Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Hebreo 8:1-13

8  Ita no maipapan iti bambanag a mapagsasaritaan daytoy ti kangrunaan a punto: Addaantayo iti nangato a padi+ a kas itoy, ket nagtugaw iti makannawan ti trono ti Natan-ok idiay langlangit,+  maysa a publiko nga adipen ti nasantuan a disso+ ken ti pudno a tolda, nga imbangon ni Jehova,+ ket saan a ti tao.+  Ta tunggal nangato a padi nadutokan a mangidaton agpadpada kadagiti sagut ken kadagiti sakripisio;+ gapuna nasken met nga adda idaton+ daytoy.  No, ita, isu adda iti rabaw ti daga, saan koma a maysa a padi,+ yantangay adda tattao a mangidaton kadagiti sagut sigun iti Linteg,  ngem tattaoda a mangipapaay iti sagrado a panagserbi iti mangisimbolo a ladawan+ ken anniniwan+ ti nailangitan a bambanag; no kasano a ni Moises, idi ngannganinan mairingpas ti tolda,+ naipaayan iti nadibinuan a bilin:+ Ta kunana: “Siguraduem nga aramiden amin a bambanag maitunos iti pagtuladan kadakuada a naiparang kenka idiay bantay.”+  Ngem ita nagun-odan ni Jesus ti ad-adda a nakasaysayaat a publiko a panagserbi, iti kasta isu met ti manangibabaet+ iti maitupag a nasaysayaat a tulag,+ a legal a naipasdek iti nasaysayaat a karkari.+  Ta no daydi immuna a tulag awan pagkuranganna, awan koman ti nasapulan a lugar maipaay iti maikadua;+  ta isu makasarak iti biddut kadagiti umili idi kunana: “‘Adtoy! Adda um-umayen nga al-aldaw,’ kuna ni Jehova, ‘ket mamatalgedakto iti baro a tulag iti balay ti Israel ken iti balay ti Juda;+  saan a maitunos iti tulag+ nga inaramidko kadagidi ammada iti daydi aldaw a panangkibinko kadakuada tapno iruar ida manipud iti daga ti Egipto,+ agsipud ta saanda a nagtalinaed iti tulagko,+ iti kasta insardengko nga inaywanan ida,’ kuna ni Jehova.”+ 10  “‘Ta daytoy ti tulag a pakitulagakto iti balay ti Israel kalpasan dagidiay nga aldaw,’ kuna ni Jehova. ‘Ikabilkonto dagiti lintegko iti panunotda, ket kadagiti pusoda+ isuratkonto ida. Ket agbalinakto a Diosda,+ ket isuda agbalindanto nga ilik.+ 11  “‘Ket saandanton a pulos mangisuro tunggal maysa iti kailianna ken tunggal maysa iti kabsatna, a kunkunana: “Ammuem ni Jehova!”+ Ta isuda amin am-ammodakto,+ manipud iti kababassitan agingga iti kadadakkelan kadakuada. 12  Ta mangngaasiakto kadagiti nakillo nga aramidda, ket saankonto a pulos lagipenen+ dagiti basolda.’”+ 13  Iti panangisaona iti “baro a tulag” pinagpasona daydi immuna.+ Ita daydiay nagpaso ken dumadaan asidegen nga agpukaw.+

Footnotes