Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 2:1-22

2  Ti banag a nasirmata ni Isaias nga anak ni Amoz maipapan iti Juda ken Jerusalem:+  Ket mapasamakto iti kamaudianan a paset dagiti aldaw+ a ti bantay ti balay ni Jehova+ sititibkerto ti pannakaipasdekna a nangatngato ngem iti tapaw ti bambantay,+ ket sigurado a maipangatonto iti ngatuen dagiti turod;+ ket amin dagiti nasion agayusdanto nga agturong iti dayta.+  Ket pudno unay a mapanto ti adu nga ili ket kunaenda: “Umaykayo,+ ket sumang-attayo iti bantay ni Jehova, iti balay ti Dios ni Jacob; ket isuronatayto maipapan kadagiti dalanna, ket magnatayto kadagiti danana.”+ Ta manipud iti Sion rummuarto ti linteg, ken ti sao ni Jehova manipud Jerusalem.+  Ket pudno unay a mangukomto iti tengnga dagiti nasion+ ket ilintegna ti bambanag+ maipapan iti adu nga ili.+ Ket pitpitendanto dagiti kampilanda a pagbalinen a subsob ti arado ken dagiti pikada a pagbalinen a pangarbas a getgetteng.+ Ti nasion saanto a mangitag-ay iti kampilan maibusor iti nasion, saandanto met a sursuruenen ti pannakigubat.+  O tattao iti balay ni Jacob, umaykayo ket magnatayo iti lawag ni Jehova.+  Ta binaybay-am ti ilim, ti balay ni Jacob.+ Ta napnoda iti naggapu iti Daya,+ ken managsalamangkada+ kas kadagiti Filisteo, ket aduanda iti annak dagiti ganggannaet.+  Ket ti dagada napno iti pirak ken balitok, ket saan a nakedngan dagiti gamengda.+ Ket ti dagada napno kadagiti kabalio, ket saan a nakedngan dagiti karuaheda.+  Ket ti dagada napno iti awanan pateg a didios.+ Iti aramid ti im-ima ti maysa agruknoyda, iti daydiay inaramid ti ramramayna.+  Ket ti naindagaan a tao agrukob, ket ti tao agbalin a nababa, ket saanmo a mabalin a pakawanen ida.+ 10  Sumrekka iti bato ket aglemmengka iti tapok gapu iti kinanakaal-alinggaget ni Jehova, ken manipud iti nangayed a kinatan-okna.+ 11  Dagiti natangsit a mata ti naindagaan a tao agbalinto a nababa, ket ti kinangato dagiti tattao agrukobto;+ ket ni Jehova laeng ti maitan-okto iti dayta nga aldaw.+ 12  Ta dayta ti aldaw a kukua ni Jehova ti buybuyot.+ Dumteng dayta iti tunggal maysa a nangitan-ok iti bagbagina ken napangato ken iti tunggal maysa a naipangato wenno nababa;+ 13  ken kadagiti amin a sedro ti Libano+ isuda a natan-ok ken naipangato ken kadagiti amin a nakarangrangpaya a kayo ti Basan;+ 14  ken kadagiti amin a natayag a bantay ken kadagiti amin a turod a naipangato;+ 15  ken iti tunggal nangato a torre ken iti tunggal nasarikedkedan a pader;+ 16  ken kadagiti amin a barko ti Tarsis+ ken kadagiti amin a matarigagayan a barangay. 17  Ket ti kinatangsit ti naindagaan a tao agrukobto, ket ti kinangato dagiti tattao agbalinto a nababa;+ ket ni Jehova laeng ti maitan-okto iti dayta nga aldaw.+ 18  Ket dagiti met laeng awanan pateg a didios aglabasdanto a naan-anay.+ 19  Ket dagiti tattao sumrekdanto kadagiti rukib ti batbato ken kadagiti abut ti tapok gapu iti kinanakaal-alinggaget ni Jehova ken manipud iti nangayed a kinatan-okna,+ inton tumakder tapno ti daga agkuyegyeg.+ 20  Iti dayta nga aldaw ti naindagaan a tao ipalladawnanto kadagiti marabutit ken kadagiti panniki dagiti awanan pateg a didiosna a pirak ken dagiti awanan pateg a didiosna a balitok nga inaramidda a pagruknoyanna,+ 21  tapno sumrek kadagiti abut iti batbato ken kadagiti lengngan ti napasdok a bato, gapu iti kinanakaal-alinggaget ni Jehova ken manipud iti nangayed a kinatan-okna,+ inton tumakder tapno ti daga agkuyegyeg. 22  Maipagapu kadakayo, umadayokayo iti naindagaan a tao, a ti angesna adda kadagiti abut ti agongna,+ ta ania ti pangibatayan nga isu maipateg?+

Footnotes