Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 9:1-29

9  Ket ti Dios binendisionanna ni Noe ken ti annakna ket kinunana kadakuada: “Agbungakayo ken agadukayo ket punnuenyo ti daga.+  Ket ti panagbuteng kadakayo ken ti panagaligaget kadakayo agtultuloyto iti tunggal sibibiag a parsua iti daga ken iti tunggal agtaytayab a parsua iti langlangit, iti isuamin nga aggargaraw iti daga, ken kadagiti amin nga ikan iti baybay. Naipaayda itan ita imayo.+  Tunggal aggargaraw nga animal a sibibiag mabalin nga agserbi kas taraon maipaay kadakayo.+ Kas kadagiti berde a mula, itedko amin dayta kadakayo.+  Ti laeng lasag agraman ti kararuana+—ti darana+—dikay kanen.+  Ken, malaksid iti dayta, singirekto ti dara dagiti kararuayo. Manipud iti ima ti tunggal sibibiag a parsua singirekto dayta; ken manipud iti ima ti tao, manipud iti ima ti tunggal maysa a kabsatna, singirekto ti kararua ti tao.+  Asinoman a mangibukbok iti dara ti tao, babaen ti tao maibukbokto ti bukodna a dara,+ ta iti ladawan ti Dios inaramidna ti tao.  Ket no maipapan kadakayo, agbungakayo ken agadukayo, saknapanyo ti daga ket agadukayo iti dayta.”+  Ket kinuna ti Dios ken Noe ken iti annakna a naikuyog kenkuana:  “Ket no maipapan kaniak, adtoy ipasdekko ti tulagko+ kadakayo ken kadagiti putotyo a sumaruno kadakayo,+ 10  ken iti tunggal sibibiag a kararua a naikuyog kadakayo, kadagiti agtatayab, kadagiti animal ken kadagiti amin a sibibiag a parsua iti daga a naikuyog kadakayo, manipud kadagidiay isuamin a rummuar iti daong agingga iti tunggal sibibiag a parsua iti daga.+ 11  Wen, ipasdekko ti tulagko kadakayo: Awanton ti pannakagessat ti isuamin a lasag babaen ti dandanum ti layus, ken awanton ti mapasamak a layus a mangdadael iti daga.”+ 12  Ket innayon ti Dios: “Daytoy ti pagilasinan+ ti tulag nga itedko iti nagbaetantayo ken tunggal sibibiag a kararua a naikuyog kadakayo, maipaay kadagiti kaputotan agingga iti tiempo a di nakedngan. 13  Ti bullalayawko+ itedko iti ulep, ket agserbinto kas maysa a pagilasinan ti tulag iti nagbaetak ken iti daga. 14  Ket mapasamakto a no mangyegak ti ulep iti ngatuen ti daga, ngarud ti bullalayaw pudno unay nga agparangto iti ulep. 15  Ket pudno unay a lagipekto ti tulagko+ nga adda iti nagbaetantayo ken tunggal sibibiag a kararua iti isuamin a lasag;+ ket ti dandanum saanton nga agbalin a layus a mangdadael iti isuamin a lasag.+ 16  Ket ti bullalayaw agaddanto iti ulep,+ ket pudno unay a kitaekto dayta tapno lagipek ti tulag agingga iti tiempo a di nakedngan+ iti nagbaetan ti Dios ken tunggal sibibiag a kararua kadagiti isuamin a lasag nga adda iti rabaw ti daga.”+ 17  Ket ti Dios inulitna ken Noe: “Daytoy ti pagilasinan ti tulag nga ipasdekko iti nagbaetak ken isuamin a lasag nga adda iti rabaw ti daga.”+ 18  Ket ti annak ni Noe+ a rimmuar iti daong isu idi da Sem ken Ham ken Jafet. Idi agangay ni Ham isu ti ama ni Canaan.+ 19  Dagitoy a tallo ti annak ni Noe, ket manipud kadagitoy a nagwaras a sisasaknap ti isuamin a populasion ti daga.+ 20  Ita nangrugi ni Noe kas maysa a mannalon+ ket nagmula iti kaubasan.+ 21  Ket rinugianna ti imminum iti arak ket nabartek,+ ket iti kasta linukasanna ti bagina iti tengnga ti toldana. 22  Idi agangay nakita ni Ham+ nga ama ni Canaan ti kinalamolamo ni amana+ ket insarsaritana iti dua a kakabsatna idiay ruar.+ 23  Iti kasta da Sem ken Jafet nangalada iti kagay+ ket inkabilda dayta kadagiti abagada a dua ket nagnada a patallikud. Gapuna inabbonganda ti kinalamolamo ni amada, bayat a nakatallikud dagiti rupada, ket saanda a nakita ti kinalamolamo ni amada.+ 24  Kamaudiananna nagriing ni Noe manipud pannakabartekna iti arak ket naammuanna ti inaramid kenkuana ti inaudian nga anakna. 25  Gapu itoy kinunana: “Mailunod koma ni Canaan.+ Isu agbalin koma a kanunumuan nga adipen ti kakabsatna.”+ 26  Ket innayonna: “Bendito koma ni Jehova,+ ti Dios ni Sem, Ket agbalin koma ni Canaan nga adipenna.+ 27  Ti Dios ipaayanna koma ni Jafet iti nalawa a lugar, Ket isu agtaeng koma kadagiti tolda ni Sem.+ Agbalin koma ni Canaan nga adipenna met.” 28  Ket ni Noe nagtultuloy nga agbiag iti tallo gasut ket limapulo a tawen kalpasan ti layus.+ 29  Gapuna dagiti amin nga aldaw ni Noe nagdagup iti siam a gasut ket limapulo a tawen ket isu natay.+

Footnotes