Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Hebreo 5:1-14

5  Ta ti tunggal nangato a padi a maala kadagiti tattao madutokan maigapu kadagiti tattao iti bambanag maipapan iti Dios,+ tapno mangidaton kadagiti sagut ken kadagiti sakripisio maipaay iti basbasol.+  Kabaelanna ti makilangen a sititimbeng kadagiti ignorante ken kadagiti agbidbiddut yantangay isu nalikmut met kadagiti bukodna a kinakapuy,+  ket gapu itoy rebbengenna ti agidaton gapu iti basbasol maipaay iti bagina kasta met kadagiti tattao.+  Kasta met, ti maysa a tao alaenna daytoy a dayaw, saan nga iti bukodna a kananakem,+ no di laeng no isu ayaban ti Dios,+ a kas met idi ken Aaron.+  Gapuna ti Kristo saanna met nga impadayag ti bagina+ babaen ti panagbalin a nangato a padi,+ no di ket impadayag+ daydiay nagsao maipapan kenkuana: “Sika ti anakko; siak, ita nga aldaw, nagbalinak nga amam.”+  Kas iti kunana met iti sabali pay a paset: “Maysaka a padi iti agnanayon maitunos iti kasasaad ni Melquisedec.”+  Kadagidi aldaw ti panaglasagna nangidaton [ni Kristo] kadagiti araraw ken kasta met kadagiti dawat+ iti Daydiay a makabalin a mangisalakan kenkuana iti ipapatay, buyogen dagiti napigsa+ nga ikkis ken lulua, ket isu naipangag buyogen ti pannakaanamong gapu iti nadiosan a butengna.+  Nupay isu ket Anak, nasursurona ti panagtulnog manipud iti bambanag a sinagabana;+  ket kalpasan a napagbalinen a naan-anay+ isu nagbalin a makinrebbeng iti agnanayon a pannakaisalakan+ dagidiay amin nga agtultulnog kenkuana,+ 10  agsipud ta isu espesipiko nga inawagan ti Dios kas nangato a padi maitunos iti kasasaad ni Melquisedec.+ 11  Maipapan kenkuana adu ti maisaomi ket narigat a mailawlawag, yantangay nagbalinkayo a ngelngel iti panagdengngegyo.+ 12  Ta, pudno unay, nupay rebbeng koma a mannursurokayon+ gapu iti panawen, kasapulanyo manen nga adda mangisuro kadakayo manipud pangrugian kadagiti pamunganayan a banag+ dagiti sagrado a pammakdaar ti Dios;+ ket nagbalinkayo a kas kadagiti makasapul iti gatas, saan nga iti nakired a taraon.+ 13  Ta tunggal maysa a makiraman iti gatas di makaam-ammo iti sao ti kinalinteg, ta isu maysa nga ubing.+ 14  Ngem ti nakired a taraon agpaay kadagiti nataengan a tattao, kadagidiay a babaen iti panangusar nasanay dagiti pannakabalin ti pannakaawatda+ a mangilasin agpadpada iti umiso ken di umiso.+

Footnotes