Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 15:1-9

15  Ti pammakdaar maibusor iti Moab:+ Agsipud ta iti rabii naagawan dayta, ti met laeng Ar+ ti Moab napagulimek. Agsipud ta iti rabii naagawan dayta, ti met laeng Kir+ ti Moab napagulimek.  Isu simmang-at iti Balay ken iti Dibon,+ kadagiti nangato a disso, nga agturong iti panagsangit. Gapu iti Nebo+ ken gapu iti Medeba+ aganug-og a mismo ti Moab. Iti amin nga ulo nga adda iti dayta adda panagkalbo;+ tunggal barbas naputdan.  Kadagiti kalsadana nagbarikesda iti tinakpil.+ Iti rabaw dagiti atep+ iti dayta ken kadagiti publiko a plasa iti dayta tunggal maysa iti dayta agan-anug-og, sumalsalog nga agsangsangit.+  Ket ti Hesbon ken Eleale+ umkisda. Agingga idiay Jahaz+ nangngegan ti timekda. Dayta ti makagapu nga agpukpukkaw dagiti mismo nga armado a lallaki ti Moab. Ti mismo a kararuana nagtayegteg iti unegna.  Ti bukodko a puso umkis gapu iti Moab a mismo.+ Dagiti nagtalaw iti dayta dumanonda agingga iti Zoar+ ken Eglat-selisiya.+ Ta iti sasang-atan ti Luhit+—tunggal maysa sumang-at iti dayta buyogen ti panagsangit; ta iti dalan nga agturong iti Horonaim+ ginutugotda ti panagikkis maipapan iti didigra.  Ta ti mismo a dandanum ti Nimrim+ agbalin a bin-ig a langlangalang. Ta ti berde a ruot nagango, ti ruot nagngudo; awan limmangto.+  Dayta ti makagapu a dagiti natedda ken ti naipempen a sanikuada a naurnongda, ip-ipanda ida iti mismo a ballasiw ti naapres a ginget dagiti alamo.  Ta ti ikkis naglikmulikmut iti teritoria ti Moab.+ Ti panaganug-og iti dayta ket agingga idiay Eglaim; ti panaganug-og iti dayta ket agingga idiay Beer-elim,  agsipud ta ti mismo a dandanum ti Dimon napnoda iti dara. Ta iti Dimon mangikabilakto ti kanayonan a bambanag, a kas iti leon maipaay kadagiti makatalaw iti Moab a makalibas ken maipaay kadagidiay nabatbati iti daga.+

Footnotes