Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 17:1-14

17  Ti pammakdaar maibusor iti Damasco:+ “Adtoy! Ti Damasco naikkat iti kinasiudadna, ket nagbalinen a maysa a bunton, maysa a marmargaay a rebba.+  Dagiti siudad ti Aroer+ a napanawan agbalinda laeng a luglugar a maipaay kadagiti pangen, a sadiay pudno nga agiddada, nga awan asinoman a mamagpigerger kadakuada.+  Ket ti nasarikedkedan a siudad napagpukaw manipud iti Efraim,+ ken ti pagarian manipud iti Damasco;+ ket dagidiay a nabatbati iti Siria agbalindanto a kas iti dayag ti annak ti Israel,” kuna ni Jehova ti buybuyot.+  “Ket mapasamakto iti dayta nga aldaw a ti dayag ni Jacob agbalinto a nanumo,+ ken uray ti kinalukmeg ti lasagna mapalagpitto.+  Ket mapasamakto nga inton ti agan-ani um-ummongenna ti nakatakder a binukel ket ti bukodna a takiag anienna dagiti dawa ti bukel,+ isu agbalinto a mismo a kas iti daydiay agad-adas kadagiti dawa ti bukel iti nababa a tanap ti Refaim.+  Ket masapul nga adda mabati iti dayta nga adasen a kasla no adda panangapras iti kayo nga olibo: dua wenno tallo a naluom nga olibo iti murdong ti sanga; uppat wenno lima iti kangrunaan a sanga a manangpataud-bunga iti dayta,” kuna ni Jehova a Dios ti Israel.+  Iti dayta nga aldaw tumangadto ti naindagaan a tao iti Nangaramid kenkuana, ket dagiti bukodna a mata matmatandanto Daydiay Santo ti Israel.+  Ket isu saanto a kumita kadagiti altar,+ ti aramid dagiti imana;+ ket ti inaramid dagiti ramayna saannanto a matmatan, uray dagiti sagrado a teddek wenno dagiti pagsaadan ti insienso.+  Iti dayta nga aldaw agbalinto dagiti sarikedked a siudadna a kas iti lugar a naan-anay a nabaybay-an iti kakaykaywan, uray ti sanga a pinanawanda a naan-anay maigapu iti annak ti Israel; ket agbalinto a langalang a rebbek.+ 10  Ta linipatam+ ti Dios ti pannakaisalakanmo;+ ket ti Bato+ ti sarikedkedmo saanmo a linagip. Dayta ti makagapu nga agmulaka kadagiti makaay-ayo a pagmulaan, ket babaen ti saringit ti maysa a ganggannaet ipasdekmo dayta. 11  Iti aldaw mabalin nga aladam a siaannad ti aglawlaw ti pagmulaam, ket iti bigat mabalin a pagtubuem ti bin-im, ngem ti panagani sigurado a pumanawto iti aldaw ti sagubanit ken ut-ot a di maagasan.+ 12  Ha maipaay iti panaggugulo ti adu nga il-ili, a naariwawa a kas iti kinaariwawa dagiti baybay! Ken maipaay iti daranudor dagiti nasional a bunggoy, a mamataud iti aweng a kas iti daranudor ti mannakabalin a dandanum!+ 13  Dagiti met laeng nasional a bunggoy+ mamatauddanto iti aweng a kas iti daranudor ti adu a danum. Ket Isu sigurado a babalawennanto dayta,+ ket masapul a pumanaw nga umadayo ket maabug a kas iti taep ti bambantay iti sanguanan ti angin ken kas iti agal-alipuno a siit iti sanguanan ti bagyo nga angin.+ 14  Iti tiempo ti rabii, ay ket, adtoy! adda kellaat a panagaligaget. Sakbay ti bigat—awanen dayta.+ Daytoy ti binglay dagidiay mangkamkamkam kadatayo, ken ti bingay a kukua dagidiay mangsamsamsam kadatayo.+

Footnotes