Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Haggeo 1:1-15

1  Iti maikadua a tawen ni Dario nga ari,+ iti maikanem a bulan, iti umuna nga aldaw ti bulan, babaen ken Haggeo+ a mammadto, ti sao ni Jehova dimteng ken ni Zorobabel+ nga anak ni Sealtiel,+ ti gobernador ti Juda,+ ken ni Josue+ nga anak ni Jehozadac+ a nangato a padi, a kunkunana:  “Daytoy ti kinuna ni Jehova ti buybuyot,+ ‘No maipapan itoy nga ili, kinunada: “Ti tiempo saan pay a dimteng, ti tiempo ti balay ni Jehova, tapno maibangon dayta.”’”+  Ket ti sao ni Jehova nagtultuloy a dumteng babaen ken Haggeo a mammadto, a kunkunana:  “Tiempo kadi nga agnaedkayo kadagiti balayyo a nagsukot ti didingna,+ idinto ta daytoy a balay ket rebbek?+  Ket ita daytoy ti kinuna ni Jehova ti buybuyot, ‘Isaadyo ta pusoyo iti daldalanyo.+  Nagimulakayo iti adu a bin-i, ngem bassit ti maiyeg.+ Adda pannangan, ngem saan nga agingga iti pannakapnek.+ Adda iyiinum, ngem saan nga agingga iti pannakabartek. Adda panangikapet kadagiti kawes, ngem saan a mangpapudot iti asinoman; ket daydiay patangtangdanan isu a mismo patangtangdanan maipaay iti supot a lussolussok.’”+  “Daytoy ti kinuna ni Jehova ti buybuyot, ‘Isaadyo ta pusoyo iti daldalanyo.’+  “‘Sumang-atkayo iti bantay, ket masapul a mangyegkayo iti tabla.+ Ket bangonenyo ti balay,+ tapno pagragsakak dayta+ ket maidaydayawak,’+ kinuna ni Jehova.”  “‘Adda panangsapul iti adu, ngem adtoy adda laeng bassit;+ ket inserrekyo dayta iti balay, ket pinug-awak+—iti ania a rason?’+ kuna ni Jehova ti buybuyot. ‘Gapu iti balayko a rebbek, idinto ta agtartaraykayo, tunggal maysa maigapu iti bukodna a balay.+ 10  Ngarud kadakayo inggawid ti langlangit ti linnaawda, ket inggawid ti daga a mismo ti bungana.+ 11  Ket nangay-ayabak iti kinamaga iti rabaw ti daga, ken iti bambantay, ken iti bukel, ken iti baro nga arak,+ ken iti lana, ken iti patauden ti daga, ken iti naindagaan a tao, ken iti naamo nga animal, ken iti isuamin a nagbannogan ti im-ima.’”+ 12  Ket ni Zorobabel+ nga anak ni Sealtiel, ken ni Josue nga anak ni Jehozadac+ a nangato a padi, ken amin dagidiay nabatbati iti ili nangrugida nga umimdeng iti timek ni Jehova a Diosda,+ ken iti sasao ni Haggeo+ a mammadto, a dayta ti nangibaonan kenkuana ni Jehova a Diosda; ket nangrugi nga agbuteng dagiti umili gapu ken Jehova.+ 13  Ket ni Haggeo a mensahero+ ni Jehova nagsao kadagiti umili maitunos iti rebbengen ti mensahero manipud ken Jehova,+ a kunkunana: “‘Addaak kadakayo,’+ kuna ni Jehova.” 14  Ket ginutugot ni Jehova ti espiritu+ ni Zorobabel nga anak ni Sealtiel, ti gobernador ti Juda, ken ti espiritu ni Josue+ nga anak ni Jehozadac a nangato a padi, ken ti espiritu dagidiay amin a nabatbati kadagiti umili; ket nangrugida a sumrek ken mangaramid iti trabaho iti balay ni Jehova ti buybuyot a Diosda.+ 15  Dayta ket idi maikaduapulo ket uppat nga aldaw ti maikanem a bulan iti maikadua a tawen ni Dario+ nga ari.

Footnotes