ti nangipaay iti daytoy a pammatigmaan+ a maibusor iti Tiro, ti manangted kadagiti korona, a dagiti komersiantena ket piprinsipe, a dagiti agtagtagilakona isuda dagidiay nadayaw iti daga?+  Ni met laeng Jehova ti buybuyot impaayna daytoy a pammatigmaan,+ tapno umsienna ti pagpannakkel ti isuamin a pintas,+ tapno laisenna amin dagidiay nadayaw iti daga.+ 10  Ballasiwem ti dagam a kas iti Karayan Nilo, O anak a babai ti Tarsis.+ Awanen ti pagaramidan iti barko.+ 11  Ti imana inyunnatna iti baybay; dinayyegna ti pagpagarian.+ Ni met laeng Jehova nangited iti bilin a maibusor iti Fenicia, a pukawenna dagiti salindegna.+ 12  Ket kunaenna: “Dika pulos agrag-on,+ O nairurumen, ti birhen nga anak a babai ti Sidon.+ Tumakderka, bumallasiwka nga agturong idiay mismo a Kittim.+ Uray sadiay saanto a makapainana kenka.” 13  Adtoy! Ti daga dagiti Caldeo.+ Daytoy ti ili—saan idi a ti Asiria+—imbangonda a maipaay kadagiti agay-ayuyang iti desierto.+ Impatakderda dagiti torreda a panglakub;+ binakasanda a pinaglamolamo dagiti pagnanaedan a torrena;+ isu insaad ti maysa kas marmargaay a rebba.+ 14  Aganug-ogkayo, dakayo a barko ti Tarsis, ta naagawan+ ti salindegyo. 15  Ket mapasamakto iti dayta nga aldaw a ti Tiro malipatanto iti pitopulo a tawen,+ kas met laeng iti al-aldaw ti maysa nga ari. Iti ngudo ti pitopulo a tawen mapasamakto iti Tiro ti kas iti kanta ti maysa a balangkantis: 16  “Mangalaka iti arpa, likmutem ti siudad, O balangkantis a nalipatan.+ Aramidem ti amin a kabaelam iti panagtokar kadagiti kuerdas; paaduem dagiti kantam, tapno iti kasta malaglagipka koma.” 17  Ket mapasamakto iti ngudo ti pitopulo a tawen a ni Jehova iturongnanto ti asikasona iti Tiro, ket isu agsublinto iti abangna+ ket agbalangkantis iti amin a pagpagarian ti daga iti rabaw ti daga.+ 18  Ket ti ganansiana ken ti abangna+ agbalinto a banag a nasantuan ken Jehova. Saanto a maidulin, wenno uray maurnong, agsipud ta ti abangna agpaayto kadagidiay agnanaed iti sanguanan ni Jehova,+ maipaay a kanen agingga a mapnek ken maipaay a nangayed nga abbong.+

Footnotes