Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Isaias 11:1-16

11  Ket addanto rummuar a saringit+ manipud iti pungdol ni Jesse;+ ket manipud kadagiti ramutna nabunganto+ ti maysa a tarubong.+  Ket agtaengto kenkuana ti espiritu ni Jehova,+ ti espiritu ti kinasirib+ ken ti pannakaawat,+ ti espiritu ti pammatigmaan ken ti kinamannakabalin,+ ti espiritu ti pannakaammo+ ken ti panagbuteng ken Jehova;+  ket addaanto iti ragsak iti panagbuteng ken Jehova.+ Ket isu saanto a mangukom babaen iti aniaman a makita laeng dagiti matana, wenno uray mangtubngar sigun laeng iti banag a nangngeg dagiti lapayagna.+  Ket buyogen ti kinalinteg ukomennanto dagidiay nanumo,+ ket buyogen ti kinapalungdo mangipaayto iti pannubngar maigapu kadagidiay naemma iti daga. Ket kabilennanto ti daga babaen ti pagbaut ti ngiwatna;+ ket babaen ti espiritu dagiti bibigna papatayennanto daydiay nadangkes.+  Ket ti kinalinteg agbalinto a sinturon dagiti padingpadingna,+ ken kinamatalek ti sinturon dagiti lomona.+  Ket ti lobo pudno a makipagtaengto iti apagbiit iti kalakian a kordero,+ ket iti urbon a kalding makikaiddanto a mismo ti leopardo, ket ti kigaw a baka ken ti burboran a bumaro a leon+ ken ti napalukmeg nga animal sangsangkamaysada;+ ket maysa a bassit nga ubing laeng ti mamangulonto kadakuada.  Ket ti baka ken ti oso agarabdanto; dagiti urbonda agkakaiddadanto. Ket uray ti leon manganto iti garami a kas iti toro.+  Ket ti agsussuso nga ubing pudno unay nga agay-ayamto iti abut ti kobra;+ ket iti pagserkan ti lawag maipaay iti nagita nga uleg pudno nga ikabilto ti napusot nga ubing ti bukodna nga ima.  Saandanto a mangaramid iti aniaman a panangdangran+ wenno mangpataud iti aniaman a panangdadael iti intero a nasantuan a bantayko;+ agsipud ta ti daga sigurado a mapnonto iti pannakaammo ken Jehova kas iti dandanum abbonganda ti mismo a baybay.+ 10  Ket mapasamakto iti dayta nga aldaw+ nga addanto ti ramut ni Jesse+ a sitatakder kas maysa a pagilasinan a maipaay iti il-ili.+ Kenkuana uray dagiti nasion bumaw-ingdanto nga agimtuod,+ ket ti lugar a paginanaanna agbalinto a nadayag.+ 11  Ket mapasamakto iti dayta nga aldaw a ni Jehova iyawatnanto manen ti imana, iti maikadua a daras,+ tapno gun-odenna ti natda iti ilina a mabatinto manipud Asiria+ ken manipud Egipto+ ken manipud Patros+ ken manipud Cus+ ken manipud Elam+ ken manipud Sinar+ ken manipud Hamat ken manipud kadagiti isla ti baybay.+ 12  Ket pudno unay a mangibayogto iti pagilasinan a maipaay kadagiti nasion ket urnongenna dagiti naiwarawara a tattao ti Israel;+ ket dagiti napagwarawara a tattao ti Juda ummongennanto a sangsangkamaysa manipud iti uppat nga ungto ti daga.+ 13  Ket ti panagimon ti Efraim pumanawto,+ ket magessatto uray dagidiay mangbusbusor iti Juda. Ti met laeng Efraim saanto nga agimon iti Juda, saanto met a mangipakita ti Juda iti panangbusor iti Efraim.+ 14  Ket agtayabdanto iti abaga dagiti Filisteo iti agpalaud;+ sangsangkamaysadanto a mangsamsam iti annak ti Daya.+ Ti Edom ken ti Moab isudanto dagidiay pangyunnatanda iti imada,+ ket ti annak ni Ammon isudanto dagiti sakupda.+ 15  Ket ni Jehova sigurado a putdennanto ti dila ti baybay ti Egipto,+ ket iwadawadnanto ti imana iti Karayan+ iti kinarangrang ti espirituna. Ket kabilennanto dayta iti pito a napegges nga ayusna, ket pudno a papagnaennanto dagiti tattao kadagiti pallokada.+ 16  Ket maaddanto ti maysa a kangrunaan a kalsada+ manipud iti Asiria maipaay iti natda+ iti ilina a mabatinto,+ no kasano nga adda idi maysa a maipaay iti Israel iti aldaw nga isasang-atna manipud daga ti Egipto.

Footnotes