Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 14:1-32

14  Ta ni Jehova mangipakitanto iti asi ken Jacob,+ ket sigurado pay laeng a pilienna ti Israel;+ ket pudno nga ipaayannanto ida iti inana iti dagada,+ ket ti ganggannaet nga agnanaed masapul a maitipon kadakuada, ket isinggalutda ti bagbagida iti balay ni Jacob.+  Ket dagiti ili pudno nga alaendanto ida ket ipanda ida iti bukodda a lugar, ket ikutanto ida ti balay ti Israel kas sanikua iti daga ni Jehova kas ad-adipen a lallaki ken kas ad-adipen a babbai;+ ket agbalindanto a manangkautibo+ kadagidiay mangtengtengngel kadakuada kas kautibo, ket pagpasakupenda dagidiay mangdagdagdag kadakuada nga agtrabaho.+  Ket mapasamakto iti aldaw inton ni Jehova ipaayannaka iti inana manipud iti rigatmo ken manipud iti pannakariribukmo ken manipud iti narigat a pannakaadipen nga iti dayta napagbalinka nga adipen,+  a masapul nga ibangonmo daytoy a pagkukuna a proverbio maibusor iti ari ti Babilonia ket kunaem: “Anian a panagsardeng daydiay mangdagdagdag kadagiti dadduma nga agtrabaho, nagsardeng ti panangirurumen!+  Ni Jehova tinukkolna ti pagbaut dagidiay nadangkes, ti sarukod dagidiay agtuturay,+  daydiay nga iti rungsotna kabilenna dagiti ili babaen iti saplit a di agressat,+ daydiay mangparparukma kadagiti nasion iti bin-ig nga unget babaen iti panangidadanes nga awanan panagmedmed.+  Ti intero a daga naginana,+ awananen iti pannakasinga. Dagiti tattao naay-ayatanda unay buyogen dagiti narag-o nga ikkis.+  Uray dagiti kayo a parwa+ nagrag-oda met kenka, dagiti sedro ti Libano, a kunkunada, ‘Nanipud pay naituangka, awan ti agtagtaga iti kayo+ a sumang-at a bumusor kadakami.’  “Uray ti Sheol+ iti baba nadayyeg gapu kenka tapno sumabet kenka iti iseserrekmo. Gapu kenka riniingna dagidiay inutil ken patay,+ amin dagiti marakalding a panguluen+ ti daga. Amin nga ar-ari dagiti nasion pinatakderna manipud kadagiti tronoda.+ 10  Isuda amin agsaoda ket kunaenda kenka, ‘Sika napagkapuyka kadi met a kas kadakami?+ Dakami kadi ti nakayaspingam?+ 11  Ti pagpannakkelmo naipababa iti Sheol, ti aweng dagiti pagtokarmo nga adda kuerdasna.+ Iti sirokmo, dagiti sur-it naisimpada a kas maysa a sopa; ket ti abbongmo ig-igges.’+ 12  “O anian a pannakatinnagmo manipud langit,+ sika nga agsilsilnag, anak ti bannawag! Anian a pannakaputedmo a naipadaga,+ sika a mangpakpakapuy kadagiti nasion!+ 13  No maipapan kenka, kinunam iti pusom, ‘Iti langlangit agpangatoakto.+ Iti ngatuen dagiti bituen+ ti Dios ingatokto ti tronok,+ ket agtugawakto iti rabaw ti bantay ti gimong,+ kadagiti kaadaywan a paset ti amianan.+ 14  Agpangatoakto iti ngatuen dagiti nangato a disso ti ul-ulep;+ pagbalinekto ti bagik a kaarngi ti Kangatuan.’+ 15  “Nupay kasta, maipababakanto iti Sheol,+ iti kauunegan a paspaset ti abut.