Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Haggeo 2:1-23

2  Iti maikapito+ a bulan, iti maikaduapulo ket maysa nga aldaw ti bulan, dimteng ti sao ni Jehova babaen ken Haggeo+ a mammadto, a kunkunana:  “Sawem, pangngaasim, ken ni Zorobabel+ nga anak ni Sealtiel,+ ti gobernador ti Juda,+ ken ni Josue+ nga anak ni Jehozadac+ a nangato a padi, ken kadagidiay nabatbati kadagiti umili, a kunaem,  ‘Siasino kadakayo a nabatbati ti nakakita iti daytoy a balay iti daydi immuna a dayagna?+ Ket kasano ti panagkitayo itan iti dayta? Saan kadi a, no maidilig iti daydiay, kas awan mamaayna kadagiti matayo?’+  “‘Ngem ita pumigsaka, O Zorobabel,’ kuna ni Jehova, ‘ket pumigsaka,+ O Josue nga anak ni Jehozadac a nangato a padi.’ “‘Ket pumigsakayo, dakayo amin nga umili iti daga,’ kuna ni Jehova, ‘ket agtrabahokayo.’+ “‘Ta addaak kadakayo,’+ kuna ni Jehova ti buybuyot.  ‘Lagipenyo ti banag a pinatalgedak kadakayo idi rimmuarkayo manipud Egipto,+ ken idi a ti espirituk+ nagtalinaed iti tengngayo. Dikay agbuteng.’”+  “Ta daytoy ti kinuna ni Jehova ti buybuyot, ‘Maminsan pay—iti mabiiten a kanito+—ket yugayogek ti langlangit ken ti daga ken ti baybay ken ti namaga a daga.’+  “‘Ket yugayogekto dagiti amin a nasion, ket umayto dagiti matarigagayan a banag dagiti amin a nasion;+ ket daytoy a balay punnuekto iti dayag,’+ kinuna ni Jehova ti buybuyot.  “‘Ti pirak kukuak, ket ti balitok kukuak,’+ kuna ni Jehova ti buybuyot.  “‘Dakdakkelto ti pagbalinan ti dayag daytoy maud-udi a balay ngem iti dayag daydi immuna,’+ kinuna ni Jehova ti buybuyot. “‘Ket iti daytoy a disso mangipaayakto iti talna,’+ kuna ni Jehova ti buybuyot.” 10  Iti maikaduapulo ket uppat nga aldaw ti maikasiam a bulan, iti maikadua a tawen ni Dario, ti sao ni Jehova dimteng ken Haggeo+ a mammadto, a kunkunana: 11  “Daytoy ti kinuna ni Jehova ti buybuyot, ‘Agimtuodka, pangngaasim, iti papadi maipapan iti linteg,+ a kunaem: 12  “No ti maysa a tao agawit iti nasantuan a lasag iti pandiling ti kawesna, ket babaen iti pandilingna pudno a makasagid iti tinapay wenno iti nailambong wenno iti arak wenno iti lana wenno iti aniaman a kita ti taraon, agbalinto aya a nasantuan dayta?”’”+ Ket simmungbat ti papadi ket kinunada: “Saan!” 13  Ket kinuna ni Haggeo: “No ti asinoman a narugit gapu iti natay a kararua masagidna ti aniaman kadagitoy a banag, agbalinto aya a narugit dayta?”+ Kalpasanna simmungbat ti papadi ket kinunada: “Agbalinto a narugit.” 14  Iti kasta simmungbat ni Haggeo ket kinunana: “‘Kasta daytoy nga ili, ket kasta daytoy a nasion iti sanguanak,’+ kuna ni Jehova, ‘ket kasta ti isuamin nga aramid ti im-imada, ken ti aniaman nga idiayada sadiay. Narugit.’+ 15  “‘Ngem ita, pangngaasiyo, isaadyo ta pusoyo+ iti daytoy manipud itoy nga aldaw ken agpatpatuloy, sakbay idi ti panangikabil iti maysa a bato iti rabaw ti maysa a bato iti templo ni Jehova,+ 16  manipud idi napasamak dagidiay a banag—ti maysa immay iti bunton a duapulo a kasukat, ket sangapulo idi ti adda; ti maysa immay iti tangke a pagpespesan tapno tumaya iti limapulo a kasukat iti kalasugan ti arak, ket duapulo idi ti adda;+ 17  kinabilkayo iti pannakakset+ ken iti buot+ ken iti uraro,+ ti met laeng isuamin nga aramid ti im-imayo,+ ket awan kadakayo ti bumaw-ing kaniak,’+ kuna ni Jehova— 18  “‘Isaadyo ti pusoyo,+ pangngaasiyo, iti daytoy manipud itoy nga aldaw ken agpatpatuloy, manipud iti maikaduapulo ket uppat nga aldaw ti maikasiam a bulan, manipud iti aldaw a pannakaisaad ti pamuon ti templo ni Jehova;+ isaadyo ta pusoyo iti daytoy: 19  Addan aya bin-i iti abut a pagidulinan iti bukbukel?+ Ket ita, ti ubas ken ti kayo a higos ken ti kayo a granada ken ti kayo nga olibo—saan pay a nagbunga, di ngamin? Manipud itoy nga aldaw mangipaayakto iti pamendision.’”+ 20  Ket ti sao ni Jehova dimteng iti maikadua a daras ken Haggeo+ iti maikaduapulo ket uppat nga aldaw ti bulan,+ a kunkunana: 21  “Sawem ken Zorobabel a gobernador ti Juda,+ ‘Yugayogek ti langlangit ken ti daga.+ 22  Ket sigurado a duprakekto ti trono dagiti pagarian ket pukawek ti pigsa dagiti pagarian ti nasnasion;+ ket duprakekto ti karuahe ken dagiti nakasakay iti dayta, ket dagiti kabalio ken dagiti nakasakay kadakuada sigurado a matnagdanto,+ tunggal maysa babaen ti kampilan ti kabsatna.’”+ 23  “‘Iti dayta nga aldaw,’ kuna ni Jehova ti buybuyot, ‘alaenkanto, O Zorobabel+ nga anak ni Sealtiel,+ ti adipenko,’ kuna ni Jehova; ‘ket sigurado nga isaadkanto a kas pangselio a singsing,+ agsipud ta sika ti pinilik,’+ kuna ni Jehova ti buybuyot.”+

Footnotes