Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 21:1-17

21  Ti pammakdaar maibusor iti let-ang ti baybay:+ Kas kadagiti bagyo nga angin+ iti abagatan nga agtultuloy nga umas-asideg, manipud iti let-ang um-umay dayta, manipud iti nakaam-amak a daga.+  Adda narikut a sirmata+ a naibaga kaniak: Ti nagulib ti pannakilangenna makilanglangen a sigugulib, ket ti manangagaw mangag-agaw.+ Sumang-atka, O Elam! Manglakubka, O Media!+ Isuamin a panagsennaay gapu kenkuana pinasardengko.+  Dayta ti makagapu a dagiti padingpadingko napnoda kadagiti nakaro nga ut-ot.+ Dagiti met laeng panagkuyegyeg ginammatandak, kas kadagiti panagkuyegyeg ti babai nga agpaspasngay.+ Naglagawak iti kasta saanak a makangngeg; nariribukanak iti kasta saanak a makakita.  Ti pusok nagallaalla; ti met laeng panagpigerger pinagkullayawnak. Ti apagriwet a nagraywak napagbalin a pagpigergerak.+  Adda koma naurnos a panangidasar iti lamisaan, panangurnos iti lugar dagiti tugaw, pannangan, panaginum!+ Tumakderkayo, dakayo a piprinsipe,+ sapsapuanyo ti kalasag.+  Ta daytoy ti kinuna kaniak ni Jehova: “Mapanka, mangisaadka iti agsiput tapno ibagana koma no ania a mismo ti makitana.”+  Ket nakakita iti pakigubat a karuahe nga addaan maysa a paris dagiti kabalio a pakigubat, maysa a pakigubat a karuahe dagiti asno, maysa a pakigubat a karuahe dagiti kamelio. Ket isu nangipaay iti nainget nga asikaso, buyogen ti kasta unay a panangikaskaso.  Ket nagpukkaw a kas iti leon:+ “Iti rabaw ti pagwanawanan, O Jehova, sitatakderak a patinayon iti aldaw, ken iti amin a rabii sisasaadak iti pagguardiaak.+  Ket adtoy, ita, adda um-umay a pakigubat a karuahe dagiti lallaki, nga addaan maysa a paris dagiti kabalio a pakigubat!”+ Ket isu nangrugi nga agsao ken agkuna: “Narban! Ti Babilonia narban,+ ket amin dagiti kinitikitan a ladawan ti didiosna binurakna a naipadaga!”+ 10  O dagidiay nairik a kukuak ken ti anak ti pagirikak,+ ti nangngegko ken Jehova ti buybuyot, ti Dios ti Israel, impadamagko kadakayo. 11  Ti pammakdaar maibusor iti Duma: Adda maysa nga agpukpukkaw kaniak manipud Seir:+ “Managwanawan, ania ti kasasaad ti rabii? Managwanawan, ania ti kasasaad ti rabii?”+ 12  Ti managwanawan kinunana: “Ti bigat umayto, ken kasta met ti rabii. No agimtuodkayo, agimtuodkayo. Umaykayo manen!” 13  Ti pammakdaar maibusor iti desierto a tanap: Iti bakir iti desierto a tanap busbosenyonto ti rabii, O sangkakuyogan a managbiahe a lallaki ti Dedan.+ 14  Iti panangsabetyo iti daydiay mawaw mangyegkayo iti danum. O dakayo nga agnanaed iti daga ti Tema,+ daydiay agtaltalaw sabtenyo nga addaan tinapay nga agpaay kenkuana. 15  Ta gapu kadagiti kampilan nagtalawda, gapu iti kampilan a naasut, ken gapu iti bai a naballok ken gapu iti kinakaro ti gubat. 16  Ta daytoy ti kinuna kaniak ni Jehova: “Iti las-ud pay ti makatawen, maitunos kadagiti tawen ti maysa a patangtangdanan a trabahador,+ isuamin a dayag ti Quedar+ dumtengto a mismo iti panagngudona. 17  Ket dagidiay nabatbati iti bilang dagiti pumapana a lallaki, dagiti nabileg a lallaki iti annak ni Quedar, bumassitdanto,+ ta ni met laeng Jehova, ti Dios ti Israel, sinaona dayta.”+

Footnotes