Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Hebreo 12:1-29

12  No kasta, ngarud, agsipud ta addaantayo iti kastoy kadakkel nga ulep dagiti saksi+ a mangliklikmut kadatayo, ikkatentayo met ti tunggal dadagsen+ ken ti basol a silalaka a mangsagud kadatayo,+ ket buyogen ti panagibtur+ tarayentayo ti lumba+ a naikabil iti sanguanantayo,+  bayat a kumitatayo a sipapasnek iti Kangrunaan nga Ahente+ ken Manangan-anay iti pammatitayo,+ ni Jesus. Gapu iti rag-o a naikabil iti sanguananna inibturanna+ ti kayo a pagtutuokan, nga inumsina ti bain, ket nagtugaw iti makannawan ti trono ti Dios.+  Pudno unay, utobenyo a sisisinged daydiay nakapagibtur iti kasta a mangbusor a panagsao+ dagiti managbasol maibusor kadagiti bukodda a pagimbagan, tapno saankay koma a mabannog ken agkapuy kadagiti kararuayo.+  Iti panangitultuloyyo ti pannakisalisalyo iti dayta a basol saankayo pay a pulos simmaranget agingga iti dara,+  no di ket naan-anay a nalipatanyo ti pammagbaga a mangaw-awag kadakayo kas annak:+ “Anakko, dika tagibassiten ti disiplina manipud ken Jehova, saanka met nga agkapuy no ilintegnaka;+  ta ti ayaten ni Jehova disiplinaenna; iti kinapudnona, saplitenna ti tunggal maysa nga awatenna kas anak.”+  Agib-ibturkayo a maipaay iti disiplina.+ Makilanglangen kadakayo ti Dios kas iti annak.+ Ta ania nga anak ti saan a disiplinaen ti maysa nga ama?+  Ngem no awanankayo iti disiplina a nakiramanan dagiti isuamin, pudno a dakayo ket bastardo,+ ket saan nga annak.  Kanayonanna pay, addaantayo idi kadagiti amma a kas iti lasagtayo tapno mangdisiplina kadatayo,+ ket impapaayantayo ida iti panagraem. Saan kadi nga ad-adda pay nga ipasakuptayo ti bagbagitayo iti Ama ti naespirituan a biagtayo ket agbiagtayo?+ 10  Ta isuda iti sumagmamano nga aldaw dinisdisiplinadatayo sigun iti pagarupenda a naimbag,+ ngem aramidenna ti kasta maipaay iti pakagunggonaantayo tapno makiramantayo iti kinasantona.+ 11  Pudno, awan disiplina a kasla makaparag-o iti agdama, no di ket makapaladingit;+ ngem kalpasanna kadagidiay a nasanayen iti dayta mangpataud iti natalna a bunga,+ awan sabali, ti kinalinteg.+ 12  Gapuna paglintegenyo dagiti ima a nalpay+ ken dagiti aglulupoy a tumeng,+ 13  ket agtultuloykayo a mangaramid kadagiti nalinteg a dana maipaay kadagiti sakayo,+ tapno ti pilay saan koma a maligos, no di ket mapaimbag.+ 14  Surotenyo ti talna iti amin a tattao,+ ken ti pannakasantipikar+ a no awan dayta awan ti tao a makakitanto iti Apo,+ 15  a siputanyo a siaannad nga awan ti asinoman a mapaidaman iti di kaikarian a kinamanangngaasi ti Dios;+ tapno awan ti tumanor a makasabidong a ramut+ ket mangpataud iti riribuk ken tapno dagiti adu saanda a matulawan iti dayta;+ 16  tapno awan koma ti mannakiabig wenno uray asinoman a saan a mangtagipateg iti sagrado a bambanag, a kas ken Esau,+ nga impadawatna dagiti kalinteganna kas inauna a kasukat ti maysa a pannangan.+ 17  Ta ammoyo nga iti kalpasanna met idi kayatna a tawiden ti pamendision+ isu nailaksid,+ ta, nupay sipapasnek nga inkagumaanna a balbaliwan ti panunotna buyogen iti lulua,+ awan nasarakanna a lugar maipaay iti dayta.+ 18  Ta saankayo nga immasideg iti daydiay mabalin nga arikapen+ ken napasgedan iti apuy,+ ken ti nasipnget nga ulep ken napuskol a kinasipnget ken nadawel a bagyo,+ 19  ken ti napigsa nga uni ti trumpeta+ ken ti timek ti sasao;+ idi mangngegda dayta a timek impakaasi dagiti umili nga awan koman ti sao a mainayon kadakuada.+ 20  Ta saanda idi a kabaelan ti naibilin: “Ket no ti maysa nga animal masagidna ti bantay, masapul a maubor.”+ 21  Kasta met, ti buya nakabutbuteng unay iti kasta kinuna ni Moises: “Mabutbuteng ken agpigpigergerak.”+ 22  Ngem immasidegkayo iti maysa a Bantay Sion+ ken iti maysa a siudad+ ti sibibiag a Dios, ti nailangitan a Jerusalem,+ ken linaklaksa nga anghel,+ 23  iti pangkaaduan a gimong,+ ken iti kongregasion dagiti inauna+ a naipasalistan+ iti langlangit, ken iti Dios nga Ukom dagiti isuamin,+ ken kadagiti naespirituan a biag+ dagiti nalinteg a napagbalin a naan-anay,+ 24  ken ni Jesus a manangibabaet+ iti maysa a baro a tulag,+ ken iti dara a pangwarsi,+ nga agsao iti nasaysayaat a pamay-an ngem iti dara ni Abel.+ 25  Kitaenyo ta saankayo nga agkitakit iti daydiay agsasao.+ Ta no saanda a nakalisi dagidi nagkitakit iti daydiay nangipaay iti nadibinuan a pakdaar iti daga,+ ad-addanto pay a saantayo a makalisi no tallikudantayo daydiay agsasao manipud iti langlangit.+ 26  Iti dayta a tiempo ginunggon ti timekna ti daga,+ ngem ita inkarina, a kunkunana: “Kaskasdi a maminsan pay pagkintayegekto saan laeng a ti daga no di ket kasta met ti langit.”+ 27  Ita ti ebkas a “Kaskasdi a maminsan pay” ipamatmatna ti pannakaikkat ti bambanag a magunggon kas bambanag a naaramiden,+ tapno agtalinaed ti bambanag a saan a magunggon.+ 28  Gapuna, yantangay awatentayo ti maysa a pagarian a di mabalin a gunggonen,+ itultuloytayo koma ti maaddaan iti di kaikarian a kinamanangngaasi, a babaen iti dayta makaipaaytayo iti sagrado a panagserbi a makaay-ayo iti Dios buyogen ti nadiosan a buteng ken panagamak.+ 29  Ta ti Diostayo maysa met a mangibus nga apuy.+

Footnotes