Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Habakuk 2:1-20

2  Iti pagguardiaak agtalinaedakto a sitatakder,+ ket agtalinaedakto a naisaad iti rabaw ti baluarte; ket agsiputakto,+ tapno kitaek no ania ti sawennanto babaen kaniak+ ken no ania ti isungbatkonto iti pannubngar kaniak.+  Ket sinungbatannak ni Jehova ket kinunana: “Isuratmo ti sirmata, ket ilanadmo a silalawag iti taptapi,+ tapno iti kasta daydiay agbasa a sipipigsa manipud iti dayta maaramidna a kasta a sitatalabit.+  Ta ti sirmata agpaay pay laeng iti naituding a tiempo,+ ket uman-anangsab a tumurong iti panungpalan, ket saanto nga agulbod. Uray no agtaktak, agtultuloyka a manginanama iti dayta; ta di bumurong a pumudnonto.+ Saanto a maladaw.  “Adtoy! Timmangsit ti kararuana;+ saan a nalinteg iti unegna. Ngem no maipapan iti daydiay nalinteg, babaen ti kinamatalekna agtultuloyto nga agbiag.+  Ket, kinapudnona, agsipud ta ti arak makilanglangen a sigugulib,+ ti nabaneg a lalaki napalangguad;+ ket saannanto a magtengan ti kalatna,+ daydiay a nangpalawa iti kararuana a kas iti Sheol, ken daydiay nga umasping ken patay ket saan a mapnek.+ Ket tiptiponenna kenkuana dagiti amin a nasion ken um-ummongenna a sangsangkamaysa kenkuana dagiti amin nga ili.+  Saan kadi a dagitoy a mismo, isuda amin, mangitag-aydanto maibusor kenkuana iti pagkukuna a proverbio+ ken iti pangtukoy a balikas, parparipirip kenkuana? Ket kunaento ti maysa, “‘Asi pay daydiay mangpapaadu iti saanna a kukua+—O anian a nagbayag!+—ken daydiay mangpadpadagsen iti utang maibusor iti bagina!  Saanto kadi a kellaat a tumakder dagidiay agsingsingir kenka iti patubo, ken agriing dagidiay sidadawel a mangyegyegyeg kenka, ket sigurado nga agbalinka kadakuada a maysa a banag a kamkamen?+  Agsipud ta sika inagawam ti adu a nasion, amin dagidiay nabatbati kadagiti ili agawandakanto,+ gapu iti panangibukbok iti dara ti sangatauan ken ti kinaranggas iti daga, ti ili ken amin dagidiay agnanaed iti dayta.+  “‘Asi pay daydiay gumunggun-od iti dakes a gunggona maipaay iti balayna,+ tapno isaadna ti umokna iti kangatuan, iti kasta maispal iti panangpetpet ti makadidigra!+ 10  Nangigakatka iti nakababain a banag iti balaymo, ti pananggessat ti adu nga ili;+ ket ti kararuam agbasbasol.+ 11  Ta manipud iti pader umkisto a sililiday ti mismo a bato, ket manipud iti aramid a kayo sumungbatto iti dayta ti mismo a pasanggir.+ 12  “‘Asi pay daydiay mangbangbangon iti siudad babaen ti panagibukbok iti dara, ken nangipasdek a sititibker iti ili babaen iti kinakillo!+ 13  Adtoy! Saan kadi a manipud ken Jehova ti buybuyot nga agbannogto dagiti ili maipaay laeng iti apuy, ket dagiti nasional a bunggoy bannogendanto ti bagbagida maipaay laeng iti awan kapapay-anna?+ 14  Ta ti daga mapnonto iti pannakaammo iti dayag ni Jehova no kasano a ti met laeng dandanum abbonganda ti baybay.+ 15  “‘Asi pay daydiay mangmangted kadagiti kaduana iti mainum, a mangisinggalut iti dayta ti pungtot ken ungetmo, tapno barteken ida,+ iti panggep a panangkita kadagiti pasetda nga ibain.+ 16  Sigurado a mabsogkanto iti pannakaibabain imbes a dayag.+ Uminumka met, sika,+ ket maibilangka a di nakugit.+ Ti kopa ti makannawan nga ima ni Jehova umayto kenka,+ ket addanto pannakaibabain iti dayagmo; 17  agsipud ta ti kinaranggas a naaramid iti Libano+ isunto ti mangabbong kenka, ken ti mamagkullayaw kadakuada a kinagaramugam kadagiti animal, gapu iti panangibukbok iti dara ti sangatauan ken ti kinaranggas a naaramid iti daga,+ iti ili ken amin dagidiay agnanaed iti dayta.+ 18  Ania ti magunggona iti kinitikitan a ladawan,+ idinto ta kinitikitan ti nangporma iti dayta, maysa a sinukog nga estatua, ken maysa a manangisuro iti kinaulbod?+ idinto ta ti nangporma iti langana nagtalek iti dayta,+ agingga iti panangaramidna iti awanan pateg a didios a di makapagsao?+ 19  “‘Asi pay daydiay agkunkuna iti pedaso a kayo: “O agriingka!” iti bato nga umel: “O agriingka! Dayta mangipaayto iti pammilin”!+ Adtoy! Nabalkutan iti balitok ken pirak,+ ket awan a pulos anges iti tengngana.+ 20  Ngem ni Jehova adda iti nasantuan a templona.+ Agulimekkayo iti sanguananna, intero a daga!’”+

Footnotes