Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Hebreo 10:1-39

10  Ta yantangay ti Linteg addaan iti anniniwan+ ti naimbag a bambanag nga umay, ngem saan a ti mismo a kababagas ti bambanag, saan a pulos kabaelan dagiti tattao a pagbalinen a naan-anay dagidiay umadani babaen kadagiti isu met laeng a sakripisio iti tinawen nga agtultuloy nga idatonda.+  Ta no saan, dagiti sakripisio saan aya naisardengda koma a maidatdaton, agsipud ta dagidiay mangipapaay iti sagrado a panagserbi a nadalusan a namimpinsanen awan koman ti pannakapuotda kadagiti basol uray kaanoman?+  Iti kasupadina, babaen kadagitoy a sakripisio tinawen nga adda pannakaipalagip dagiti basol,+  ta ti dara dagiti toro ken dagiti kalding saanna a mabalin nga ikkaten dagiti basol.+  Gapuna iti iyaayna iti lubong kunana: “‘Sakripisio ken daton saanmo a kinayat,+ ngem nangisaganaka iti bagi a maipaay kaniak.+  Saanmo nga inanamongan dagiti sibubukel a daton a mapuoran ken daton gapu iti basol.’+  Idin kinunak, ‘Adtoy! Umayak (iti lukot ti libro naisurat ti maipapan kaniak)+ tapno aramidek ti pagayatam, O Dios.’”+  Kalpasan a kinunana nga umuna: “Saanmo a kinayat wenno uray inanamongan dagiti sakripisio ken dagiti daton ken dagiti sibubukel a daton a mapuoran ken daton gapu iti basol”+—dagiti sakripisio a maidaton sigun iti Linteg+  kalpasanna pudno a kunana: “Adtoy! Umayak tapno aramidek ti pagayatam.”+ Waswasenna ti umuna tapno maipasdekna ti maikadua.+ 10  Babaen ti naikuna a ‘pagayatan’+ nasantipikartayo+ babaen ti pannakaidaton+ ti bagi ni Jesu-Kristo a namimpinsanen.+ 11  Kasta met, tunggal padi agsaad iti lugarna+ iti inaldaw-aldaw+ tapno mangipaay iti publiko a panagserbi ken tapno idatonna a masansan dagiti isu met laeng a sakripisio, ta dagitoy saanda a kabaelan nga ikkaten a naan-anay dagiti basol uray kaano.+ 12  Ngem daytoy a tao indatonna iti agnanayonen ti maysa a sakripisio a maipaay kadagiti basol+ ket nagtugaw iti makannawan ti Dios,+ 13  nanipud idin agur-uray agingga a dagiti kabusorna maikabilda a pagbatayan dagiti sakana.+ 14  Ta babaen iti maysa a sakripisio a daton+ a pinagbalinna a naan-anay+ iti agnanayonen dagidiay masansantipikar. 15  Mainayon pay, ti nasantuan nga espiritu+ saksiannatayo met, ta kalpasan a naikuna: 16  “‘Daytoy ti tulag a pakitulagakto kadakuada kalpasan dagidiay nga aldaw,’ kuna ni Jehova. ‘Ikabilkonto dagiti lintegko kadagiti pusoda, ket kadagiti panunotda isuratko ida,’”+ 17  kunana kalpasanna: “Ket saankonto a pulos lagipenen dagiti basolda ken dagiti nakillo nga aramidda.”+ 18  Ita no sadino nga adda pannakapakawan+ dagitoy, awanen ti daton a maipaay iti basol.+ 19  Gapuna, kakabsat, yantangay addaantayo iti kinatured iti dalan a sumrek+ iti nasantuan a disso+ babaen iti dara ni Jesus, 20  nga inaguraranna maipaay kadatayo kas maysa a baro ken nabiag a dalan babaen iti kortina,+ kayatna a sawen, ti lasagna,+ 21  ket yantangay addaantayo iti naindaklan a padi iti balay ti Dios,+ 22  umadanitayo koma buyogen ti napudno a puspuso iti naan-anay a pammasiguro ti pammati, a nawarsian dagiti pusotayo manipud iti nadangkes a konsiensia+ ket ti bagbagitayo nadigus iti nadalus a danum.+ 23  Petpetantayo koma a siiirut ti publiko a panangideklara iti namnamatayo+ nga awan panagpangpangadua,+ ta matalek+ ti nagkari. 24  Ket agpipinnanunottayo koma iti maysa ken maysa tapno mangparegta+ iti ayat ken nasayaat nga ar-aramid,+ 25  a saantay a baybay-an ti panagtataripnongtayo a sangsangkamaysa,+ kas iti kaugalian ti dadduma, no di ket agpipinnaregtatayo,+ ket nangnangruna a kasta bayat a makitkitayo nga umas-asidegen ti aldaw.+ 26  Ta no sipapakinakem nga iyugalitayo ti panagbasol+ kalpasan nga inawattayon ti umiso a pannakaammo iti kinapudno,+ awanen ti nabati nga aniaman a sakripisio maipaay iti basbasol,+ 27  no di ket adda nakabutbuteng a panangin-inanama iti pannakaukom+ ken adda umap-apuy nga imon a mangibus kadagidiay bumusbusor.+ 28  Asinoman a tao a di nangikankano iti linteg ni Moises matay nga awan asi, iti pammaneknek ti dua wenno tallo.+ 29  Kasano kakaro ti dusa,+ ti pagarupyo, a pakaikarianto ti tao a nangipayatpayat+ iti Anak ti Dios ken nangibilang a kadawyan ti pategna ti dara+ ti tulag a nakasantipikaranna, ken namagpungtot iti espiritu+ ti di kaikarian a kinamanangngaasi babaen ti panangumsi? 30  Ta ammotayo daydiay nagkuna: “Kukuak ti pammales; supapakakto”;+ ken manen: “Ukomento ni Jehova ti ilina.”+ 31  Nakabutbuteng a banag ti matnag kadagiti ima ti sibibiag a Dios.+ 32  Nupay kasta, itultuloyyo a laglagipen dagiti immun-una nga aldaw a kadagidi, kalpasan a nalawagankayo,+ inibturanyo ti dakkel a salisal iti sidong dagiti panagsagaba,+ 33  no dadduma bayat a maiparparangkayo idi a kasla adda iti maysa a teatro+ agpadpada kadagiti pannakaumsi ken rigrigat, ken no dadduma bayat a nakiramramankayo kadagidiay addaan iti kasta a kapadasan.+ 34  Ta agpadpada nga inyebkasyo ti pannakipagrikna kadagidiay sibabalud ken sirarag-o nga inawatyo ti pannakasamsam+ dagiti sanikuayo, yantangay ammoyo nga addaankayo iti nasaysayaat ken mataginayon a sanikua.+ 35  Dikay, ngarud, ibelleng ti wayawayayo nga agsao,+ nga addaan dakkel a gunggona+ a maibayad iti dayta. 36  Ta kasapulanyo ti panagibtur,+ tapno iti kasta, kalpasan a naaramidyon ti pagayatan ti Dios,+ awatenyo ti kaitungpalan ti kari.+ 37  Ta “iti mabiit unayen a kanito,”+ ket “daydiay umay dumtengto ket saan nga agtaktak.”+ 38  “Ngem daydiay nalintegko agbiagto gapu iti pammati,”+ ken, “no isu agsanud, saan a maragsakan kenkuana ti kararuak.”+ 39  Ita saan a datayo ti kita nga agsanud nga agturong iti pannakadadael,+ no di ket ti kita nga addaan pammati nga agturong iti pannakataginayon a sibibiag ti kararua.+

Footnotes