Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Isaias 10:1-34

10  Asi pay dagidiay mangituytuyang iti makadangran nga al-alagaden+ ken dagidiay a, naynay nga agisursurat, nangisurat iti bin-ig a riribuk,  tapno pagtalawenda dagidiay nanumo manipud iti legal a kaso ken rabnotenda ti hustisia manipud kadagidiay naparigatan iti ilik,+ tapno agbalin a samsamda dagiti balo a babbai, ken tapno samsamanda uray ti awan amana nga ubbing!+  Ket ania ti aramidenyonto iti aldaw ti pannakaasikaso+ ken iti pannakarba, inton umay dayta manipud iti adayo?+ Siasino ti pagkamanganyonto maipaay iti tulong,+ ket sadino ti pangibatianyonto iti dayagyo,+  no di ti panagruknoyto lattan ti maysa iti sidong dagiti balud ken ti agtultuloy a pannakapasag dagiti umili iti sidong dagidiay napapatay?+ Maigapu iti isuamin daytoy saan a nagbaw-ing ti ungetna, no di ket ti imana siuunnat pay laeng.+  “Aha, ti Asirio,+ ti pagbaut a maipaay iti ungetko,+ ken ti baston nga adda iti imada maipaay iti panangkondenarko!  Maibusor iti apostata+ a nasion isu ibaonkonto, ket maibusor iti ili ti rungsotko mangiruarakto iti bilin kenkuana,+ tapno mangala iti adu a ginam-ud ken tapno mangala iti adu a samsam ken tapno pagbalinenna dayta a maysa a lugar a pagipayatpayatan kas iti pila kadagiti kalsada.+  Nupay isu mabalin a saan a kasta, isu agannayasto; nupay ti pusona mabalin a saan a kasta, isu manggandatto, agsipud ta ti panangtalipupos adda iti pusona,+ ken ti pananggeppas iti saan laeng a sumagmamano a nasion.+  Ta kunaennanto, ‘Saan aya a dagiti prinsipek ar-arida iti isu met laeng a tiempo?+  Saan aya a ti Calno+ umasping iti Carquemis?+ Saan aya a ti Hamat+ umasping iti Arpad?+ Saan aya a ti Samaria+ umasping iti Damasco?+ 10  Kaanoman a magaw-at ti imak ti pagpagarian ti awanan pateg a dios a dagiti kinitikitan a ladawanna ad-adu ngem kadagidiay adda iti Jerusalem ken Samaria,+ 11  saanto kadi a mapasamak a no kasano ti inaramidko iti Samaria ken kadagiti awanan pateg a didiosna,+ kasta a mismo ti aramidekto iti Jerusalem ken kadagiti idolona?’+ 12  “Ket mapasamakto nga inton gibusan ni Jehova ti isuamin nga aramidna iti Bantay Sion ken iti Jerusalem, makikuentaakto maigapu iti bunga ti kinakuspag ti puso ti ari ti Asiria ken maigapu iti kinapangpangruna ti kinangato dagiti matana.+ 13  Ta kinunana, ‘Babaen iti bileg ti imak sigurado nga agtignayakto,+ ken babaen ti kinasiribko, ta addaanak iti pannakaawat; ket ikkatekto dagiti beddeng ti il-ili,+ ket ti bambanagda a naipempen sigurado a kamkamekto,+ ket ipababakto dagiti agnanaed kas iti maysa a mannakabalin.+ 14  Ket kasla koma maysa nga umok, ti imak+ gaw-atennanto dagiti sanikua+ ti il-ili; ket kas iti panangurnong ti maysa kadagiti itlog a nabaybay-an, siak urnongekto uray pay ti intero a daga, ket pudno unay nga awanto ti mangikayabkab kadagiti payakna wenno manginganga iti ngiwatna wenno aganibaar.’” 15  Ti kadi wasay agpasindayagto iti daydiay mangitagtaga iti dayta, wenno ti ragadi itan-okna ti bagina iti daydiay mangyud-udaod iti dayta, a kasla ti sarukod inyudaodna dagidiay mangipangpangato iti dayta, a kasla ti pagbaut impangatona daydiay saan a kayo?