+ 16  Dagidiay makakita kenka matmatandakanto a mismo; siiinget a sukimatendakanto a mismo, a kunkunada, ‘Daytoy kadi ti lalaki a nangdaydayyeg iti daga, a nangyugyugyog kadagiti pagarian,+ 17  a namagbalin iti nabunga a daga a kas iti let-ang ken nangduprak kadagiti mismo a siudadna,+ a saan a nanglukat iti dalan nga agawid maipaay a mismo kadagiti baludna?’+ 18  Amin dagiti dadduma nga ar-ari ti nasnasion, wen, isuda amin, nagiddadan iti dayag, tunggal maysa iti bukodna a balay.+ 19  Ngem no maipapan kenka, naipalladawka nga awan lugar a pagitabonan nga agpaay kenka,+ kas iti karimon a tarubong, a nakawesan kadagiti napapatay a lallaki a nasugat iti kampilan isuda a bumabbaba kadagiti bato ti maysa nga abut,+ kas iti bangkay a naibaddebaddek.+ 20  Saankanto a maikaykaysa kadakuada iti tanem, agsipud ta dinadaelmo ti bukodmo a daga, pinapataymo ti bukodmo nga ili. Agingga iti tiempo a di nakedngan saanto a mainaganan ti kaputotan dagiti managaramid iti dakes.+ 21  “Mangisaganakayo iti paggudasan kadagiti bukodna nga annak gapu iti biddut dagidi ammada,+ tapno saanda koma a tumakder ket pudno a tagikuaenda ti daga ket punnuenda ti rabaw ti nabunga a daga kadagiti siudad.”+ 22  “Ket tumakderakto a bumusor kadakuada,”+ kuna ni Jehova ti buybuyot. “Ket gessatekto iti Babilonia ti nagan+ ken natda ken annak ken putputot,”+ kuna ni Jehova. 23  “Ket isu pagbalinekto a kukua dagiti anaping ken dagiti naruno a ban-aw ti danum, ket isu sagadekto iti kaykay ti pannakatalipupos,”+ kuna ni Jehova ti buybuyot. 24  Ni Jehova ti buybuyot insapatana,+ a kunkunana: “Sigurado a kas iti imbalabalak, kasta ti mapasamakto; ken kas iti impatigmaanko, dayta ti pumudnonto,+ 25  tapno burakek ti Asirio iti dagak+ ken tapno isu maibaddebaddekko kadagiti bukodko a bantay;+ ken tapno ti sangolna pudno a maikkat iti rabawda ken tapno ti mismo nga awitna maikkat iti abagada.”+ 26  Daytoy ti pammatigmaan a naipatigmaan maibusor iti intero a daga, ket daytoy ti ima a nayunnat maibusor iti amin a nasnasion. 27  Ta ni met laeng Jehova ti buybuyot impatigmaanna,+ ket siasino ti makadadael iti dayta?+ Ket ti imana isu daydiay nayunnat, ket siasino ti makaibaw-ing iti dayta?+ 28  Idi tawen a natay ni Ari Acaz+ dimteng daytoy a pammakdaar: 29  “Dika agrag-o,+ O Filistia,+ asinoman kenka, gapu laeng ta natukkol ti sarukod daydiay mangkabkabil kenka.+ Ta manipud iti ramut ti serpiente+ addanto rummuar a nagita nga uleg,+ ket ti bungana maysanto nga umap-apuy nga uleg a sumsumiag.+ 30  Ket dagiti inauna dagidiay nanumo pudno unay nga agtaraondanto, ket dagidiay napanglaw agiddadanto a sitatalged.+ Ket babaen ti nakaro a bisin papatayekto ti ramutmo, ket ti matedda kenka mapapatayto.+ 31  Aganug-ogka, O ruangan! Umkiska, O siudad! Ti isuamin kenka mapakapuyto, O Filistia! Ta um-umay ti maysa nga asuk manipud iti amianan, ket awan ti maiputputong kadagiti intar ti buyotna.”+ 32  Ket anianto ti sawen ti asinoman kas sungbat kadagiti mensahero+ ti nasion? A ni met laeng Jehova insaadna ti pamuon ti Sion,+ ket agkamangto kenkuana dagidiay naparigatan iti ilina.

Footnotes