Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Hebreo 7:1-28

7  Ta daytoy a Melquisedec, ari ti Salem, padi ti Kangatuan a Dios,+ a nangsabet ken Abraham idi nagsubli manipud iti panangpapatayna iti ar-ari ken nangbendision kenkuana+  ken imbingayan ni Abraham iti apagkapullo manipud iti amin a bambanag,+ ket umuna iti amin, babaen ti pannakaipatarus, “Ari ti Kinalinteg,” ken kasta met nga ari ti Salem+ idi, kayatna a sawen, “Ari ti Talna.”  Iti kinaawan amana, awan inana, awan kapuonanna, awan uray pangrugian dagiti aldawna+ wenno panungpalan ti biagna, ngem naaramid a kaasping ti Anak ti Dios,+ isu agtalinaed a padi iti agnanayon.+  Kitaenyo, ngarud, no kasano a naindaklan idi daytoy a tao a nangipaayan ni Abraham, nga ulo ti pamilia, iti apagkapullo manipud kadagiti kangrunaan a samsam.+  Pudno, dagiti lallaki manipud iti annak ni Levi+ nga immawat iti akemda a kinapadi addaanda iti bilin nga agawatda kadagiti apagkapullo+ manipud kadagiti umili+ sigun iti Linteg, kayatna a sawen, manipud iti kakabsatda, uray pay no dagitoy ket nagtaudda kadagiti lomo ni Abraham;+  ngem ti tao a saan a natunton kadakuada ti kapuonanna+ nangala kadagiti apagkapullo manipud ken Abraham+ ket binendisionanna daydiay addaan kadagiti kari.+  Ita awan ti aniaman a supiat, ti bassit bendisionan ti dakdakkel.+  Ket iti maysa a kaso tattao a matay ti umawat kadagiti apagkapullo,+ ngem iti sabali a kaso isu daydiay a nasaksian a sibibiag.+  Ket, no mausarko koma ti pagsasao, babaen ken Abraham uray ni Levi nga umawat kadagiti apagkapullo nagbayad kadagiti apagkapullo, 10  ta isu adda pay laeng idi kadagiti lomo+ daydi amana idi simmabet kenkuana ni Melquisedec.+ 11  No, ngarud, ti kinanaan-anay+ pudno a babaen iti Levitico a kinapadi,+ (ta agraman iti dayta kas maysa a paset naipaay kadagiti umili ti Linteg,)+ ania pay ti pakasapulan+ iti sabali a padi a tumaud maitunos iti kasasaad ni Melquisedec+ ket saan a maikuna a maitunos iti kasasaad ni Aaron? 12  Ta yantangay ti kinapadi mabalbaliwan,+ kasapulan met nga adda pannakabalbaliw ti linteg.+ 13  Ta ti tao a maipapan kenkuana naikuna dagitoy a banag maysa idi a kameng ti sabali a tribu,+ a manipud iti dayta awan ti asinoman a nagannong iti altar.+ 14  Ta nalawag unay a ti Apotayo nagtaud iti Juda,+ maysa a tribu a maipapan iti dayta awan sinao ni Moises maipapan iti papadi. 15  Ket kaskasdi nga ad-adda pay a nakalawlawag nga adda tumaud a sabali a padi+ a kaasping ni Melquisedec,+ 16  a nagbalin a kasta, saan a maitunos iti linteg ti bilin nga agpampannuray iti lasag,+ no di ket maitunos iti pannakabalin ti di madadael a biag,+ 17  ta kas pangsaksi adda a naikuna: “Maysaka a padi iti agnanayon maitunos iti kasasaad ni Melquisedec.”+ 18  Pudno unay, ngarud, adda mapasamak a panangiwalin iti immun-una a bilin maigapu iti kinakapuyna+ ken kinaawan mamaayna.+ 19  Ta ti Linteg awan pinagbalinna a naan-anay,+ ngem dayta ket naaramidan ti panangiserrek iti nasaysayaat a namnama,+ a babaen iti dayta umadanitayo iti Dios.+ 20  Kasta met, no kasano a dayta ket di awanan iti sinapataan a kari, 21  (ta pudno nga adda lallaki a nagbalin a papadi nga awanan iti sinapataan a kari, ngem adda maysa nga addaan iti kari a sinapataan Daydiay a nagkuna maipapan kenkuana: “Insapata ni Jehova+ (ket saanto nga agbabawi), ‘Maysaka a padi iti agnanayon,’”)+ 22  iti kasta met laeng a pamay-an a nagbalin ni Jesus kas daydiay naipaay a pammatalged ti nasaysayaat a tulag.+ 23  Kanayonanna pay, adu ti kasapulan nga agbalin a papadi nga agsasaruno+ agsipud ta malapdanda nga agtultuloy a kasta gapu iti ipapatay,+ 24  ngem gapu iti panagtultuloyna a sibibiag iti agnanayon+ adda kinapadina nga awanan kadagiti asinoman a kasuno. 25  Gapuna kabaelanna met nga isalakan a naan-anay dagidiay umadani iti Dios baeten kenkuana, agsipud ta isu kankanayon a sibibiag tapno agdawat maipaay kadakuada.+ 26  Ta ti nangato a padi a kas itoy maikanatad kadatayo,+ nasungdo,+ awanan allilaw,+ di natulawan,+ naisina kadagiti managbasol,+ ken nagbalin a nangatngato ngem ti langlangit.+ 27  Saanna a kasapulan nga inaldaw,+ a kas kadagidiay nangato a papadi, a mangidaton kadagiti sakripisio, umuna maipaay iti bukodna a basbasol+ ket kalpasanna agpaay kadagidiay umili:+ (ta daytoy inaramidna iti namimpinsanen+ idi indatonna+ ti bagina;) 28  ta ti Linteg dutokanna a nangato a papadi+ dagiti tattao nga addaan pagkapuyan,+ ngem ti sao ti sinapataan a kari+ a dimteng kalpasan ti Linteg dutokanna ti Anak, a maan-anay+ iti agnanayon.

Footnotes