+ 16  Gapuna ti pudno nga Apo, ni Jehova ti buybuyot, agtultuloyto a mangibaon iti mangrarit a sagubanit kadagidiay nalulukmegna,+ ket iti sidong ti dayagna, ti maysa a panaggil-ayab agtultuloyto nga aggil-ayab a kas iti panaggil-ayab ti apuy.+ 17  Ket ti Silaw ti Israel+ agbalinto nga apuy,+ ket Daydiay Santona maysa a gil-ayab;+ ket gumil-ayabto ken ibusenna dagiti dakes a ruotna ken dagiti siitan a babassit a kayona+ iti maysa nga aldaw. 18  Ket ti dayag ti bakirna ken ti minuyonganna pagpatinggaennanto,+ manipud a mismo iti kararua agingga iti lasag, ket agbalinto a kas iti panagrunaw ti maysa a masaksakit.+ 19  Ket ti dadduma pay kadagiti kayo ti bakirna—agbalindanto a kas iti daydiay bilang a kabaelanto ida nga isurat+ ti maysa nga ubing laeng. 20  Ket pudno unay a mapasamakto iti dayta nga aldaw a dagidiay nabatbati iti Israel+ ken dagidiay nakalisi iti balay ni Jacob saandanto a pulos agsammaked manen iti daydiay mangkabkabil kadakuada,+ ket pudno unay nga agsammakeddanto ken Jehova, Daydiay Santo ti Israel,+ iti kinapudno.+ 21  Natda laeng, ti natda ken Jacob, ti agsublinto iti Mannakabalin a Dios.+ 22  Ta nupay ti ilim, O Israel, agbalinto a kas kadagiti binukel ti darat ti baybay,+ natda laeng kadakuada ti agsublinto.+ Maysa a naikeddeng a panangtalipupos+ ti manglapunosto buyogen ti kinalinteg,+ 23  agsipud ta maysa a panangtalipupos+ ken maysa a nainget a pangngeddeng ti ipakatto ti Soberano nga Apo, ni Jehova ti buybuyot, iti tengnga ti intero a daga.+ 24  Gapuna daytoy ti kinuna ti Soberano+ nga Apo, ni Jehova ti buybuyot: “Dika agbuteng, O ilik nga agnanaed iti Sion,+ gapu iti Asirio, a babaen ti pagbaut kabkabilennaka+ idi ken itagtag-ayna idi ti bukodna a sarukod maibusor kenka iti wagas nga inaramid ti Egipto.+ 25  Ta iti apagbiit pay a kanito—ket ti panangkondenar+ agngudonton, ket ti ungetko, iti panagrunotda.+ 26  Ket ni Jehova ti buybuyot sigurado a mangiwasawasto kenkuana iti maysa a baut+ kas idi pannakaabak ti Midian iti sibay ti bato nga Oreb;+ ket ti sarukodna addanto iti rabaw ti baybay,+ ket pudno unay nga itag-aynanto dayta iti wagas nga inaramidna iti Egipto.+ 27  “Ket mapasamakto iti dayta nga aldaw a ti awitna maikkatto ita abagam,+ ken ti sangolna manipud iti lengngesmo,+ ket ti sangol pudno unay a madadaelto+ gapu iti lana.” 28  Isu immay iti Aiat;+ linasatna ti Migron; idiay Micmas+ idulinna dagiti aruatenna. 29  Bimmallasiwda iti pagballasiwan, ti Geba+ isu ti disso a pangbusbosanda iti rabii, ti Rama+ nagpigerger, ti met laeng Gabaa+ ni Saul pimmanaw. 30  Ipeksam ti timekmo iti makasisileng nga ik-ikkis, O anak a babai ti Galim.+ Ipangagmo, O Laisa. O sika a naparigatan, Anatot!+ 31  Ti Madmena nagtalaw. Dagiti met laeng agnanaed iti Gebim nagsalinongda. 32  Idiay Nob aldaw pay laeng no agsardeng.+ Iwadawadna ti imana a sipapangta iti bantay ti anak a babai ti Sion, ti turod ti Jerusalem.+ 33  Adtoy! Ti pudno nga Apo, ni Jehova ti buybuyot, sipadenna dagiti kangrunaan a sanga buyogen ti makapaaligaget a pannakakerraad;+ ket dagidiay natayag ti idadakkelda mapukpukanda, ket dagidiay nangato agbalinda a nababa.+ 34  Ket pinadipadna dagiti kasamekan iti bakir babaen iti rimienta a landok, ket babaen ti maysa a mannakabalin marbanto ti mismo a Libano.+

Footnotes