Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Hebreo 3:1-19

3  Gapuna, nasantuan a kakabsat, makiramraman iti nailangitan a pannakaayab,+ utobenyo ti apostol+ ken nangato a padi nga ipudpudnotayo+—ni Jesus.  Isu matalek+ idi iti Daydiay a nangaramid kenkuana a kasta, a kas met ken Moises+ iti intero a balay Daydiay.+  Ta ti naud-udi a nadakamat maibilang a maikari iti ad-adu a dayag+ ngem ni Moises, yantangay ti mangibangon iti dayta ad-adu ti dayawna ngem iti balay.+  Siempre, tunggal balay adda nangibangon, ngem ti nangibangon iti amin a bambanag isu ti Dios.+  Ket ni Moises kas maysa nga agserserbi+ matalek idi iti intero a balay Daydiay kas pammaneknek iti bambanag a maisao kalpasanna,+  ngem ni Kristo matalek idi kas maysa nga Anak+ nga agaywan iti balay Daydiay. Datayo ti balay Daydiay,+ no irutantayo ti panangpetpettayo iti wayawayatayo nga agsao ken ti panagpasindayagtayo iti namnama agingga iti panungpalan.+  Gapu itoy a rason, kas iti kuna ti nasantuan nga espiritu:+ “Ita nga aldaw no imdenganyo ti bukodna a timek,+  dikay patangkenen dagiti pusoyo a kas iti daydi pasamak a nangpataud iti napait nga unget,+ kas idi aldaw ti panangsubok+ idiay let-ang,+  a nangsubokan kaniak dagidi ammayo babaen iti maysa a suot, ket kaskasdi a nakitada dagiti aramidko+ iti uppat a pulo a tawen.+ 10  Gapu itoy a rason nakaluksawak iti daytoy a kaputotan ket kinunak, ‘Maiwawada a kanayon kadagiti pusoda,+ ket isuda saanda a naammuan ti daldalanko.’+ 11  Gapuna insapatak iti ungetko, ‘Saanda a sumrek+ iti panaginanak.’”+ 12  Agannadkayo, kakabsat, ta amangan no addanto ketdi tumanor iti asinoman kadakayo a maysa a nadangkes a puso nga awanan pammati babaen ti iyaadayo iti sibibiag a Dios;+ 13  no di ket itultuloyyo a bagbagaan+ ti maysa ken maysa tunggal aldaw, agingga a maaw-awagan dayta iti “Ita nga aldaw,”+ ta amangan no mapatangken ti asinoman kadakayo babaen ti makaallilaw+ a pannakabalin ti basol. 14  Ta agpayso nga agbalintayo a makiraman ken Kristo+ no la ket irutantayo a sititibker ti panangpetpettayo iti panagtalek nga adda kadatayo idi damo agingga iti panungpalan,+ 15  bayat a maisasao: “Ita nga aldaw no imdenganyo ti bukodna a timek,+ dikay patangkenen dagiti pusoyo a kas iti daydi pasamak a nangpataud iti napait nga unget.”+ 16  Ta siasinoda dagidi nakangngeg ket kaskasdi nanggargarida iti napait a panagunget?+ Iti kinapudnona, saan aya a kasta ti inaramid dagiti amin a rimmuar manipud Egipto iti sidong ni Moises?+ 17  Mainayon pay, siasino dagiti nagluksawan ti Dios iti uppat a pulo a tawen?+ Saan aya a dagidiay nagbasol, a dagiti bangkayda napasag idiay let-ang?+ 18  Ngem siasino ti nangisapataanna+ a saanda a sumrek iti panaginanana malaksid kadagidiay nagtignay a sisusukir?+ 19  Gapuna makitatayo a saanda a mabalin ti sumrek gapu iti kaawan pammati.+

Footnotes