Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Hebreo 4:1-16

4  Gapuna, yantangay adda pay nabati a kari nga iseserrek iti panaginanana,+ agbutengtayo koma di la ket ta adda tiempo a ti asinoman kadakayo agparang a kasla agkurang iti dayta.+  Ta naideklara met kadatayo ti naimbag a damag,+ a kas met kadakuada;+ ngem saanda a nagunggonaan iti sao a nangngegan,+ agsipud ta saanda a naikaykaysa iti pammati+ kadagidiay dimngeg.+  Ta datayo a nangwatwat iti pammati sumrektayo iti panaginana, kas iti kinunana: “Gapuna insapatak+ iti ungetko, ‘Saanda a sumrek+ iti panaginanak,’”+ uray no dagiti aramidna nalpasen+ nanipud pannakabangon ti lubong.+  Ta iti maysa a paset kinunana maipapan iti maikapito nga aldaw kas iti sumaganad: “Ket ti Dios naginana iti maikapito nga aldaw iti amin nga ar-aramidna,”+  ken manen iti daytoy a paset: “Saanda a sumrek iti panaginanak.”+  Ngarud, yantangay mabalin pay a sumrek iti dayta ti dadduma, ket dagidiay immuna a nakaideklaraan ti naimbag a damag+ saanda a nakastrek gapu iti kinasukir,+  isu nangikeddeng manen iti aldaw babaen ti panangisaona kalpasan iti nabayag unayen a tiempo iti salmo ni David “Ita nga aldaw”; kas iti adda a naikunan iti ngato: “Ita nga aldaw no imdenganyo ti bukodna a timek,+ dikay patangkenen dagiti pusoyo.”+  Ta no inturong ida ni Josue+ iti maysa a lugar a paginanaan,+ saan koman a nagsao ti Dios+ kalpasanna maipapan iti sabali nga aldaw.  No kasta adda pay maysa a sabbath a panaginana maipaay iti ili ti Dios.+ 10  Ta ti tao a nakastrek iti panaginana ti Dios+ naginana met a mismo kadagiti bukodna nga aramid,+ a kas iti inaramid ti Dios kadagiti bukodna nga aramid. 11  Aramidentayo koma ngarud ti amin a kabaelantayo a sumrek iti dayta a panaginana, ta amangan no addanto asinoman a matnag iti isu met laeng a pagannayasan ti kinasukir.+ 12  Ta ti sao+ ti Dios nabiag+ ken adda bilegna+ ken natartarumamis ngem iti aniaman a kampilan a dua ti tademna+ ket sumalput uray agingga iti paglasinan ti kararua+ ken espiritu,+ ken kadagiti nagsusuopan ken iti patada, ket kabaelanna a lasinen dagiti panunot ken dagiti panagem ti puso.+ 13  Ket awan ti parsua a saan a sibabatad iti imatangna,+ no di ket amin a bambanag lamolamoda ken sipapanayagda a naiparang kadagiti mata daydiay pagidatagantayo.+ 14  Idinto, ngarud, ta addaantayo iti naindaklan a nangato a padi a limmasat iti langlangit,+ ni Jesus nga Anak ti Dios,+ kumpettayo koma iti panangipudnotayo kenkuana.+ 15  Ta addaantayo kas nangato a padi, saan a ti maysa a saanna a mabalin ti makipagrikna+ kadagiti kinakapuytayo, no di ket ti maysa a nasuboken iti amin a bambanag kas kadatayo, ngem awanan basol.+ 16  Ngarud, buyogen ti wayawaya nga agsao+ umadanitay+ koma iti trono ti di kaikarian a kinamanangngaasi, tapno makagun-odtayo iti asi ken makasaraktayo iti di kaikarian a kinamanangngaasi kas tulong iti umiso a tiempo.+

Footnotes