Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 8:1-22

8  Kalpasan dayta ti Dios linagipna+ ni Noe ken tunggal atap nga animal ken tunggal naamo nga animal a naikuyog kenkuana iti daong,+ ket pinalabas ti Dios ti maysa nga angin iti rabaw ti daga, ket nangrugi nga agati ti dandanum.+  Ket nasullatan dagiti ubbog ti nadanum a yuyeng+ ken dagiti aribengbeng+ ti langlangit, ket iti kasta nalappedan ti bayakabak manipud iti langlangit.  Ket ti dandanum nangrugi a nages-es iti daga, nagtultuloy a nages-es; ket iti ngudo ti sangagasut ket limapulo nga aldaw awanen ti dandanum.+  Ket idi maikapito a bulan, iti maikasangapulo ket pito nga aldaw ti bulan, ti daong+ naisadsad iti bambantay ti Ararat.+  Ket ti dandanum nagtultuloy a bimmassit agingga iti maikasangapulo a bulan. Idi maikasangapulo a bulan, iti umuna ti bulan, nagparang dagiti tapaw ti bambantay.+  Gapuna napasamak nga iti ngudo ti uppat a pulo nga aldaw linuktan ni Noe ti tawa+ ti daong nga inaramidna.  Kalpasan dayta imbaonna ti maysa a wak,+ ket nagtultuloy a nagtayab iti ruar, a nagsublisubli, agingga a ti dandanum nagmaga iti daga.  Kalpasanna imbaonna manipud kenkuana ti maysa a kalapati+ tapno kitaenna no ti dandanum naabbatanen iti rabaw ti daga.  Ket ti kalapati saan a nakasarak iti aniaman a pagbatayan a maipaay iti dapan ti sakana, ket ngarud nagsubli kenkuana iti daong agsipud ta ti dandanum adda pay laeng iti rabaw ti intero a daga.+ Iti kasta inyunnatna ti imana ket innalana dayta ken inyegna kenkuana iti uneg ti daong. 10  Ket nagtultuloy a naguray iti sabali pay a pito nga aldaw, ket naminsan pay nga imbaonna ti kalapati manipud iti daong. 11  Idi agangay immay kenkuana ti kalapati idi agarup rumabii ket, adtoy! adda kakkettel a bulong ti olibo+ iti sippitna, ket ngarud naammuan ni Noe a ti dandanum nagabbaten iti daga.+ 12  Ket isu nagtultuloy a naguray iti sabali pay a pito nga aldaw. Kalpasanna imbaonna ti kalapati, ngem saanen a pulos nagsubli kenkuana.+ 13  Ita naaramid idi maikanem a gasut ket maysa a tawen,+ iti umuna a bulan, iti umuna nga aldaw ti bulan, a ti dandanum naatiananen iti daga; ket inikkat ni Noe ti takkab ti daong ket kimmita, ket adtoy ti rabaw ti daga nagmagan.+ 14  Ket idi maikadua a bulan, iti maikaduapulo ket pito nga aldaw ti bulan, ti daga nagmagan.+ 15  Ti Dios nagsao ita ken Noe, a kunkunana: 16  “Rummuarka iti daong, sika ken ti asawam ken ti annakmo ken ti assawa ti annakmo a maikuyog kenka.+ 17  Tunggal sibibiag a parsua a naikuyog kenka manipud tunggal kita ti lasag,+ kadagiti agtaytayab a parsua+ ken kadagiti animal+ ken kadagiti amin nga aggargaraw nga animal nga aggaraw iti rabaw ti daga,+ iruarmo ida a maikuyog kenka, tapno agpangenda iti daga ken agbungada ket agaduda iti rabaw ti daga.”+ 18  Iti kasta rimmuar ni Noe, ken kasta met dagiti annakna+ ken ti asawana ken ti assawa dagiti annakna a naikuyog kenkuana. 19  Tunggal sibibiag a parsua, tunggal aggargaraw nga animal ken tunggal agtaytayab a parsua, isuamin nga aggaraw iti daga, sigun iti pampamiliada rimmuarda iti daong.+ 20  Ket ni Noe rinugianna ti mangbangon iti maysa nga altar+ ken Jehova ken mangala iti sumagmamano kadagiti amin a nadalus nga animal+ ken kadagiti amin nga agtaytayab a parsua a nadalus+ ken mangidaton kadagiti daton a mapuoran iti rabaw ti altar.+ 21  Ket nangrugi a masay-up ni Jehova ti makabang-ar a sayamusom,+ ket ngarud kinuna ni Jehova iti pusona:+ “Saankonton a pulos ilunod ti daga+ maigapu iti tao, agsipud ta ti pagannayasan+ ti puso ti tao dakes manipud pay kinaagtutubona;+ ken saankonton a pulos kabilen ti tunggal sibibiag a banag kas iti inaramidko.+ 22  Iti amin nga al-aldaw a panagtultuloy ti daga, ti panagimula iti bin-i ken panagani, ken ti lamiis ken pudot, ken ti kalgaw ken kalam-ekna, ken ti aldaw ken rabii, saanto a pulos agsarday.”+

Footnotes