Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 16:1-14

16  Mangipatulodkayo iti kalakian a karnero iti agturay ti daga,+ manipud Sela nga agturong iti let-ang, iti bantay ti anak a babai ti Sion.+  Ket mapasamakto a kas iti maysa a pumampanaw a nagpayak a parsua, a naabug manipud iti umokna,+ ti pagbalinanto ti annak a babbai ti Moab kadagiti pagballasiwan ti Arnon.+  “Mangyegkayo iti pammatigmaan, ipakatyo ti pangngeddeng.+ “Pagbalinem ti anniniwanmo a kas iti rabii iti tengnga ti agmatuon.+ Italimengmo dagidiay naiwarawara;+ dika liputan ti asinoman nga agtaltalaw.+  Dagidiay naiwarawara a kukuak agtaengda koma a mismo kenka kas ganggannaet, O Moab.+ Agbalinka a lugar a paglemmengan kadakuada gapu iti manangagaw.+ Ta ti manangirurumen nagtengannan ti panungpalanna; ti panangagaw naggibusen; dagidiay mangipayatpayat iti sabsabali naikisapdan iti daga.+  “Ket iti naayat a kinamanangngaasi sigurado a maipasdekto a sititibker ti maysa a trono;+ ket ti maysa agtugawto iti dayta iti kinapudno iti tolda ni David,+ a mangukom ken mangsapul iti kinahustisia ken nasiglat iti kinalinteg.”+  Nangngegmi maipapan iti panagpannakkel ti Moab, nga isu napannakkel unay;+ ti kinatangsitna ken ti panagpannakkelna ken ti rungsotna+—ti ubbaw a saona saanto nga agbalin a kasta.+  Gapuna ti Moab aganug-ogto maipaay iti Moab; intero a mismo dayta ket aganug-ogto.+ Maipaay kadagiti bibingka a pasas ti Kir-hareset+ pudno nga agasugto dagidiay nakabil,  agsipud ta timmikag dagiti mismo a natukantukad a talon ti Hesbon.+ Ti puon ti ubas ti Sibma+—dagiti met laeng makinkukua kadagiti nasion sinip-akda ti narangrang a nalabaga a sangsangana. Nakagtengda agingga idiay Jazer;+ nagallaallada idiay let-ang. Dagiti bukodna a saringit nabaybay-anda a bumaludbod a mismo; dimmanonda agingga iti baybay.  Dayta ti makagapu nga agsangitakto iti panagsangit ni Jazer gapu iti puon ti ubas ti Sibma.+ Babaen iti luluak sellepenkanto, O Hesbon+ ken Eleale,+ agsipud ta ti panagdir-i immapayen uray iti kalgawmo ken iti panaganim.+ 10  Ket ti panagrag-o ken kinaragsak naipanawda iti minuyongan; ket kadagiti kaubasan awan narag-o a panagikkis, awan naaramid a panagdir-i.+ Awan arak kadagiti pagpespesan a baddeken ti agibadbaddek.+ Ti panagdir-i pinasardengko.+ 11  Dayta ti makagapu a dagiti mismo a makin-unegko naariwawada a kas iti arpa gapu a mismo iti Moab,+ ken ti adda iti tengngak gapu iti Kir-hareset.+ 12  Ket napasamak a nakita a ti Moab napakil iti rabaw ti nangato a disso;+ ket immay iti santuariona tapno agkararag,+ ket saanna a maibanag ti aniaman.+ 13  Daytoy ti sao a sinao ni Jehova maipapan iti Moab idi unana. 14  Ket ita nagsao ni Jehova, a kunkunana: “Iti las-ud ti tallo a tawen, sigun kadagiti tawen ti patangtangdanan a trabahador,+ ti dayag+ ti Moab masapul met a maibabain buyogen ti tunggal kita ti adu a pannakariribuk, ket dagidiay a nabatbati bassitto unay, saan a mannakabalin.”+

Footnotes