Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Hebreo 1:1-14

1  Ti Dios, nga iti nabayagen a tiempo nagsao kadagidi ammatayo iti adu a pasamak+ ken iti adu a pamay-an babaen kadagiti mammadto,+  nagsao kadatayo iti pagnguduan dagitoy nga aldaw+ babaen ti maysa nga Anak,+ a dinutokanna nga agtawid iti amin a bambanag,+ ken babaen kenkuana inaramidna+ dagiti sistema ti bambanag.  Isu ti silnag ti dayagna+ ken ti apag-isu a ladawan ti mismo a kina-isuna,+ ket taginayonenna ti amin a bambanag babaen ti sao ti pannakabalinna;+ ket kalpasan a nangaramid iti pananggugor a maipaay kadagiti basoltayo+ isu nagtugaw iti makannawan+ ti Natan-ok sadiay nangangato a disso.+  Gapuna isu nagbalin a nasaysayaat ngem kadagiti anghel,+ agingga a tinawidna pay ti maysa a nagan+ nga ad-adda a nasaysayaat ngem kadakuada.  Kas pagarigan, siasino kadagiti anghel ti nagkunaanna iti uray kaano: “Sika ti anakko; siak, ita nga aldaw, nagbalinak nga amam”?+ Ken manen: “Siak agbalinakto nga amana, ket isu agbalinto nga anakko”?+  Ngem inton iyegna manen ti Inaunana+ iti mapagnaedan a daga, kunaenna: “Ket amin dagiti anghel ti Dios+ agruknoyda koma kenkuana.”+  Kasta met, maipapan kadagiti anghel kunana: “Ket pagbalinenna dagiti anghelna nga espiritu, ken dagiti publiko nga adipenna a gil-ayab ti apuy.”+  Ngem maipapan iti Anak: “Ti Dios isu ti tronom iti agnanayon+ ken awan inggana, ket ti setro ti pagariam+ isu ti setro ti kinapalungdo.+  Inayatmo ti kinalinteg, ket ginuram ti kinakillo. Dayta ti makagapu a ti Dios, ti Diosmo, pinulotannaka+ iti lana ti panagrag-o a nangnangruna ngem kadagiti kakaduam.”+ 10  Ken: “Sika idi punganay, O Apo, insaadmo dagiti pamuon ti mismo a daga, ket ti langlangit isuda ti ar-aramid dagiti imam.+ 11  Isuda met laeng mapukawdanto, ngem sika agtalinaedka nga agpatpatuloy; ket kas iti maysa a makinruar a kawes+ dumaandanto amin, 12  ket ikupinmonto ida kas maysa a kagay,+ a kas maysa a makinruar a kawes; ket mabaliwandanto, ngem sika kastaka latta, ket saanto a pulos aggibus dagiti tawenmo.”+ 13  Ngem maipapan iti siasino kadagiti anghel ti nagkunaanna iti uray kaano: “Agtugawka iti makannawanko, agingga nga ikabilko dagiti kabusormo a pagbatayan dagiti sakam”?+ 14  Saan aya nga espirituda amin+ a maipaay iti publiko a panagserbi,+ a naibaon tapno agserbida kadagidiay agtawid+ iti pannakaisalakan?

Footnotes